مين فينا بيمارس رياضة من اى نوع لو حتى مشى ؟؟

**Lion_Heart** · 05-04-2009 12:45 PM

للاسف بعد ما خلصنا الدراسة و التحقنا بالعمل مفيش عندنا اى اهتمام بالرياضة ,
و خاصة بعد العربية كمان
ياريت نشجع بعض اننا نعمل رياضة لو حتى نص ساعة مشى كل يوم , للاسف الواحد مقصر فى حق نفسه جدا
ياريت لو حد بيمارس رياضة يقولنا يمكن نغير و نمارسها احنا كمان .

**أبو إياد** · 05-04-2009 12:48 PM

انا بقالى 6 شهور كل يوم جمعه ابقا ناوى اجرى فى النادى الصبح شويه
لكن واسفاه
كفايا علينا مجهود العقل اللى عالى الضغط وقله الرياضه اللى خلتنا مش عارفين نركز
بس كل ده من ضغوط الحياه وقله البركه فى الوقت
بس باردوا بحاول وربنا يقدرنى

الواحد حاسس انه بقا مسن

**ahmed76** · 05-04-2009 12:58 PM

رياضة (الشيالة) شيل الشنت لما اجى ازور اهلى كل اسبوع
ورياضة شيل الشنت وشيل ابنك فى وقت واحد وانت طالع على السلم 4 او 5 ادوار رياضة جميلة جدا وبتقوى العضلات
وتجيب القلب بدرى شويه .

وشوية تمارين سويدى ضغط وبطن كل يومين تلاته .

**zeka127** · 05-04-2009 01:16 PM

انا برضه من زمان وانا جالى الاحساس ده وانا حياتى مفيهاش اى نوع من الحركه خالص قاعد قر العربيه اوصل الشغل وشغلى مفيهوش حركه اعد على المكتب اخلص شغل واعد فى العربيه اروح اعد فى البيت شويه وممكن انام او انزل اعد مع صحابى فى اى حته فجالى احساس الى مبقتش بقدر اتحرك وبقى عندى خمول رهيب بس فخدت قرار ان لازم يكون يه فى حياتى اى نوع من الحركه بس فقررت اجرى نص ساعه كده فى اليوم وبقالى اسبوع بنزل اجرى كل يوم باليل بعد الشغل بس يارب استمر ومكسلش...

**youssefmustang** · 05-04-2009 01:31 PM

انا كنت بنزل جيم قعد فيه شهرين وبعد كده للأسف الشديد سيبتوه عشان الشغل والدراسة وربنا يسهل وانزل تانى وابطل السجاير الملعونة
اخوكم يوسف

**Terrible_DaRsH** · 05-04-2009 01:38 PM

بالرغم من انى سني لسه صغير .

لكن الحمد لله بطلت لعب كورة بطلت انزل الجيم بطلت اجرى فى النادى بطلت البوكس بطلت اتمشي زى زمان بطلت كل شيء ..:(

و كنت عند دكتور من اسبوع علشان ركبتى ... قالى حررررررررام عليك تبقي لسه شاب وتعمل فى نفسك كده :(

انا عايز ابكى شوية ..

**osamaesm** · 05-04-2009 02:19 PM

رياضة (الشيالة) شيل الشنت لما اجى ازور اهلى كل اسبوع
ورياضة شيل الشنت وشيل ابنك فى وقت واحد وانت طالع على السلم 4 او 5 ادوار رياضة جميلة جدا وبتقوى العضلات
وتجيب القلب بدرى شويه .

وشوية تمارين سويدى ضغط وبطن كل يومين تلاته .
__________________

وانا كمان شيل الشنط ويا سلام علي اول الشهر واحنا جايبين خزين البيت واطلع بيه اربع ادوار
امبار مثلا طلعت الحجات علي مرتين بينهم ساعه راحه

**PoweRPassioN** · 05-04-2009 02:50 PM

انا الحمد لله بحاول احافظ على معدل ثابت ولو قليل لممارسه الرياضات المختلفه
وكان في دراسه حديثه بتؤكد ان 7 دقايق اسبوعيا رياضه(توصل فيا الى معدل عالي من ضربات القلب)كافيه للمحافظه على معدل حرق دهون عالي وصحه جيده.

**ZALABANY** · 05-04-2009 03:04 PM

والله يا شباب الرياضه مهمه جدا عشان كده دايما تلاقي الأجانب صحتهم كويسه وعندهم نشاط لحد سن كبير بسبب الرياضه
أنا اليومين دول بدأت العب تنس وهي رياضه جامده جدا بتحرك كل عضلات جسمك بس الواحد بعد اللعب بيبقى مطحووووووووووون
بس هانفضل على قعدة الشغل وقعدة العربيه هانتكسح بدري