وحشتونى يا وحوش...
مش هنتقابل يا رجالة و لا إيه ؟؟؟
بقى لنا شهر أها من ساعة آخر مرة...
و بعدين محمد مصطفى مسافر بعد أقل من أسبوعين
و أحمد عبد المقصود أنا كنت مستنيه هو إللى يقوم بالنداء ( ربنا ما يقطعش لحد عادة حميدة )....لكن أكيد منشغل مع الأمورة الصغيرة ربنا يخليها و يحفظها و كمان هو أوضح إنه عنده ضغط فى الشغل...أتمنى إن ده ما يمنعهوش من الحضور
و كمان متشوق لاكتشاف آخر مغامرات أيمن مع الميجان..حاكم الراجل كل مرة لازم يكون فى مغامرة...ربنا يخليها له
أنا بأقترح إننا نغتنم فرصة إن الجو كويس اليومين دول و نتقابل بالنهار...و كمان علشان نعرف نقعد مع بعض أطول فترة ممكنة....
بقى لنا كتير ما رحناش الرحاب...و كمان حتى الآن هى الأنسب للركن و الوجود بجانب العربيات ...و كمان نلحق مرة قبل ما يخلوها بتذاكر دخول...
إيه رأيكم فى الجمعة الجاية بعد الصلاة ؟؟؟
منتظرين توالى الاقتراحات بشأن المكان و التاريخ و الميعاد...
المفضلات