لو رجع بيك الزمن للوراء هل كنت ها تشترى اوبترا ايضا ؟

**Hosam_Optrawy** · 05-05-2010 01:45 PM

استاذ arakysolom انا والله متضايق عشانك وحاسس بيك كان الله فى عونك

عموما جرب تروح مركز تانى غير اللى بتروحه ( جرب التجمع الخامس او اى مركز تانى )

والزوايا اعملها برا التوكيل لان اغلب التوكيلات مبيظبطوش الزوايا كويس

وزى مانصحتك قبل كدا بلاش تبوظ على نفسك فرحة العربيه الجديده وتكرهها بسبب مشاكل بسيطه بس الظاهر انك كرهتها خلاص :(

لو فى اى مساعده اقدر اقوم بيها ياريت تبلغنى

وابقى طمننا عملت ايه

**Hosam_Optrawy** · 06-05-2010 12:28 PM

المشاركة الأصلية كتبت بواسطة arakysolom

السلام عليكم ورحمة الله و بركاته
استاذ حسام انا متشكر جدا لذوقك و اهتمامك انا فعلا وصلت لدرجة اني اول ما سعر العربية حيرجع لأصله واظن انه مستبعد ححاول ابيعها مع انهم حسبي الله فيهم خربشولي الكبوت بتاع العربية و حله انهم يرشوه وطبعا ده حيقلل من تمن العربية و ياريتني سمعت نصيحتك و جبت الاكسنت و لكن قدر الله وماشاء فعل

انا كرهت التعامل مع هذا التوكيل مش كرهت العربية
مش عارف اعمل ايه انا من يوم 4/4 لم اذهب لتوكيل العامرية و قرفان اروحلهم و متقبل الوضع بتاع السيارة نسبيا و مش بتحرك بيها غير في نهاية الاسبوع
انا عايز نصيحة حضرتك هل اظل في هذه الحرب مع التوكيل حتي تنضبط العربية وده زي مانت عارف حياخد وقت للأسباب التي ذكرتها في تعليقي السابق وانا مش فاضي اروحلهم كل شوية والذي يستهلك الوقت و الجهد وعايز اقول لحضرتك المركز يبعد عن محل سكني بحوالي 40 كم و بالتالي انا قطعت حوال 700 كم في الاجمالي الكيلوات السيارة للتوكيل فقط يعني الخسارة في حالة البيع بالجملة سواء رش او كيلو متر كبير
والله المستعان
وجزاك الله خيرا لأهتمامك البالغ

طبعا تستمر لان حضرتك شارى عربيه جديده ومعاها ضمان 3 سنين ومن حقك ان لما اى مشكله تحصل او اى ملحوظه تلاقيها تروح التوكيل وتتحل

بس زى ماقولتلك موضوع الزوايا كدا كدا مش هايعرفوا يظبطوها صح

اعمل ضبط زوايا برا افضل

واوعى ترش الكبوت سيبه زى ماهو بخربوشه

وربنا معاك

**Hosam_Optrawy** · 06-05-2010 04:27 PM

المشاركة الأصلية كتبت بواسطة wael_adel31

أنا طبعا من أوائل الناس اللى اشترت الأوبترا فى مصر من 2005 يعنى بقالها 5 سنين معايا.
عمرى محسيت بمشكلة علبة الدريكسيون دى نهائيا + انى عملت فى العربية ديه كمية تعديلات واضافات وزى الفل معايا حتى الأن ولسه بتدى.
هاتلى عربية فى البلد بتاعتنا ركبت جنط 18 انش لمدة 3 سنين من غير اى تعديل فى العفشة والعربية كانت شايلاه بردو وعادى.والطنابير الأصليه لسه موجوده .ده ياراجل الكاتينة لسه مغيرها من كام يوم وعمرى مغيرتها قبل كده كنت بغير السيور بس والعربية عامله فوق ال 120.000.
العفشة كاملة زى ماهيا ماعدا المساعدين والسوست اللى اتغيرت.
الكهربه زى مهيا مع العلم انى مركب سوند سيستم فوق ال 2000 ار ام اس ومغيرتش غير البطارية بس انما الدينامو وكل حاجة زى مهيا.
التكيف اتشحن فى الخمس سنين مرة واحده مع العلم انى بشغلو حتى فى الشتا والله.
أقول ايه ولا ايه .............. أوبترا ( علامة شيفروليه دى مش بتتحط على أى عربية وبس...)

ربنا يباركلك فيها ياباشا