محتاج مساعدتك بخصوص الشكمان

**Nour_Peugeot** · 04-04-2009 07:55 PM

السلام عليكم جميعا يا شباب

انا في الفتره القادمه ان شاء الله هبدا تعديل سياراتي كليا بس مش كليا اووي يعني ههههههههه

و كنت عيز ازود اداء الموتور بدون تغيير الموتور

و انا كنت عدلت الموتور بتركيب وش سلندر موتور البرستيج ال 2000 سي سي علي الموتور الخاص بي ال 1600

و بدات افكر هركب ايه

فلتر هواء رياضي
بوجيهات سبليت فاير
و لازم شكمان رياضي

فا بدات ادور علي الحوار ده

فا دلوقتي انا كل المحتاجه من الشكمان

(اداء عالي - صوت هادي غير مزعج في السفر )

فا ناس قلتلي راكب هيدرز بس
و ناس قلتلي ركب علبه شكمان بس
و ناس قلتلي ركب شكمان كامل رياضي و هيبقي صوته هادي

فا انا مش عارف اعمل ايه

شكمان كامل ولا هيدرز ؟؟

و مين هيزود الاداء اكتر

و شكرا لتعبكم معايا

**Fadi Ezzat** · 04-04-2009 10:21 PM

انا من راىى تركب شكمان كامل قصدى هيدر كامل
هيديك اداء احسن بس الصوت هيبقى عالى شوية بس هيبقى اهدى من الديفل والحاجات المقرفة فى صوتها دى

**2hmed_7osam** · 05-04-2009 04:56 PM

والله معنديش خلفيه ف الموضوع دا
ومستني معاك حد يفيدنا :)

**MMamdouh** · 05-04-2009 05:02 PM

لو تقدر تجيب شكمان كامل من شركة كحترمة يبقى احسن

راجع ايمن momo10000 و شوف ايه موجود لعربيتك

MMamdouh

**Fadi Ezzat** · 05-04-2009 07:17 PM

انا هنصحك بحاجة اخيرة هات شكمان كامل من محل حمادة بنة غازى
play&plug
وريح نفسك وعيش

**Fadi Ezzat** · 06-04-2009 05:53 PM

انا اعرف ان العربية هتزيد احصنة اة بس هتزيد عوزم اكتر
وطبعا الشكمان الكامل هيبقى احسن

**Fadi Ezzat** · 09-04-2009 04:18 PM

المشاركة الأصلية كتبت بواسطة Nour_Peugeot

يعني في حدود كام % و هلي الايرد ديناميك بتاع العربيه لو اتعدل هيفيد في التسارع و الثبات

ولا غير ملحوظ

بص يانور
انت لو وطيت العربية عموما من غير عفشة رياضية وكدة بتبقى اكثر ثباتا منن الاول وكل لما توطى العربية تلاقيها احسن
بس العفشة الرياضية بتعمل شغل تانى خالص بتحلى الثبات حاجة فعلا جامدة اما بالنسبة للشكمان والبوجيهات الاسبلت فاير والفلتر بتاع الهواء الى انت عايزهم اكيد مية فى مية هيزودو التسارع ويبقى احسن بكتير خصوصا على السرعات العالية بس بردو استهلاك البنزين هيعلى اوى
بس دة يرحع لطريقة سواقتك لو انت بتشد وتقرص هتلاقى البنزين بيروح بسرعة اما لو انت بتمشى مشى هادى يعنى مش بدوس على البنزين مرةواحدة بتجبها بالتدريج هتلاقى البنزين معاك بيوفر اكتر من الاول