السلام عليكم
يا جماعة انا عارف ان السيريون باور كهرباء بس سمعت من من كذا حد في
منتدي دايهاتسو بيقولوا زيت الباور !!!!
طب ليه اللخبطة ده بقي :dzey:
ولا يمكن الباور الكهرباء بقي يتحطلوا زيت:majd(4):
عرض للطباعة
السلام عليكم
يا جماعة انا عارف ان السيريون باور كهرباء بس سمعت من من كذا حد في
منتدي دايهاتسو بيقولوا زيت الباور !!!!
طب ليه اللخبطة ده بقي :dzey:
ولا يمكن الباور الكهرباء بقي يتحطلوا زيت:majd(4):
باور كهرباء
قولي إنت بس مين قال بيحط زيت باور للسيريون الجديدة وفي ميدان عام هانـ.......:hang:
باور السيريون كهرباء يا باشا :verygood:
قول فعلا مين اللي قال كده
وعلى راي عمرو
طب يا جماعه انا عندي سؤال بخصوص السيريون الاتوماتيك 1.3
اخبارها ايه في السحب ؟؟ و هل في تأثير كبير علي التكيف مع الاتوماتيك ؟؟؟
وهل يفضل ال 1.5 الاتوماتيك عن ال 1.3
ولكم جزيل الشكر
الأتوماتيك جميل في 1.3 وعن تجربة
وتأثيره على التكييف قليل
يعني مش زي عربيات كتير
يعني لو هتعطيه درجه هتبقى مش هتقل عن 8 من 10 مثلا
انا بصراحه عن رايي الشخصي شايف ان 1300 سي سي مناسبة جدا للعربيه خصوصا علشان البنزين
يعني انا عربيتي 1300 سي سي ومش بحس نهائي حتى بالحمولات انها معجزة او مش قادره
بالعكس انا بجري بها كويس جدا وهيا محملة
بجد يا جماعة انتو ناس زي العسل والف شكر علي ردكم
انا والله قريت موضوع زيت الباور في مواضيع عن السيريون يمكن اللي قالها كان يقصد عربية تانية
غير السيرون
علي العموم حصل خير و الف شكر علي ردكم
فعلاً كهرباء
بس انا عارف مين اللي قال هيدروليك :)
اللي قاللك هو اللي قاللي من الكول سنتر ان من ضمن الحاجات اللي بيفحصوها في الصيانة زيت الباور :)
يوسف باشا
هو فعلا كهرباء ... لكن فى مهندس فى مركز الصيانة كان بيفتى بالموضوع ده و يقول للعملاء انهم زودوا زيت الباور ... و المهندس لسه موجود لغاية دلوقت هناك فى مركز الصيانة
و الكول سنتر عندهم لسته محفوظة تقريبا نقلينها من حتة تانية مكتوب فيها برضه زيت باور
لكن هى كهرباء يا باشا متقلقش :verygood:
طب ايه أخبار ال1.0 لتر؟
لا هو بصراحة اللغبطة مش من التوكيل
الموضوع اني كنت بتكلم مع محمود موتورايزر في موضوع الصيانة والاسعار وكده وجابلي سيرة زيت
الباور وبردة قريت مشاركة للاستاذ عمرو عمارة في موضوع
(تصحيح لمعلومة خطأ بخصوص تغيير زيت السريون)
المشاركة رقم 70 جاب بردوا سيرة زيت الباور علشان كدة اتلغبطت وحبيت افتح الموضوع للتاكيد
وبجد كلكوا ناس زي العسل
معلش نسيت اسال ايه اخبار الباور الكهرباء هل هو زي البونتو ؟
لاني جربت الباور بتاع البونتو وبجد مكنش فيه اي مقاومة (ميه) بجد
على فكرة العربيات اللى فيها باور كهرباء عند بدء تشغيل السيارة بيكون من الحاجات اللى بيعمل لها كمبيوتر السيارة تشيك فى الاول هو باور الكهرباء، وبتلاقى لمبة بتنور اسمها(Electric Power Steering( EPS. انا معرفش اللمبة دى موجودة فى السيريون و لا لأ، لكنها موجودة مثلا فى النيو اكسنت. اتمنى اكون افدت.
ايه ده السيريون كهرباء.. يبقى العربية دى جامده فى كل حاجة لانى كنت فاكر الباور هيدروليك.
عن تجربة (فى سيارتى i10) الباور الكهرباء ملوش حل فى النعومة و السهولة و تحريك الدريكسيون فيه متعه جامده.. و الالنترا زيها بس اخف حاجه بسيطة و انت بتلف الدريكسيون و العربية فى مكانها (لان اكيد الموتور الكهربى بتاعها اكبر علشان وزن العربية اتقل),, صدقنى لما بركب عربيات هيدروليك بحس بفرق جامد جداااااا زى الماتريكس بلاقى الدريكسيون تقييييييل جداااااااااااااا و كذلك الالنترا ال 2006 القديمة (((لانهم هيدروليك))).
و فى النهاية, ابن عمى جرب العربية فى ملفات و مطالع و و...و و لما سألته ايه رأيك فى الباور,,,,قالى.. انا محستش انى عملت اى حاجه الدريكسيون بيتحرك بلمسة.
و الباور الكهرباء بجد بجد مريح جداااا فى الزحمة و بيسعف فى المواقف المفاجئة الحمد لله.
لو ليك اى استفسااار اتفضل اسأل يا باشا,, انت غيرت رأيك و ناوى على سيريون و لا ايه.. انا رفعت صور لل i10 فى قسم البوم سيارات الاعضاء
اللينك:
http://www.nilemotors.net/Nile/showthread.php?t=66214
احب اعرف رأيك.
باشا ده فيديو فيه السيريون بتجيب ال 100 في 10 ثواني بس
http://www.youtube.com/watch?v=68xkE4OIUB8
شكرا يا باشا.. انا جبت التسارع من RoadTest من جنوب افريقيا ف الظروف بتختلف (يعنى الهواء سخن او بارد او فى مكان مرتفع او فى رياح...) العوامل دى بتأثر فى التسارع لانها بتأثر فى ال power بتاعة المحرك. هى فعلا حوالى 10-11 ثانية.. اقصاها 11.4 ثانية دى المذكورة فى معظم المواقع.
انا بالماتريكس عملت 0-100 فى 12.7 ثانية بالظبط من سنتين (و ده الرقم اللى الشركة ذكرته عنها) و معرفتش اكررها تانى و بالصدفة من شهر جربتها و عملتها فى حوالى 11.8 ثانية. فأكيد اختلاف فى الظروف و اتجاه الريح رغم ان كان فى واحد معايا.