السلام عليكم
يا شباب انا عايز اشتري عربيه كويسه وفيها معدلات الامان جيده
ايهما افضل فورد 2008-هوندا سيفك-سوبارو امبيريزا-لانسر سبورت 2008 الشكل القديم.
ارجو المساعده بارئكم
والسلام عليكم:verygood:
عرض للطباعة
السلام عليكم
يا شباب انا عايز اشتري عربيه كويسه وفيها معدلات الامان جيده
ايهما افضل فورد 2008-هوندا سيفك-سوبارو امبيريزا-لانسر سبورت 2008 الشكل القديم.
ارجو المساعده بارئكم
والسلام عليكم:verygood:
فورد مونديو 2009 حدوته 5 نجمات فى اختبار الامان وفورد مونديو 2009 تحفه وفوكاس 2009
هوندا عربيه لا نقاش بس ارتفاعها عن الارض اقل ودى مش متماشى مع البيئه المصريه
لانسر عربيه تقليديه وفى النهايه لانسر بس طبعا قطع غيار اوفر وارخص من الهوندا ومن الفورد
وانا بشجع فورد وخاصة مونديو 2009 هى ب200000 جنيه
خش على الرابط دى وشوف
http://www.thefordstory.com/safety/
لو انت بدور على معدلات امان عالية يبقي سيارة اوروبية و طبعا زي ما قال العضو الفاضل
الفورد من اامن السيارات عموما
لو انت بتدور على عربية قوية يبقي الاوروبي يكسب يعني الفورد
لكن لو بدور على اعادة البيع يبقي انت بتتكلم على اللانسر
السوبارو انا معرفش عنها حاجة الصراحة
و الهوندا كويسة بس واطية اوي و ده هايتعبك في الشوارع بتاعتنا
الف شكر يا M S H A بس فورد منديو غاليه اوي اويه عاليا
انا مايل اكثر لي الفورد فوكس
لو عندك اي نصائح يا ريت تنصحني بيها
وشكرا تاني علي ردك:ask:
معلش هارد عليك ابل الي متوجه له الكلام
انت ممكن تروح تعمل تجربة قيادة للفوكاس و ده موضوع مبتسمحش بيه شركات كتير و لو عجبتك فكر فيها اكتر
اياك والفورد فوكس هي فعلا العربيه ظريفة شكلا لاكن الشكل هو الحاجة الوحيدة الظريفة فيها
تعالى بقى أقولك على العيوب:
- تكلفة قطع الغيار اللي هاتدفعها في سنتين بالكتير هاتعادل تمن العربية
- مركز الصيانة محتاج واحد فاضي لا وراه شغله ولا مشغله وياريت وانتا رايح تاخد معاك بطانيه احتياطي عشان لو اضطريت تبات كام يوم
- اتزان العربية على الطريق وفي الملفات تماما زي معدلات الاتزان في التوك توك
- لاقدر الله لو العربيه عملت حادثة الاير باج بتفتح بعد مايكون صاحب العربيه وصل المستشفى ده لو فتحت
أنا معاك في الهوندا قلبا وقالبا لان العربيه متينه جدا وعاليه الرفاهيه والعيب الوحيييييييد اللي فيها هو فعلا انها واطيه على الارض بس متنساش ان ده بيديك اتزان هايل على الطريق ولو عايز تجرب تعالى نجربها في طريق العين السخنه يوم 1 مايو ان شاء الله
:colsmil:
خير خير خير
بص حضرتك كاره العربية ده حريتك
بس ثبات و فورد لا انسي .
