الموضوع: بخصوص الحب

بص يا باشا هقولك علي حاجة معلش يعني الي زي دول خسارة ان احنا نزعل عليهم دول عالم مريضة ولما تكلمك ثاني قلها كنت فاكرك بنوتة ممكن تحبي بجد لكن طلعتي زبالة انا بهزر طبعا متقولهاش كده نفضلها واوعي تكلمها الي بيخون مرة بيخون الف واحمد ربنا انه خلاك تشوفك علي حقيقتها
وهقولك زي ما قالولنا زمان طاما انت كنت مخلص في حبك
ان شاء الله تتجوز ست ستها وبالتوفيق

ممكن كلامى ميعجبكش بس دا مجرد رأى الغلط عليك انت من الاول مش ا واحده تكلم واحد وتقولو بحبك وتقابله يبقى هو دا الحب الحب ليه معنى اكبر من كده بكتير الحب مشاعر متبادله الحب كلمه بتتقال على لسانكو انتو الاتننين فى وقت واحد من غير تنظيم ولا تعديل لانها طلعا من جو على طول بامر من القلب الحب تضحيه وخوف على بعض وخوف على نفسها وسمعتها لان الى تقبل انها تقف معاك وتكلمك بسهوله كده يبقى مبتحبش لا بتتسلى والى بيتسلى من السهل انو يتسلى فى اى وقت لانه انسان ساذج واخد الدنيا تسالى

يا فادى ...
كبر دماغك ...
دى بصراحه بدون زعل متستاهلش انك تضايق نفسك لحظه واحده علشانها ...
دى لو كانت بتحبك بجد و بتحترم علاقتكو كانت عملتلك حساب ..
و مكانتش قالت الكلام الى هى قالته ده ...
عايز رأيى ؟؟
هى رجعت تكلمك تانى علشان مش لاقيه غيرك دلوقتى ...
انا واثق تماما انها لما تلاقى غيرك هتنفضلك تانى ..
و هترجع انت تزعل تانى ...
احسن انها جت منها من الاول ..
فكك منها و متزعلش نفسك ..
انا عارف ان كلامى ممكن يزعل ناس كتير بس ده رأيى ..
و طبعا انا بتكلم على البنت دى بصفه خاصه و ليس البنات بصفه عامه ...

بأختصار شديد كل ماهو موجع للدماغ ابعد عنه
لان الواحد معندوش غير دماغ واحدة بس لو اتوجعت عوضه على الله