أين ذهبت هذه السيارات !؟ لماذا لا نراها !؟ و ليه دايما الفيات هى البديل لها !؟

**AMA** · 05-04-2009 05:24 AM

بسم الله الرحمن الرحيم
السلام عليكم و رحمة الله و بركاتة

فى البداية بس يا جماعة عايز أتكلم عن حاجة غريبة الكل بيتبعها
بكون قاعد مع ناس و واحد يقول أنا عايز أجيب عربية تكون سعرها كويس
يرد علية واحد يقولة يا عم هات فيات 128 دى أنضف من الزيرو و إلى يقولة يا عم هات لادا و بيجو و ال3 أنواع دول لازم يتقالوا
و فى الأخر يا أما بيجيب فيات يا أما لادا يا أما بيجو

طيب ليه بالذات الفيات و اللادا و البيجو ؟؟؟؟
انا شايف ان الأنواع إلى هذكرها دى يا أما أختفت من مصر يا اما أصلا مدخلتش مصر والله أعلم لكن لو موجودة ممكن يبقى بديل للأنواع المذكورة فوق دى للناس إلى بتسأل على عربيات من 20 إلى 35 ألف و يا ريت الناس إلى معانا فى المنتدى كمان تحط أنواع عربيات معايا فى الحدود دى و لو فيه غلط منى تصححة

Toyota Cressida 1987
Galant 1985
Volvo 240 Model 1984
Honda accord 1987
Nissan Datsun 1984
Nissan Laurel 1988
Chevrolet's Corsica 1988
Toyota Corona 1985
Toyota Camry Sedan 1987
Mitsubishi Lancer 1988
MITSUBISHI COLT 1988

لو فيه غلطة منى يا ريت بس تنبيهى بيها سواء فى الأسعار أو حاجة
لأنى ذكرت أن أسعار كل الأنواع دى من 20 إلى 35 ألف يعنى لو فيه عربية أعلى من السعر دة قولولنا عليها و نمسحها
عشان يكون الموضوع معمول للطبقة بين السعرين دول
و لو فيه برضة نوع مش موجود فى مصر حد يقولنا برضة علية نمسحها من الموضوع

**ahmed2000** · 05-04-2009 08:46 AM

لا يا باشا العربيات دي موجودة بس حضرتك ممكن تكون ما بتشوفهاش

**eng.octooo** · 05-04-2009 09:10 AM

العربيات موجودة بس انت الى مش بتاخد بالك منها بس بصراحة الفيات واللادا والبيجو منتشرين اكتر

**mrghost** · 05-04-2009 10:00 AM

ياباشا بالنسبه لاى حاجه فى اى بلد لازم تكون الحاجه اللى بتجيبها منتشره علشان تضمن ليها صيانه وكمان قطع الغيار غير كده يبقى هتتعب وممكن تكره نفسك بسبب العربيه
والدى اول عربيه جابها كانت بيجو 304 ودى العربيه اللى كرهته فى العربيات كلها لان ماكنش ليها قطع غيار ومكنش اى ميكانيكى بيعرف يشتغل فيها وده مايمنعش ان العربيه كويسه بس لازم قطع الغيار تكون متوفره وتكون رخيصه برضه مش اكتر

**Michael_Lanos** · 05-04-2009 10:22 AM

انا بشوف العربيات دي بس بنسبه قليله

**evoo90** · 05-04-2009 12:41 PM

المشاركة الأصلية كتبت بواسطة AMA

Toyota Cressida 1987
Galant 1985
Volvo 240 Model 1984
Honda accord 1987
Nissan Datsun 1984
Nissan Laurel 1988
Chevrolet's Corsica 1988
Toyota Corona 1985
Toyota Camry Sedan 1987
Mitsubishi Lancer 1988
MITSUBISHI COLT 1988

**evoo90** · 05-04-2009 12:51 PM

Nissan Datsun 1984)
Nissan Laurel 1988
Chevrolet's Corsica 1988)

