الموضوع: بخصوص علامة السيات الخلفية للابيزا 98.

هل هو واخد شكل النجمه لو واخد شكل النجمه يبقى دى يتفك بحاجه أسمها ألانكيه مشر شر ورقمه فى الغالب هيكون رقم 20 لوأنت قريب من الهرم ممكن نتقابل وأعملهولك
أما العلامه فدى بتتباع جديده ومعتقدش أستيراد لأن محدش هيردى يخلاعهلك من على البلاستيكه السوداء الى بتتكلم عنها
ممكن يقلك خد باب الشنطه كله ههههههههههههههه

متشكر جدا علي تعاونكم يا جماعة.

أكيد طبعا مش هشتري باب الشنطة كله يا م/ محمد :)
بس علي فكرة هو مش الانكية مشرشر علي ما أظن لأني عارف شكل مسامير الألانكية . هحاول أصوره بكرة ان شاء الله لو قدرت.

بس إن شاء الله لما ألاقي العلامة الجديدة هرتب موعد معاكم و ربنا يسهل. :)

إلي م/إيهاب : لو ربنا وفقني و لقيت العلامة, هبقي أقولك إن شاءالله.
بس من هنا لحد ما أجيبها. ممكن أتعبك و تجربي الألانكيهات اللي معاك علي القاعدة اللي عندك و تشوف اذا كان فيهم واحد مناسب لمسمار القاعدة و تصوره لي؟
أشكرك مرة تانية.

دي صورة المسمار ابن ال.... مسامير اللي رابط قاعدة العلامة.

يا ريت حد يفيدني ألاقي مفك ليه فين؟ :)

بيتهيئلى يأحمد أن دا ألنكيه وعلى فكره انا شفت العلامه النهارده عند سامح الى فى مصر الجديده بس للأسف كت مدووش قوى ونسيت أسألو على ثمنها معلشأعذرنى

ولا يهمك .. كفاية اهتمامك دة . شكرا لك

بالنسبة للمسمار, للأسف دة مش ألنكية.
أنا نزلت التوفيقية علشان أدور علي مفك ليه و كنت بدور علي العلامة أيضا. ملقيتش العلامة , بس في واحد قاللي روح التوكيل علشان تفك المسمار دة علشان ملوش مفتاح غير عندهم. confused:

معقول أروح التوكيل علشان أفك مسمار !!!!!!!!!!!!!!!!!!

أنا هبقي أسأل علي العلامة النهاردة بالتليفون عند سامح و أبلغك بسعرها ان شاء الله.

أنا اتصلت بجميع محلات قطع غيار سيات المعروفة في القاهرة , مفيش حد عنه العلامة
المفاجأة بقي هي أن العلامة مش موجودة في التوكيل !!!!!!!!!!!!!!!!!
بس في محل منهم قاللي أن متوسط سعرها 40 أو 50 جنيه.