[size=24]
مع بدأ تشغيل الشركه التالته اتصالات مصر ومع قله المعلومات المتوافره عنها حبيت أعرفكم بعض الاشياء
أولا بالنسبه لمكالمات الفيديو
علشان تجري مكالمع فيديو اللي سعرالدقيقه فيها 75 قرش مع العلم انك هتاخد اول تلات دقايق في كل مكالمه فيديو تجريها مجانا تعمل الاتي:
1-لازم موبايلك يكون بيدعم خاصيه الفيدو وكذلك الطرف اللي هتكلمه.
2-اختار الضبط ضبط الشبكه في حاجه اسمها networkmode حليها على dual mode هي بتكو على gsm
3- الموبايل هيعمل ريستارت.
4-اختار اختيار الشبكه من ضبط الشبكه واختار يدوي هتظهرليك تلات شبكات اختار موبنيل أو فودافون
5-كرر الخطوه رقم 4 بس اختار المره دي اتصالات وهيكون مكتوب قدامها 3G
6-اطلب الرقم واختار مكالمع فيديو.
ثانياالأكواد
#555* وده للاستعلام عن الرصيد مجانا يعني بلاش تتصل ب555 خالص
*556*رقم كارت الشحن# وده لشحن الكارت فورا
*557*المبلغ المراد تحويله*رقم الموبايل اللي هتحول ليه# ودهلتحويل اي مبلغ من 1 الى 250 بس بشرط يتبقى في رصيدك 15 على الأقل وطبعا بياخدوا 2%من المبلغ المحول بحد أدنى 20قرش
#558*لمعرفه عدد الدقايق المتبقيه ليك (ليك خمس دقايق كل شهر)
*111*رقم الموبايل# خدمه كلمني أو اطلبني تلات رسايل مجانا لأي شبكه
ثالثا خدمه رنتك غنوتك او الكول تون
تتصل ب1500 تكلفه الدقيقه 19 قرش واختار الاغنيهاللي تعجبك الاغنيه هتكلفك 4 جنيه شهريا طيب لوخلص الشهر وحبيت تجدد نفس الأغنيه لمده شهر كمان تبعت رساله فاضيه ألى 1505 يجدد ليك الأغنيه شهر كمان ب4 جنيه بدل ماتتصل ب1500تاني ويخصم من رصيدك 19 قرش لكل دقيقه تاني
وفي ميزه كويسه لو اخترت اغنيه هيخصم منك 4 جنيه وبعدين لو حبيت تغيرها خلال الشهر واختارت واحد تانيه هيخصم منك 4 جنيه تانيين ولو حبيت ترجع للأغنيه الأولانيه موش هيخصم منك شيء.
رابعاخدمه تلات ميجابيت مجانا شهريا
لضبط الخدمه ارسل رساله الي 250 مكتوب فيها set all
هكرر تاني الشركه كتبت للناس ارسل set بس ده غلط ارسل set all
وهيجلك مسجات تظبط ليك المواضيع
خامسا خدمه التنبيه بالمكالمات اثناء انشغال الخط او قفل الموبايل
علشان الخدمه دي تشتغل معاك لازم تحول موبايلك قبل ماتقفله على 777
بعد كده لما تفتح موبايلك هيجيلك رسايل فيها الأرقام اللي اتصلت بيك وانت قافله وعدد المرات اللي حاولوا يتصلوا بيك فيها وتوقيت اخر مره اتصلوا بيك والخدمه دي مجانا
أرجو اكون وفقت في اعطاءكم بعض المعلومات البسيطه وأي استفسارات أنا في الخدمه