معلومه جديده انا اول مره اسمع عن دول
وفى كمان السوزوكى السيدان الى شبه السكاى لاين
والسوبارو والتيوتا الكامرى والميتسوبيشى الميراج
والايليجانس
لكن بالنسبه للجديد اللى مابشوفش منه كتير ومابسمعش عنه
هيونداى كوبيه
كيا ماجنيتس
ميتسوبيشى كولت
هوندا اكورد
وحاجات تانيه مش متذكرها ياريت حد يقولنا ايه سبب ان العربيات قليله اوى كده

**Imhotep** · 05-04-2009 02:01 PM

فى عامل مهم هو ان المصريين يحبون التقليد لان المصرى يخاف من الجديد و يحب يشترى الحاجة المتجربة و بما ان السيارات المذكورة نادرة الانتشار بالمقارنة بالبيجو و اللادا و ال28، فبالتالى المعلومات المتوفرة عن السيارات الاخيرة اكثر و التى نظرا لانتشارها انتشرت ايضا قطع غيارها انتشارا كبيرا، كل هذا جعل هذه السيارات هى الاكثر انتشارا.

**PoweRPassioN** · 05-04-2009 02:18 PM

المشاركة الأصلية كتبت بواسطة mahora

فى عامل مهم هو ان المصريين يحبون التقليد لان المصرى يخاف من الجديد و يحب يشترى الحاجة المتجربة و بما ان السيارات المذكورة نادرة الانتشار بالمقارنة بالبيجو و اللادا و ال28، فبالتالى المعلومات المتوفرة عن السيارات الاخيرة اكثر و التى نظرا لانتشارها انتشرت ايضا قطع غيارها انتشارا كبيرا، كل هذا جعل هذه السيارات هى الاكثر انتشارا.

يا جماعه انتوا ظالمين الشعب والله
بس خلّي بالكم ان انتم لو مش عارفين تنجحوا "في شراء عربيه كويسه"قلّدوا واحد عارف كويس هتبقوا نجحتم برده
على غرار ""أسألوا اهل الذكر ان كنتم لا تعلمون""
لان بجد اختيار عربيه قرار مش سهل

**meemo the beast** · 05-04-2009 03:44 PM

أتفق معك سيدي في جودة معظم السيارات التي ذكرتها سيارات قياسا باللادا و ال128 و لكنها ليست أقيم و لا اقوى من البيجو 504 أسد فرنسا الذي لم ترى دول شمال افريقيا مثله.
و لكن حتى و ان أخذنا بهذه السيارات فانها سوف تتعب من يشتريها جدا خاصة و لو كان جديدا في السواقة
لأن معظمها موتورات فوق ال1600 سي سي و هذا سوف يكلف مالكها مبلغا سنويا يتعدى 1200 جنيه حتى يجددها غير المخالفات.
كما أنها غير اقتصادية من ناحية الإستهلاك
كما أن معطم هذه الموديلات كانت غير متداولة بكثرة و هي جديدة باستثناء الفولفو مما يجعل الحصول على قطع غيارها بمثابة كابوس ففي فترة السبعينات و الثنانينات كان الأكثر تداولا هو البيجو و الفيات
أما عن البيجو فحتى وقت قريب كان هو ملك مصر المتوج و لكن بعد ارتفاع أسعار السيارات الأوربية دخلت السيارات الآسيوية في الصورة لكن للشهادة تظل الصناعة الأوربية هي الأكثر اتقانا و أمانا و قوة و تقدما حتىا اليابانيين لا يرقون الى مستوى الأوربيون حتى وقتنا هذا هذا طبعا مع ثبات باقي العوامل

الموضوع: أين ذهبت هذه السيارات !؟ لماذا لا نراها !؟ و ليه دايما الفيات هى البديل لها !؟

LinkBack

أدوات الموضوع

عرض

أين ذهبت هذه السيارات !؟ لماذا لا نراها !؟ و ليه دايما الفيات هى البديل لها !؟ - انشر الموضوع فى :

-

-

-

-

-

المواضيع المتشابهه

تويوتا كامرى سيارة لماذا لا نراها فى مصر ؟؟؟؟؟؟؟؟

لماذا لا نرى هذه السيارات في مصر؟

لماذا يجب ان تقل اسعار السيارات؟

Fiat Linea لماذا لا نراها؟

لماذا مواتير الفيات ضعيفة

الكلمات الدلالية لهذا الموضوع

المفضلات

المفضلات

ضوابط المشاركة