اي موديل من فورد بيكون الاعلى ثبات و امان في الفئة بتاعته
و الا مكانتش المونديو الجديدة خدت خمس نجوم في اختبارات الامان و المتانة الاوروبية
الي افضل عربية اسيوية ممكن تاخد فيه اربعة
موضوع قطع الغيار اه اغلي من عربيات تانية بس عمرها الافتراضي بتاعها عالي برده و الموضوع ده عن تجربة
سوء التوكيل مفيش توكيل في مصر محترم و كلهم زفت
و لو ضورت ورا كل نوع هاتلاقي واحد او اتنين او اكتر شربوا المر و خسروا كتير من ورا العربية الزيرو
و اتمنى حد من الي راكبين الفوكاس يرد عليك في موضوع الثبات ده بالزات
كلام حضرتك غريب جدااا
اولا قطع الغيار مش غالية بالمنظر الرهيب دا وبتتعوض في انها معمرة جدا وبعدين اسمحلي انت مش راكب 128 عشان تبقي مستني الفانوس بتاعها يبقي ب30 جنيه ودا لينك في بعض اسعار قطع الغيار اللي احد ملاك الفوكاس تفضل وكاتبها يمكن صاحب الموضوع يستفيد
http://www.nilemotors.net/Nile/showthread.php?t=44859
ثانيا في موضوع الثبات والاتزان وعوامل الامان في العربية مقدرش اقول علي كلام حضرتك غير no comment
اية ياجماعة الموضوع شكلو كدة هيقلب بخناقة :eee:
احب اوجة كلامى ووجهة نظرى الى صاحب الموضوع بغض النظر عن كلام الاعضاء الكرام
اولا: حضرتك ازاى تدخل الانسر الاسبورت الشكل القديم فى المقارنة (دى تتقارن بصنى النترا كيا سيراتو) لكن الفوكس والسيفيك والحجات مينفعش تدخل معاهم لانها اقل بكتير منهم بالضافة اننا بقينا 2009 ...هات موديلات 2009 مش 2008 (انت الكسبان فى السنة دى)
يبقى كدة صرفنا نظر عن الانسر
يبقى قدامنا الفوكس والسيفيك والسوبارو :
السوبارو امبريزا عربيا كويسة جدا طبعا ولكن ..سحبها فى الاول مش قد كدة +توكيلها (ابو غالى) مش جامد للدرجة ..انا ركبت منها الهاتش باك ..موتورها كويس وهادى والعربية شيك بس انا عن نفسى مش برتحلها ومعجبتنيش اوى
الفوكس: عربية فخمة لاقصى الحدود ..عفشة تمام ..توكيلها الى حد ما ابتدى يبقى كويس ..ثبات مفيش كلام
العربية مكلبشة فى الارض على السرعات العلية وفى الملفات ولا الهواااااااااااا
من وجهة نظرى عيوبها..سعر اعادة البيع ضايع .. ودى نقطة مهمة جدا جدا
والعربية كتجميع سرعات مش قد كدة نظرا لتقلها وقوة جسم العربية على ال 1600 (بس طبعا بتجرى حلو)
السيفيك: افضلهم طبعا
موتور رهيب وعفشة كويسة جدا ويعتبر سحبها افضل سحب فى الفئة بتاعتها
توكيلها محترم جدا وقوى وسعر اعادة البيع تمام ..والصراحة بينى وبينك الهوندا لما بتدفع فيها فلوس بتبقى مطمن
فى الاخر القرار ليك ..
بس بالنسبة لنقطة قطع الغيار
غالى بالنسبة لجميع العربيات دى ومفيش اى فرق
حلو قوى بقى الفوكاس زى التوك توك ممكن نعرف حضرتك راكب ايه يا استاذ h.m
و الله مستني ردك من يومين
أصدقائي و أعزائي الكرام
الموضوع طبعا مش خناقه ولا اي حاجه انا بس بقول رأيي وده طبعا يحتمل الصواب والخطأ
الفوكس عربية من الفئات العاليه مفيش كلام بس العيوب اللي ذكرتها كلها انا شفتها بنفسي محدش حكالي وعلى فكره انا عربيتي مش فوكس اصلا
المونديو خمس نجوم في الامان فعلا بس مش الفوكس ومش كل فورد تبقى مونديو والا مكانش بقى فيه فرق عالي في السعر بينهم
أما عن التوكيلات مصر فيها توكيلات محترمه كتير يعني مثلا لو عربيتك ميتسوبيشي يبقى هاتلاقي 500 مركز صيانه واكيد فيهم كام واحد محترمين وتقدر تثبت اللي تستريحلو فيهم
وعندك مثلا توكيل رينو ناس محترمين برضو ومواعيدهم مضبوطه
وبعدين ياباشا لما هي الفورد عربية بشوات ايه اللي يركب فيها شحات من اساسو عشان حد تاني يركبها من وراه؟؟ الموضوع ده محتاج دراسة مع الموزعين للعربيه وياريت لو يكون فيه كشف هيئه لكل متقدم بطلب شراء سياره فورد
