مقارنة صالون جين2 و بيرسونا و واجا

**saidbakr** · 05-04-2009 04:16 AM

كنت أريد ان أعرف، هل صالون بيرسونا أكبر من صالون جين2 و ما هو وضع صالون واجا بالنسبة لهما؟ و كل هذا معني بموديلات 2009

**Ayman_52** · 05-04-2009 04:27 AM

اكيد اوسعهم وافضلهم من ناحيه التقفيل والنظافه هو صالون -الواجــا- (انا مشفتش 2009 انا بتكلم عن 2008)

وبخصوص بقى البيرسونا والجين...

هيا البيرسونا سقفها اعلى من عند الكنبه ...ودا بيديك احساس انها اوسع شويه من الجين.

بس بحس ان لون البيرسونا الرمادى باين فيه اكتر رداءة خامات البلاستيك المستخدمه(عشان لونه فاتح)...انما عشان الجين التقفيل اسود...مغطى الحاجات دى.

كنت عاوز اقول ايه تانى

ايه

لا بس كده

تحيــــــــــاتــــى

**saidbakr** · 05-04-2009 04:45 AM

مشكور جدا يا باشا، يعني أفهم من كدة إن صالون جين2 يساوي صالون البيروسونا من حيث الحجم و كل الزيادة اللي الاتنين مقتصرة فقط على الشنطة.
الواجا زي ما حضرتك قلت هي الأوسع، و لكن فيها مشكلة انها عجزت، يعني الشكل الحالي منها كلها سنة و لا اتنين و يتوقف انتاجه.

**jisso82** · 05-04-2009 04:20 PM

مش متأكد بس أنا يوميا تقريبا فى المعرض بتاع عز العرب اللى فى العجوزة عشان ساكن قريب منه و بفضل أنقل كل شوية بين العربيتين بصراحة حاسس و ممكن يكون مجرد إيحاء زى ما قلتن قبل كده مش متأكد بس حاسس إن صالون البيرسونا أكبر

**jisso82** · 05-04-2009 04:54 PM

طبعا أنا بتكلم بس عن الجين و البيرسونا

**Ayman_52** · 05-04-2009 04:56 PM

المشاركة الأصلية كتبت بواسطة jisso82

مش متأكد بس أنا يوميا تقريبا فى المعرض بتاع عز العرب اللى فى العجوزة عشان ساكن قريب منه و بفضل أنقل كل شوية بين العربيتين بصراحة حاسس و ممكن يكون مجرد إيحاء زى ما قلتن قبل كده مش متأكد بس حاسس إن صالون البيرسونا أكبر

هو انا ركبت الاتنين .... والاتنين جربت قعدتهم قدام و ورا باردوا!!!

طب مش ممكن عشان لون فرش البيرسونا رمادى فاتح....بيدى حضرتك احساس بالوسع...

لان زى ماحضرتك عارف الفواتح بتوسع...وكمان علو السقف بيفرق كمان...

بس تصدق هحاول اروح -لعزوز باشا- واركبها تانى عشان انا كمان نفسى اتاكد من النقطه دى.
__________________
صحيح ماقولتليش<<<<اقولك ايه

مش عاوز توقيع احنا عاملين عروض رائعه

اتفضل قم بزيارتنا فى الفرع الرئيســـى

**jisso82** · 05-04-2009 06:14 PM

أنا مأجل إن شاء الله موضوع التوقيع ده لحد ماجيب العربية بإذن الله لما ربنا يوفقنى هبدأ إجراءاتى يوم الأربعاء اللى بعد اللى جاى إن شاء الله. ادعيلى بقى
و ميرسى يا أيمن ليك بجد على اهتمامك و ردودك و مش هنسى أبدا إنك اول واحد رد عليا فى أول مشاركة ليا بس مش أضيع كلامى دلوقتى عشان ماعيدش وأزيد فيه لما أجيب العربية

**Ayman_52** · 06-04-2009 01:17 AM

المشاركة الأصلية كتبت بواسطة jisso82

أنا مأجل إن شاء الله موضوع التوقيع ده لحد ماجيب العربية بإذن الله لما ربنا يوفقنى هبدأ إجراءاتى يوم الأربعاء اللى بعد اللى جاى إن شاء الله. ادعيلى بقى
و ميرسى يا أيمن ليك بجد على اهتمامك و ردودك و مش هنسى أبدا إنك اول واحد رد عليا فى أول مشاركة ليا بس مش أضيع كلامى دلوقتى عشان ماعيدش وأزيد فيه لما أجيب العربية

ان شاء الله تستلم....على خير بإذن الله..

وربنا يباركلك فيها يارب ويحفظهالك من كل شر

وياباشا انا تحت امرك...فى اى حاجه.

تحيــــــــــــــــــاتــ ـى

**Osama.shihata** · 06-04-2009 08:33 PM

متنساش تاخد تخفيض على سعر العربية مدام هتجبها من التوكيل نفسه فى حدود 2 و 3 وربنا ييسرلك الحال والكلام ده ان شاء الله اكييييييييييييييييييييييي ييييييييييييد
وابقى ادعيلى
أسامة