نتيجة لسوء المعامله الى بيتعرض لها معظم مالكي هيونداي حبيت اسال حضرتكم السؤال ده وخصوصا لما لقيت على المنتدى العام حمله بعنوان لاللهيونداي بعد اليوم !!!!
بصراحة الناس معاهم حق ....
بس ياترى ليه محدش بيتحرك ؟؟!!
طيب لو الزمن رجع للوراء هل هتفكر تشتري هيونداي ؟:whtauwant:
وياريت توضح السبب ؟
اتمنى محدش يبخل بالرد لانى بجد شايف الموضوع مهم
بصراحه هشترى هيونداى خليجى
هيونداى عربيه ممتازه والعيب فى التوكيل و الناس اللى شغاله فيه
و السبب انا حكيته هناhttp://www.nilemotors.net/Nile/showthread.php?t=67218
شكرا على الإيضاح وكلامك فعلا صح
هيونداي عربة كويسة جدا سعرها مناسب لأمكانيتها بس عيبها فى التوكيل
بس برضه حضرتك اخترت هيونداي تانى !!!!!!!!!!!
يمكن علشان السبب الى انا قايله ؟؟
على كل حال الف شكر للإيضاح واتمنى من جميع الرد .
هاختار هيونداي
بالنسبالي عربية لو عطل فيها حاجة هاعرف اجيب حاجتها بسهولة وبسعر رخيص وبعدين هي كعربيات ليست بالسيئة بالنسبة لاسعارها علشان نبعدعنها انا من رأيي عرببيات اعتمادية لايعيبها طبعا سوى التوكيل
انا عندى النترا 2008 مانيوال و لو رجع بى الزمن هاجيب برضة النترا العربية كل احتياجاتى لاقتها فيها واسعة مربحة تقفيلها كويس سحبها جميل و ثباتها رائع رغم انها نازلة بكاوتش رفيع نسبيا 185/65/15 انما تحسها لازقة فى الارض و الفرامل ممتازة فى كافة الظروف برغم عدم وجود abs و السعر ممتاز و اسعارقطع الغيار هنا فى السعودية رخيصة مثلا فلتر الزيت ب 12 ريال دلوقتى و السنة اللى فاتت كان ب 10 ريال كذلك اسعار القطع الاستهلاكية بس مش فاكر بقية الاسعار بالضبط لانى الحمد للة ماحتجتهاش و اعادة البيع هنا فى السعودية كويسة جدا تانى احسن سعر اعادة بيع بعد التويوتا و موجودة هنا تاكسى منذ موديل 2005 جنبا الى جنب مع الكامرى و الكابرس ورغم كدة مستمرة كتاكسىو باعداد حتى الموديل الجديد بدون اى مشاكل مع ملاحظة ظروف التشغيل شديدة القسوة من حرارة مرتفعة جدا و غبار شديد معظم شهور العام و قيادة بسرعات عالية جدا لمدة طويلة تلاقى العربية بقالها سنتين و عاملة فوق ال 200 الف انا شفت فى الصيلنة السابقة نيو اكسنت 2007 عاملة 180 الف كيلو و صاحبها بيقول ما بيعملش غير الصيانات و تقريبا كل السعوديين بيقفلوا العداد فى الطرق السريعة
انا معايا نيو اكسنت و لو رجع الزمان هجيبها تانى .. انا تعاملى مع غبور كان فى صيانة الالف فقط .. و بصراحة محصلش اى مشكلة او حاجة تضايق بالعكس كانوا فوق المستوى .. و رجعوا كلمونى بعديها عشان لو فى اى شكوى او ملحوظة .
انا مش شايف ان غبور وحش اوى كدة .. هى كل مشكلتة انة زحمة شوية و دة بيأثر على النظام هناك و دة شىء طبيعى لانة مستحوذ على حوالى 40% من حصة السوق المصرى لوحدة .. لو فهمنا كدة هنعرف انة كويس مش وحش و خاصة لو شفنا شكاوى الناس من التوكيلات التانية و اللى بيحصل فيها - من سرقة قطع الغيار الى قطع الغيار المضروبة .. الى اخرة .
انا قريت شكوى الاستاذ memes لقيتها بتنصب على حاجة واحدة الزحمة و قلة النظام و المعاملة الجافة و دة شىء متوقع من حجم الضغط اللى علية بس دة مقدور علية بشوية صبر هتاخد خدمتك من غير مشاكل و لا مناهدة مع حد .
ودة الطبيعى فى البلد دلوقتى مش فى غبور بس - انت لو رحت تدفع فلوس الفيزا فى البنك ممكن يقعدوك ساعتين لما ييجى دورك و فى الاخر اسمك رايح تدفع فلوس .
الحمد لله... 14000 كيلو النترا 2008
بدون مشاكل في العربية و لا التوكيل بالعكس شايف إن التوكيل جيد جداً في حدود تعاملاتي معهم حتى الآن.
لو رجع الزمن وبنفس الامكانيات كنت هاجيب هيونداى فيفا ايضا
ولكن طبعا لو رجع الزمن والامكانيات مختلفة كنت هاجيب حاجة تانى
يحيا الفيفاويه
تقريبا من كلامنا كلنا مقتنعين بالهيونداي
يبقى كيد العيب مش في العربية العيب في التوكيل
نجاحها كعربية بمختلف فئاتها و مستوى أسعارها و قطع غيارها و تلبية إحتياجات صاحبها..
ليس له مثيـــل..
و كذلك فشل توكيلها فى الحفاظ على رضى عميله و بالتالى إرتياحك لإختيارك..
أيضا ليس له مثيــــــل..
نـعـم لا يعيبها سوى توكيلها...... و كم هو عامل فعـــــــــال و خطيــر..