ومع خالص تحياتي واحترامي لرأي الجمييييييع
انا راكب ميجان 2 ياجماعه
ياااادوب على قدي
El focus 5 stars in safety check this please
http://www.euroncap.com/tests/ford_focus_2004/204.aspx
please don't talk about a car that you don't know anything about
For the the difference in prices between the the focus and the mondeo thats normal as the difference between the civic and accord-or the jetta and passat-and so on because they're in different category!! nothing more
حضرتك شايف ان الرينو ليها كام مركز غير التوكيل ومين اصلا بيعرف يصلح الميجان بره التوكيل دى اكتر عربيه بشوفها واقفه فى الطريق والميكانيكى بيتفرج عليها ويمص فى شفايفه مع احترامى لاسم الرينو اللى بقت تتقفل فى رومانيا والمغرب ودار السلام
انا بقى هريحك خالص و مع احترامى لى اراء الجميع
انا من رايى skoda octavia a5 2009
عربيه فيها كلو مميزات مفيش عيوب و ده عن تجربه بس بلاش الشكل الجديد
من الواضح اوي ان سعادتك مش داخل تفيد صاحب الموضوع خالص
وبعدين يكفي ان فورد رابع اكبر شركة تصنيع سيارات في العالم بعد المرسيدس والبي ام والفولكس فاجن يبقي انت بتتكلم في ايه بئي؟؟؟
وبعدين انت بتقول كلامك عن تجربة مش حد حاكيلك يعني انت جربت الفوكاس وطلعت عاملة زي التوكتوك هههههههههههههه
عقبال مانباركلك علي الميجان 3 ياعم و4 و5 كمان
هو حضرتك بتكلم مين كده و انا بكلم صاحب الموضوع
السلام عليكم ورحمه اللهاسف يا اعضاء يا افاضل علي التاخيريا شباب انا عارف ان فورد شركه ممتازه في تصنيع السيارتبس خليكم مكاني الكلام ده حصل امام عينيانا شوفت عربيه فورد فوكس موديل 2007كانت بتعدي من سياره نقل في ملف مش حاد وانا كنت في المقابل في الطريق المعاكسفجاءه لقيت الفورد بتعوم ودخلت في الرصيف الفاصل بين الطريقينواندفعت بعرض الطريق المعاكس واصدمت في السورالعربيه اتبهدلت من الامام الكبوت والفاونيس والاكصدامنتيجه الاصدام في الرصيف والاسور وما فيش اي ايرباج فتحولولا السور كانت وقعت من علي الطريقوكمان زي ما قولت انا مش عارف ايه سبب انها عومت عشان الملف مش حاد ابداءنقول ان افتراضا والله اعلم صاحبها نام غصبن عنه , لكن ما معدلات الامان الاي فيها لم تعمل حتي بعد توقف السياره.المهم الطريق وقف ونزلنا نشوف الناي الاي فيها والحمد الله كلهم بخير مجرد كدمات وجروح بسيطه وعلي لسان صاحب السياره قال انا كنت بعدي العربيه النقل وما كنتش معدي 60ك وما عرفش حصل كده ازاي................ده اول موقف حقيقي حصل ليا مع هذه السياره تفتكروا ايه الانطباع الاي ممكن يحدث.
وياريت ياعم ان شاء الكريم يكون معايا ميجان 3و4و5 .وربنا يكرمنا جميعا بالخير
علي فكرة يا باشا الموضوع الي بتحكي عنه ممكن يحصل مع اي عربية في الملفات في مصر المحروصة
علشان فيه ملفات كتير عندنا بيكون التراب رادمها و لو دخلت على اي ملف منهم باي عربية و جت عجلة في الرملة و التاني على الاسفلت
مش هاتعرف تتحكم في العربية
اما عن الاير باجز ديه مش مع خبطة في الاكصدام
تفتح ديه بتفتح لما الخبطة تزق الريدياتير و تبقي داخلة على الموتور
طبعا الكلام ده تحليل لحاجة انا مشوفتهاش بس اجتهاد
و لو انت عاوز تجرب العربية فورد بتقدم اختبار قيادة للعربية
ممكن تجرب و تقولنا
مممممممم
يا باشا انا لو عامل حسابي كنت صورتلك الصورالحديد وهوا داخل جوا الموتور .... مستنيه ايه تاني الايرباج عشان تفتح؟؟جزء كبير من انطباعي كان بسبب دهشه وذهول السواق اللي حاسس انو معملش اي حاجه عشان يحصل ده كلو
