الدبرياج سقط ورجع تاني!!!

**ibmtop** · 05-04-2009 09:58 AM

السلام عليكم ورحمة الله وبركاتة

انا حصلتلي مشكلة تاني (اقصد ثالث) في موضوع الدبرياج دي
الاول هفكر حضراتكو بالمشاكل الي حصلتلي (معلش استحملوني)
الاول: حصلي مشكلة لقيت الدبرياج بيصد وغيرت الاسطوانة والديسك والبلية
ثانيا : لقيت برضة الدبرياج بيصد!!! المهم لقيت الفرش كان مكسور وغيرتة (بعد كدة فهمت ان اي عمرة للفتيس لازم يكون ديسك-واسطوانة-بيلة-فرش)
ثالثا : ودة الي حصلي النهاردة وانا ماشي والحمد لله اني كنت علي التاني ومكنتش علي الثالث او الرابع لقيت الدبرياج سقط خالص ومردش تاني الا لما رفعتة برجلي وانا ماشي, ودلوقتي شغال عادي
انا دلوقتي مش عارف هو اية الي حصل وانا خايف يعملها معايا وانا ماشي

ملحوظة اني برضة بعد المشكلة الاولي والثانية مفتش اسبوع ولقيت الغيارات بتعض معايا ومبعرفش اجيب الاول وانا ماشي الا لما اقف تقريبا خالص

ياريت تنصحوني اعمل اية بالظبت انا زهقت والله من موضوع الفتيس دة والدبرياج والغيارات ومش عايز اروح للميكانيكي الا لما يبقي عندي فكرة

اسف للاطالة وشكرا مقدما علي ردودكم

**ibmtop** · 05-04-2009 10:12 AM

MMamdouh

سيدى الفاضل

ياريت بعد كدة تفتح موضوع مستقل تشرح فيه مشكلتك لان انا مشوفتش موضوعك دة قبل كدة

تانى حاجة مشكلة هروب الدواسة تحت رجلك تدل على خلل فى دورة الباكم بتاعت الدبرياج... اما الماستر اللى فوق او اللى تحت الكاوتش بتاععة باظ

روح لميكانيكى يكشف على الماسترين و غير التالف

MMamdouh

اولا متشكر جدا يا استاذ محمد علي تجاوبك معايا بس انا قيت الموضوع تقريبا في شبة من مشكلتي

ثانيا انا عايز اعرف اية الي حصل في الدبرياج دة ,لو في خلل في دورة الباكم بتاعة الدبرياج يبقي يسقط ويطلع تاني لما ارفعة برجلي ويشتغل تاني عادي
الموضوع دة حصل معايا مرة واحدة بس والحمد لله محصلش تاني معايا
وياريت ياستاذ محمد تفهمني اية هما الماسترين دول؟ وسعرهم كا؟م ولو في واحد بايظ فيهم اجيبة جديد ولا استيراد؟

ثالثا هل بعد ما عملت موضوع العمرة بتاعة الفتيس يحصلي المشكلة بتاعة ان الغيارات بتعض معايا والاول مابعرفش اجيبة وانا ماشي الا لما العربية تقف تقريبا خالص ويبقي بعد كدة سهل
(هل دي مشكلة ملهاش دعوة بمشكلة الدبرياج ؟؟)

معلش استحملني شوية وشكرا مرة اخرة علي تجاوبك معايا

**MMamdouh** · 05-04-2009 11:21 AM

ماسترين الدبرياج دول هما المسؤلين عن توليد ضغط هيدروليكى لتحريك فورش الدبرياج

الماستر اللى فوق حتلاقية تحت القربة و هو شبة الماستر بتاع الفرامل بس اصغير... و الماستر التحتانى راكب على فارغة الفتيس و متصل ميكانيكيا بالفورش

اللى شرحتة دة بيدل ان حصل تفويت فى كاوتش واحد من الماساتر و بسبب التفويت دة الضغط الهيدروليكى متكونش فى الدورة و بالتالى الفورش متحركش من مكانة و بالتالى مبقاش فى اى ضغط على الدسك عشان يرد الدواسة تانى

الماستر التحتانى لو هو اللى بيسرب حتلاقى زيت باكم كتير تحت الكاوتشة بتاعتة... الفوقانى حتلاقية جايب زيت على صدر العربية... و طبعا ابعد عن الاستيراد فى المستهلكات زى ما سبق و شرحنا

