ميلودي تريكس كفااااااااااااااااااااايه

**abo_hosni** · 05-04-2009 07:56 AM

أنا شايف المشكلة في الناس اللي بتتصل لأنهم أول داعمين لاستمرار هذه (المسابقات)

**Ahmed REDA** · 05-04-2009 08:57 AM

الغلط فعلا علي الناس اللي لغت عقولها لمجرد انها لقيت سراب فلوس قدامها

انا مرة شوفت راجل كبير و محترم اتصل بيهم و جاوب علي اول سؤال و مش عارف انت كسبت 10000 جنية و بعدين المذيعة قالتلو حننتقل الان لفقرة (الفريكيكو) والله مش عارف كان اسمها اية
و لازم طبعا تجاوب عشان تاخذ الفلوس و معاها تنيين صغير ,تحب تكمل
قالها اكمل .... اكمل .....

طبعا سالتة سوال عجيب و مجاوبش و خسر ال10000 جنية و التنيين

المشكلة في رد فعل الراجل بقي
في الاول مش مصدق و بيقولها بعني انا خسرت و قعد يكررها و بعدين صوتة تهدج و و شوية شوية انفجر في البكاء و المذيعة نفسها دمعت لما لقيتة بيعيط كدة

راجل كبيير في السن يمكن قد والدي اية اللي يخلية يعمل كدة !!!!!!
مفيش حاجة تستاهل العياط دة و خاصة لو كانت فلوس!!!

بلد بايظة عشان تدي الفرصة لناس تعمل فبنا كدة و احنا طلعنا تييييييييت عشان نروح نتصل بيهم

تعالي اخدعك....

ok انا جاي انخدع اهة...

**tmz9111** · 05-04-2009 10:16 AM

قناة مستفزة ومسابقات تافهة

**KoDaK_Gti** · 05-04-2009 12:20 PM

العيب على الناس الهايفة اللى بتتصل مش عليهم هما
ماهو لو محدش اتصل كانت المسابقات دى قفلت بعد اسبوع

**elassar2010** · 05-04-2009 12:34 PM

الناس هى الى بتشجع القنوات دى وهى الى بتتصل مرة واتنين وعشرة كمان علشان تكسب
الغلط على الناس نفسها

**ahmad5997** · 07-04-2009 12:37 PM

مين بقي عمر الشريف ( سك علي بناتك)

**hossaam** · 07-04-2009 01:52 PM

قمة الاستفزاز بقه..
لما يظبطوا اتصالات وهمية متفق عليها
وتكون اجابة المتصل غلط على سؤال بالهيافة دي..

والله بيحصل

**medooooo** · 07-04-2009 02:35 PM

المشاركة الأصلية كتبت بواسطة AshTurbo

المكاسب بالملايين ياسيدي الفاضل ...السنة اللي فاتت بس 2008 وصل مكاسب القنوات الفضائية العربية من ( الرسائل فقط ) أكثر من 2 مليار دولار أمريكي يعني حوال 11 ألف مليون جنيه مصري في سنة واحدة مش عاوزهم يحطوا صورة ناس معروفة للجميع دول لو طالوا يقلعوا هدومهم هيعملوها بس الرك على الرقابة وإدارة النايل سات اللي سمحت لأي واحد معاه 200 ألف دولار وأجهزة أرسال وموزتين يقدر يفتح قناه في 24 ساعة ... الأهم من كل دة أن في مشكلة أكبر وهي كمية وقت الفراغ الموجود عند الشباب المتابع للقنوات دي وبالطبع الشباب دة لو لقى حاجة نافعة ومفيدة ينشغل فيها مكانش هيبقى عندهم وقت يتفرجوا على التلفزيون من أصله مش القنوات التافهه دي ياناس بقى بالذمة ال 11 مليار دول مش كان العرب أستفادوا بيها ولا عملوا بيها هيئة للتنمية العربية أو لدعم مشروعات في العالم العربي أو طوروا بيها حاجة يا أخي دة على الأقل كانوا فتحوا بيها مصنع وأخترعوا عربية أخترعوا أيه هما لسه هيخترعوا الله يرحم زمن الأختراعات العربية اللي كنا أحنا أول ناس نخترع ونبتكر في العالم هما بس هيجيبوا حتتين حديد ومكنة لحام وفردتين كاوتش وحتتين جلد على كام سلك وأصبح عندنا أختراع عربي ونفتخر ونطلع في كل الدنيا نقول يا ناس ياهوو يأخواننا أخيراً أحنا بقى عندنا عربية (عربية ) .

الله ينور عليك بدليل الفضيحة اللى حصلت للمذيعة بتاعتهم من فتره على الهواء وهما قاصدين يجيبوا بنات (#####) علشان يحققوا نسبة مشاهده عاليه ربنا يلطف بينا كفايه بقا هنلاقيها منين ولا منين

**Hossam_Hassan** · 07-04-2009 03:03 PM

كل نصاب وراه طماع

**PoweRPassioN** · 07-04-2009 03:21 PM

مش عارف ازعل على ان في ناس لسه بسزاجه المتصلين
ولا ازعل ان لسه في ناس بنداله اصحاب القنوات

اللي ياخد فلوس الناس من غير ما يفيدهم باي حاجه يبقى مش بس ندل
يبقى ......

وانا لله وانا اليه راجعون
وحسبي الله ونعم الوكيل

الموضوع: ميلودي تريكس كفااااااااااااااااااااايه

LinkBack

أدوات الموضوع

عرض

-

-

-

-

-

-

-

المواضيع المتشابهه

ميلودي تحدى قلة الأدب ( ايه الفائدة المستفادة )

حد شاف اعلان ميلودي الاخير ؟!!!!

ميلودى تريكس

الكلمات الدلالية لهذا الموضوع

المفضلات

المفضلات

ضوابط المشاركة