عيب اووي ......... كيا !!
لم اشك لحظة ان قراراتي المنطقية ستكلفني العناء ... لم اشك للحظة في اسم تخيرته من بين عدة اسماء .. بعد مقارانات وحسابات ... اقتنعت واقنعت غيري .. لكن هما كانو اقوي انهم يخذلوني .. ويكسروا فرحتي بعربيتي كـــيـــا سيراتو2008في البداية اريد ان انوه عن معلومة في كتيب الضمان - ان لوعربيتك فيها عيوب صناعة الشركة مسؤله عن صيانتها لكن عن صاحب العربية فمعلش يخبط دماغة في البوم الصور عربيته اللي كانت جديدة ويستني علي الذكري لغاية ما يخلصوا عليها ويصلحوها !!!1 انا عارف ان لسه محدش فهم اي حاجة ... لكن بجد انا تعبت من المرواح والمجي عشان سبب في منتهي العجب واكتشافه كان ليه السبب ان انا اهدر كيلومترات كتيرة عشان اروح التوكيل وساعات من الجلوس في انتظار الحلول ولترات بنزين اكتر واكتر وكمان اللي فاضل اني هوديها التوكيل واسيبها لمدة 4 ايام عشان يصلحوا المشكله العفاريتي اللي في العربية .... صحيح كان في واحدة فقرية ركبتها العربية بس قولت مش مشكلة العربية ميه مية وهتستحمل الكلام الفاضي ال فقرية ااال واتاري العربية مطلعتش 100 100 ولا الفقرية كانت عاوزا اي مجهود عشان تقلب حال العربية --- ! المهم يا سادة يا افاضل المشكلة صوت تزيق في التابلوه الامامي -- يروح ويجي بس المهم انه بمزاجة ممكن يروح وميجيش هق هق هق .. كائنك راكب فلوكة خشب في وسط المايه اوف المهم انا روحت وجيت ولفيت ودورت لغاية ما قبلت الخبير الكوري وركب وفضلنا نجرب ... مش هطول عليكم عشان الملل والوقت طلع ايه بقي الي الازاز الامامي مش ملحوم كويس ومع المشي بيفضل يحك في التابلوه وتسمع ابشع سيموفونية طبعا قبل ما نفهم الصوت ده جاي منين كنت كتير اسوق العربية وانا عمال امسك كل حاجة عشان اعرف الصوت بيصدر من فين مرة امسك المرايه ومرة امسك الكاسيت وسااعات فريم التكييف المهم كان بيبقي شكلي يجنن من الضحك وانا سايق عاوز اعرف المركب دي هتغرق من انه خرم وعمال اسد الاخرام ههههه ليا نفس اهزر اوف المهم انا مستني حد ابن حلال يوديني التوكيل لانه كاتب في الضمان انه مش مسؤل عن خسارة العميل لاصلاح عيوب الصناعة اصل هناك انت مش عالطريق د انت لجوووووا اللذيذ بقي ان في اصوات بدات تصدر من جراب حزام الامان ومن جوانب الابواب وعله العوض ومنه العوض في حقي .
اه نسيت اقولكم حاجة مهمة جدا ان في المحاولات الاوليه لحل المشكلة قالولي ان العيب في المساعد اليمين وانهم غيروه مع العلم اني كنت عامل 36000 ك وغيروه لكن يا خسارة فضل الصوت وكمان لقيت دبه من المساعد الجديد .... ولما رجعت التوكيل قالولي ايه يعني المساعد جديد وفيه عيوب صناعة !!!!!!! بس انت حظك وحش عادي يعني المهم .. اني عمري ما فكرت اشتري عربية صيني ولما فكرت جبتها كوري بس يا خسارة اتلعب بيها بايدي العماله المصرية اللي اصلا هما مرتاحين وواخدين حقوقهم وكمان مشهود بخبرتهم !!!!! عليه العوض في العربية والوقت والفرحة اللي اخدها الغراب وطار.......... حد بقي ينصحني اعمل ايه !!! وليه لما يكون في عيوب صناعة في العربيات الوكيل ما يغيرهاش اشمعني في مصر .... اللي انا متأكد زيكم بالظبط ان ليها شخصية وليها الاوليه في الحقوق المدنية للمستهلكين من المواطنين المصرين اللي زي .... اسف علي الاطالة