موضوع الاول مبيجيش دة خللية بعد ما تحل مشكلة المساتر... ممكن يكون تلف الماستر بيسبب ان الاسطوانة مبتفصلش تماما عن الفلام و بالتالى بيبقى صعب تعشق النقلات

MMamdouh

**MMamdouh** · 05-04-2009 12:04 PM

اللى تحت بحوالى 85 جنية... اللى فوق معرفش بكام لانى عمرى ما جبتة بس اعتقد فى حدود 120 الى 150

MMamdouh

**ibmtop** · 11-04-2009 05:47 PM

اية ياجماعة محدش رد عليا لية؟؟
فينك يااستاذ محمد ممدوح

**samirayad** · 11-04-2009 10:01 PM

** شوف يا أخى ...طالما مفيش تسريب باين قدامك من المساتر والميكانيكى أتأكد من الكلام ده وزيت الباكم تمام.............

** علشان كده أنا شفتلك أيه اللى ممكن يكون سبب لحالتك دى وهو كالآتى.....هما سببين تانيين

1- وجود أعوجاج أو أنحناء فى وصلات تحرير الدبرياش ( فورش الدبرياش)......والحل تشحيم أو تزييت مجموعة الفرش لتسهل عمل الفورش وقت الضغط على الدواسه لفصل الدبرياش.....علشان البليه ترجع بسهوله وبالتالى يفصل الدبرياش كويس وترجع الدواسه لوضعها الطبيعى..........

2- ممكن يكون عندك ضعف برضه فى يايات الديسك بتاع الدبرياش المسئوله عن فصل مكونات الدبرياش بعد سحب البليه لبره بالفورش لتحرير مكونات الدبرياش ( يعنى لفكها من بعضها ).............

_ ومن رأيى حاليا روح لميكانيكى تانى يراجعلك على وصلات تحرير الدبرياش ( الفورش ).......على فكره ده من كتالوج أعطال خاصه بالدبرياش

**MMamdouh** · 12-04-2009 11:51 AM

المشاركة الأصلية كتبت بواسطة ibmtop

اية ياجماعة محدش رد عليا لية؟؟
فينك يااستاذ محمد ممدوح

المشاركة الأصلية كتبت بواسطة MMamdouh

ماسترين الدبرياج دول هما المسؤلين عن توليد ضغط هيدروليكى لتحريك فورش الدبرياج

الماستر اللى فوق حتلاقية تحت القربة و هو شبة الماستر بتاع الفرامل بس اصغير... و الماستر التحتانى راكب على فارغة الفتيس و متصل ميكانيكيا بالفورش

اللى شرحتة دة بيدل ان حصل تفويت فى كاوتش واحد من الماساتر و بسبب التفويت دة الضغط الهيدروليكى متكونش فى الدورة و بالتالى الفورش متحركش من مكانة و بالتالى مبقاش فى اى ضغط على الدسك عشان يرد الدواسة تانى

الماستر التحتانى لو هو اللى بيسرب حتلاقى زيت باكم كتير تحت الكاوتشة بتاعتة... الفوقانى حتلاقية جايب زيت على صدر العربية... و طبعا ابعد عن الاستيراد فى المستهلكات زى ما سبق و شرحنا

موضوع الاول مبيجيش دة خللية بعد ما تحل مشكلة المساتر... ممكن يكون تلف الماستر بيسبب ان الاسطوانة مبتفصلش تماما عن الفلام و بالتالى بيبقى صعب تعشق النقلات

MMamdouh

MMamdouh

-

-

الموضوع: الدبرياج سقط ورجع تاني!!!

LinkBack

أدوات الموضوع

عرض

الدبرياج سقط ورجع تاني!!! - انشر الموضوع فى :

-

-

-

-

-

المواضيع المتشابهه

هل في برامج تتبع للاندرويد زي الايفون اللي اتسرق ورجع

ليه فى عربيات الدبرياج بتاعها تقيل وعربيات الدبرياج بتاعها خفيف ؟؟

الدبرياج تقيل جدا تاني

ككلاكيت تاني مرة !!! التيجو اتخبطت تاني يا جماعة..الحمد لله

الكلمات الدلالية لهذا الموضوع

المفضلات

المفضلات

ضوابط المشاركة