بالنسبه لضريبة الرفاهيه...
السلام عليكم و رحمة الله
الاخوة الاعزاء اولا كل عام و انتم بخير و تقبل الله منا و منكم صالح الاعمال و لا تنسونا من صالح دعاؤكم
كان عندي استفسار يا ريت حد فاهم الموضوع يجيبني عنه
دلوقتي انا كان عندي عربيه مستعمله و بيعتها لواحد صاحبي من سنه تقريبا المشكله انه الى الان منقلش ملكيه يعني الى الان العربيه دي بأسمي انا و من كام يوم اشتريت عربيه جديدة و لله الحمد و طبعا دي كمان بأسمي بس محدش سألني و انا بدفع الضريبه ان كان عندي عربيه تانيه و لا لأ
و دلوقتي انا كلمت الراجل اللى اشترى مني انه لازم ينقل الملكيه علشان مدبسش انا في شيء سمعت عنه الا و هو ضريبه الرفاهيه لو تمتلك اكثر من سيارة فدلوقتي هل لو الراجل دة نقل الملكيه الاسبوع الجاي يعني هيكون مر حوالي اسبوع او عشر ايام على امتلاكي للسيارتين معا في نفس الوقت
هل هيكون في اي مشكله او هدفع اي غرامه لما اجي مثلا اجدد العربيه دي هلاقي نفسي مطالب بسداد شيء معين؟؟؟؟؟
و جزاكم الله خيرا