عموما يا اخaYaBooy بحترم درودك وارائك لانها منطقيه وموضوعيه
اما الاخ MASHA فالموضع بالنسبالو مختلف لانو ابتدى يدخل في تعصب وبقى كل همو ان الفورد احسن من الميجان لمجرد ان الفورد مش عاجباني مع ان الميجان اصلا مكانتش داخله في المقارنه اللي طلبها صاحب الموضوع.. وبناءا عليه انا مقلتش رايي في اداء الميجان اساسا انا كل اللي قلتو ان توكيل رينو ناس محترمين ومنظمين جدا بغض النظر عن اداء اي عربيه من العربيات الرينو اصلا... على العموم ياباشا ردك كنت متوقعو من ساعه ما سألت انا راكب ايه وكنت واثق اني حتى لو قلتلك راكب سفينه فضاء كنت هاتشركها
[ياجماعه لتاني مره هاقول ده رأي واحد من 80 مليون واحد يعني مش بالضروره انو يكون صح تماما ومش رأيي انا هو اللي قفل نص مصانع فورد في امريكا واوروبا ولا هو اللي هايفتحهم تاني
انا قلت اللي شفتو عشان افيد صاحب الموضوع وهو ليه مطلق الحريه يشتري فوكس يشتري توك توك مش فارقه .....(اقصد مش فارقه معايا عشان بس الحساسيه)
تحياتي واحترامي لرأي الجميييييييييييييع
يا اخ M_H كل ما في الامر ان اخونا Msha من الناس الي راكبين العربية ديه
و بجد انت برده هاتفهم الرينو كمثل مش عربية منتشرة رغم انها افضل بمراحل من عربيات منتشرة كتير صح
و اكيد انت بعد ما جربتها و ركبتها لما بتلاقي واحد مشفهاش من جوا اصلا اعد يقول اصل
الرينو فيها و فيها بتحس اكيد انك عاوز تجيب كرشة
و موضوع الاير باج ممكن تكون بازت او فيها عطل و طبعا اعتقد ده ممكن يكون
حظ الي اشتراها
و مفيش حساسية من اي حاجة ياباشا من حقك في كل وقت تكتب الي انت عاوزة و برده من حق كل واحد يرد عليك الرد الي هوا شايفة
http://www.france24.com/ar/20081115-...es-diffculties
http://www.alquds.com/node/116280
دى اخبار ومعلومات بتقول قد ايه رينو حجم مبيعاتها انخفض وهتقفل مصانعها اوكى
ودى رابط معلوماتى بيقول ان فورد هى الشركه الوحيده التى لم تسعى للحصول على اى مساعدات ماليه
http://www.moq3e.com/t4381.html
بص يا استاذ hm لازم تعرف احترامى الكامل ليك ولكل الاخوه اللى فى المنتدى بس كل الموضوع انى شايف ان حضرتك مركبتش فوكاس علشان تقول عليها توك توك انا مثلا مركبتش سينيك علشان اتكلم عنها وعلى فكره وبمنتهى الامانه لازم تدخل على موقع فورد وتتفرج على اختبارات التصادم وانت هتغير رايك مع احترامى لك وللجميع وبدون تعصب ودى راوابط
http://www.fordvehicles.com/cars/focussedan/?Billboard=4&MenuItem=2&bannerid=582637|32120349|2 12936588|30678416&referrer=N3016.autos.msn.com
http://www.youtube.com/watch?v=rZfjgumCmTc
يا رجالة يا ريت نقفل باب النقاش في الموضوع ده
هو كدة قلب خناقة و انا مش شايف اي حاجة تستدعي ذلك
Msha نشكر حضرتك على الينكات و المجهود ده
و برده بشكر اخونا M_H على تقديم نصيحته لصاحب الموضوع
و توضيح كلامة بعد ذلك و نرجوا جميعا ان نكون قدمنا ما يساعد الاخ H_M صاحب الموضوع
السلام عليكم جميعا
الف الف شكر لجميع الاعضاء الكرام علي جميع النصائح الغاليه
والله كلها نصائح مفيده وربنا يكرمنا جميعا بالخير
وارجو محدش يزعل من حد
كل واحد ليه وجهه نظره والمهم في الاخر انه يكون سعيد ومرتاح مع سيارته
وربنا يبعد عنكم جميعا اي شر في عربيتكم.:shine[1]::shine[1]::shine[1]:
يا جماعه كلنا اصدقاء والاختلاف فى وجهات النظر لا يفسد للود قضيه
كلامك صحيح ياباشا 100 %
انا كمان استفدت من الحوار ده واكيد وجهة نظري اتغيرت بعد النقاش
شكرا ليكم جميعا