ميلودي تريكس كفااااااااااااااااااااايه

**EZABY** · 05-04-2009 12:09 AM

امبارح بليل كنت بقلب في القنوات لقيت مسابقة ميلودي تريكس بيسئلوا عن صاحب الصوره
تخيلوا
عمر الشريف

سوري ان الصوره مش واضحه بس انا اتخنقت اوي منهم فقلت لازم تشوفوا قد ايه الناس دول حاسيين اننا تافهين

**Abo_Lina** · 05-04-2009 12:17 AM

هو جمال مروان ناقص ?
بس عادي الفاشلين كتير في البلد

**eng.octooo** · 05-04-2009 12:18 AM

هههههههههههه دول عاوزين تحس ان السؤال سهل وتتصل ويلموا فلووووووس بجد ربنا ينتقم منهم

**itsonlyme** · 05-04-2009 12:23 AM

السؤال الحتمي، ليه قلبت على ميلودي تريكس. :)
متردش، أنا برضو سعات بقلب عليها عشان اشوف الاستفزاز وصل لفين.

طبعاً معاك حق. قناة مستفزة ومسابقات تافهة واستهزاء بعقول الناس وتلاعب بغرائزهم وطمعهم سواء الاغراء بمذيعة لعوب أو بمبالغ مالية كبيرة.

هما بيكسبوا آلاف من مكالمات التليفون والناس بتخسر وقتها وفلوسها

كل ده ومفيش أي رقابة! لازم يبقى في رقابة على جميع انواع المسابقات.

لازم 0900 يتلغي تماماً.

**EZABY** · 05-04-2009 12:30 AM

السؤال الحتمي، ليه قلبت على ميلودي تريكس. :)

هههههههههه
انا بجيب القناه دي عشان أحمد ربنا على نعمة العقل
وانا معاكوا فعلا انهم بيحققوا مكاسب وهميه على حساب الطمعانين من الجمهور

**SeMo_SiRiOnY** · 05-04-2009 12:58 AM

دي قمة الاستخفاف
بس عادي مهو دة الطبيعي بتعهم

**shafey** · 05-04-2009 02:23 AM

اية الجديد فى كدة البلد كلها كدة كلة مقضيها استهبال فى استهبال

**karimone** · 05-04-2009 02:26 AM

انا الحمد لله ماسحها من عندي هي و محطات تانيه كتيييييير...

**Terrible_DaRsH** · 05-04-2009 02:44 AM

يا راجل ..

بقي ده عمر الشريف برده !!

ده فريد شوقى يا عم :) انت فاكرها سهلة كده .

دى ناس تقيلة برده ..

**AshTurbo** · 05-04-2009 04:09 AM

هما بيكسبوا آلاف من مكالمات التليفون والناس بتخسر وقتها وفلوسها

المكاسب بالملايين ياسيدي الفاضل ...السنة اللي فاتت بس 2008 وصل مكاسب القنوات الفضائية العربية من ( الرسائل فقط ) أكثر من 2 مليار دولار أمريكي يعني حوال 11 ألف مليون جنيه مصري في سنة واحدة مش عاوزهم يحطوا صورة ناس معروفة للجميع دول لو طالوا يقلعوا هدومهم هيعملوها بس الرك على الرقابة وإدارة النايل سات اللي سمحت لأي واحد معاه 200 ألف دولار وأجهزة أرسال وموزتين يقدر يفتح قناه في 24 ساعة ... الأهم من كل دة أن في مشكلة أكبر وهي كمية وقت الفراغ الموجود عند الشباب المتابع للقنوات دي وبالطبع الشباب دة لو لقى حاجة نافعة ومفيدة ينشغل فيها مكانش هيبقى عندهم وقت يتفرجوا على التلفزيون من أصله مش القنوات التافهه دي ياناس بقى بالذمة ال 11 مليار دول مش كان العرب أستفادوا بيها ولا عملوا بيها هيئة للتنمية العربية أو لدعم مشروعات في العالم العربي أو طوروا بيها حاجة يا أخي دة على الأقل كانوا فتحوا بيها مصنع وأخترعوا عربية أخترعوا أيه هما لسه هيخترعوا الله يرحم زمن الأختراعات العربية اللي كنا أحنا أول ناس نخترع ونبتكر في العالم هما بس هيجيبوا حتتين حديد ومكنة لحام وفردتين كاوتش وحتتين جلد على كام سلك وأصبح عندنا أختراع عربي ونفتخر ونطلع في كل الدنيا نقول يا ناس ياهوو يأخواننا أخيراً أحنا بقى عندنا عربية (عربية ) .