جلب مقصات و بيض مقصات للميجان
السلام عليكم
النهاردة كنت عند واحد بتاع قطع غيار رينو أسمه رينو هوم فى جسر السويس بناءً على نصيحة عمرو باشا عمارة.
أنا كنت رايح أشترى بارات دركسيون و شدنى جداً سؤال الراجل سألهولى....
سألنى " مش عاوز جلب مقصات أو بيض مقصات؟ "
أنا معلوماتى كانت أن لو الجلب أو البيض باظو بيتم تغيير المقص بالكامل......:11:
المعلومات لم تكن صحيحة 100%
فعلاً الكلام ده بيحصل بس عشان محدش بيجيب الجلب و البيض لوحدهم.
الراجل ده جايبهم.....نوع أسبانى مش فاكره بالظبط.....بس زى اللى نازلين فيها.....و دى كانت معلومة أول مرة أعرفها.....المقصات + بارات الدركسيون أسبانى مش تركى.
كل مقص فيه جلبتين و بيضة و سعرهم
جلبة كبيرة 75
جلبة صغيرة 55
بيضة 125
المجموع 255 جم
طيب المقص جديد بكام ؟؟؟ سؤال وجيه برضه....
المقص التركى ب 250 جم
المقص الأسبانى ( اللى نازل فيها ) ب 450 جم.