تحويل ماتور بيتلز 1300 إلي 1600

**ahit** · 21-04-2009 05:08 AM

نصيحة مني ياريت تسيبك منه خالص عشان لو بيفكر بالطريقة دى معناها انه ممكن يعملك مصيبة في عربيتك في الموتور او في اي حاجه تانيه...

كلام سليم

**ihab** · 30-04-2009 11:19 AM

ادرس الموضوع كويس قبل ما تفكر فى التغيير

**mabar** · 30-08-2009 02:26 AM

استئذنكم ياجماعة انت مش هتخرط انت هتجيب شمايز ببساتم1600جديدة وتركبها مكان ال1300بس الموضوع دة عاوز ميكانيكى بيفهم انت مشهتضعف لحمية ولا حاجة لان انا جربت الموضوع دة وياريت تسئلو فية كويس

**ابوهاشم** · 30-08-2009 04:10 AM

هو الموضوع مش صعب اوى يعن ولا مشكله كبيره زى مانتم
متخيلين
الموضوع عادى واتعمل كتير وانا شوفته فى عربيات قبل كده
بس الفكره كلها انه مكلف
والمفروض علشان تقبل عليه تكون اساسا محتاج عمره وتعمله بالمره
لكن مانصحش حد يعمله وهو موتوره سليم لانه هيغرم ثمن موتور

**yuyu0000yuyu** · 23-03-2010 12:04 AM

حضرتك ممكن تحويل الموتور من 1.3 الى 1.6 انا مش مكانيكى بس فى هندسه ومش مكانيكا بور مدنى بس ليى واحد صحبي فى ميكانيكا وحضرت محاضره كانت بتتكلم عن الموتور بتاع السيارات والدكتور اتكلم فى الموضوع ده وشرحه وهو عامل كده فى عربيته بنفسه ومعلش ده دكتور مش واحد بيفتى ولا صنيعى مع الاعتزاز بكل المفتين والصنيعيه

**nescafio** · 30-06-2011 01:49 AM

طيب يا جماعة لية سؤال لولبى فى الحكاية دية

هو مش الماتور ال 1600 بيوصلة نسبة بنزين معينة من الكاربارتير

طيب دلوقتى أنا غيرت البساتم والشميز للماتور 1300 ببساتم وشميز 1600

طيب ما هى نسبة البنزين اللى واصلة بتاعة 1300

مش ممكن دة يأثر عالماتور ...

معلش يا جماعة أنا باستفهم بس

لإنى عايز أعمل الحكاية دية

**mmoneim** · 30-06-2011 12:27 PM

انا ممكن اشارك بكلام منطقى لانى شفت الموضوع ده تعديل الموتور 1300 الى 1600 شيئ عادى ولكن اغلبه مكلف لانك محتاج الاتى
1- شمايز وبساتم وشنبر 1600
2-منافول 1600 2عين بقاعده كربرتير كبير لانك الكاربيراتير الصغيىر مش هيديك اداء والموتور 1600 محتاج استهلاك بنزين اكتر
3- شغل خراطه لتوسيع البلوك والجوايد
4-طقم جوانات واويل سيل للموتور
5- ميكانيكى بيفهم لانه لازم التقفيل يكون مظبوط والا حتجيب عمره فى وقت قصير
الموضوع ده لازم الموتور يكون 1300 مش 1200 لان مجر الزيت الداخليه بتختلف وبالتالى الموتور بيسخن وممكن يقفش
وشكرا

**nescafio** · 30-06-2011 10:31 PM

المشاركة الأصلية كتبت بواسطة mmoneim

انا ممكن اشارك بكلام منطقى لانى شفت الموضوع ده تعديل الموتور 1300 الى 1600 شيئ عادى ولكن اغلبه مكلف لانك محتاج الاتى
1- شمايز وبساتم وشنبر 1600
2-منافول 1600 2عين بقاعده كربرتير كبير لانك الكاربيراتير الصغيىر مش هيديك اداء والموتور 1600 محتاج استهلاك بنزين اكتر
3- شغل خراطه لتوسيع البلوك والجوايد
4-طقم جوانات واويل سيل للموتور
5- ميكانيكى بيفهم لانه لازم التقفيل يكون مظبوط والا حتجيب عمره فى وقت قصير
الموضوع ده لازم الموتور يكون 1300 مش 1200 لان مجر الزيت الداخليه بتختلف وبالتالى الموتور بيسخن وممكن يقفش
وشكرا

أشكرك يا صديقى على ردك المنطقى السليم

وأنا إستنتجت من كلامك إن الكربارتير كمان لازم يتظبط علشان يوصل كمية بنزين أكبر

طيب لو ما ما إتظبطش ؟؟؟

أية اللى ممكن يحصل

أصلى انا عايز أخد عزم ال 1600 بس ببنزين ال 1300

ولا ما ينفعش

**mmoneim** · 03-07-2011 12:00 PM

لازم تعرف العزم عباره عن قدره حصانيه وادوات تغذيه يعنى لازم كميه البنزين اللى داخله للموتور تكافئ القوه الحصانيه للموتور والا تبقى عملت كل حاجه والموتور زاى ماهو اداءه ضعيف وسحبه مش فارق عن ال1300

**ali_aew** · 25-07-2011 08:51 PM

أولاً
مش أي موتور بيتل 1300 يتم تحويله ل1600
لازم يكون بجوطان رفيعة مش تخينة
الجوطان هي المسامير الطويلة إللي بتربط نصفي الموتور بعضهما البعض
خللي بالك ممكن يقول لك الخراط ها يعمل جلب في البلوك علشان نحط جوايط رفيعة .... أوعي أبدا 6 شهور والموتور هايبوظ
--------------
ثانياً
المواتير ال1600 سيئة للغاية في البيتلز وخاصة في الحرارة الشديدة بتاعت اليومين دول لأنها بتنفس علي طول
-------------------
ثالثاً
إنت هاتغير كمان عدد 2 وش سلندر + عدد واحد مانافول كاربراتير

-----------------------
رابعاً
وعلشان تحس بال1600 لازم تغي الكرباراتير
علشان ال1300 بينزل بكربراتير 30 ، 31 دية أرقامهم أما ال1600 بينزل بكربراتير 34 ( كبير )

-----------------------------------
خامساً
تكلفة الشغلانة دية حوالي 3000 جنيه ، ومالهاش لازمة إلا لو هاتركب تكييف
--------------------------------------
سادساً
الموتور ال1300 الإثنين عين أنعم بكثير من ال1600 ، ال1600 معروف بخشونته
--------------------------------------
وفي النهاية نصيحة خبرة 16 عام ركيب بيتلز ... بلاش

الموضوع: تحويل ماتور بيتلز 1300 إلي 1600

LinkBack

أدوات الموضوع

عرض

-

-

-

-

-

-

المواضيع المتشابهه

ماتور ال 1300

لاهل الخبرة تحويل 1300 الى 1600

هل هناك فرق كبير بين موتور 1300 و 1200 بيتلز

تحويل ماتور بيتلز 1300 إلي 1600

تسقيط ماتور فولكس بيتلز على سيات 133

الكلمات الدلالية لهذا الموضوع

المفضلات

المفضلات

ضوابط المشاركة