طيب بالنسبة للتفريخ انا نفسى حد يقولى ازاى افرخ السمك
وازاى اعرف ان دى سمكة دكر او نتياة
عرض للطباعة
طيب بالنسبة للتفريخ انا نفسى حد يقولى ازاى افرخ السمك
وازاى اعرف ان دى سمكة دكر او نتياة
طيب والله الواحد اشتاق لتربيه السمك ومحدش جاوبنى برضو بخصوص البيتا والفيتر يعنى ممكن احط كام واحده فى البنوره دى وبتحتاج ايه علشان اربيهم يعنى ايه مختصر جدول العنايه بيها واحجامها واسعارها والاكل وكدا يعنى
وشكرا مقدما لحضراتكوا
بالنسبة للفايتر واحده بس تحطها فى بنورة لان لو حطيت ذكرين فى بنورة هيموتو بعض ونفس الحاجه لو ذكر وانثى برضه الذكر هيموت الانثى
بتعيش لواحدها
تفريخهم ده بقى موضوع تانى كبير واكلهم الحبات الكور الصغيرة الكيس ب 5 جنيه
حجمها صغير قد عقلتين صباع كده وبتعيش من غير فلتر هوا يعنى فى بنورة فيها ميه بس
الذكر بتلاقى الوانه ناصعه كده و زعانفه وديله طوال اما الانثى عاديه زعانفها مش طويله ولا حاجه ولونها مش ناصع
الديسكس صعب التفريخ ومحتاج عنايه خاصه جدا و لازم الميه تبقى علطول نضيفه والحجات دى
والسمكه دى غاليه برضه مش رخيصه
معرفش بس كعادة الشيكلد ان فى انواع منه صعب انك تفرق النوع ذكر او انثى بس عموما الذكر الوانه بتبقى ظاهرة اكتر و زاهيه يعنى بس مش متأكد وممكن اراء تانيه من استاذ nile storm يفيد
حضرتك اكتر لانه رباهم وفرخهم انا مربتهمش قبل كده
وعاى فكرة من اروع الاسماك شكله ولون مميز محصلوش
بص ياباشا
استحاله تحط دكرين فايتر مع بعض هيضربو بعض لحد ماواحد يموت التاني و ده اساسا الي مخلي اسمها فايتر لانها في التعامل مع باقي الاسماك ليست بالشراسه كما في التعامل مع نفس ذكور نوعها
السعر يختلف من المكان اللي هتجيب منه و هل هي تفريخ مصري ولا رساله
لو من سوق الجمعه 4 - 5
انطوان عزيز حوالي 10
فيه محلات بتستهبل و تبيع ب 15 من الاخر متزودش عن 10 جنيه
اما الانثي بتبقي اصغر في الحجم من الذكر و اقل منه في الجمال و دي هتلاقيها في المحلات الكبيره بس بحوالي 5 جنيه
الاحتياج مبتحتجش حاجه
لان الفايتر بيستحمل الحراره المنخففضه و بالتالي ملوش لازمه السخان
و بيتنفس من الهواء الجوي فمش محتاج موتور
هو اكل " حبوب " مش قشر و كل يوم ارميله حبايتين و خلاص و غيرله ميا كل اسبوع و بس
تفريخ الديسكس مره واحده ده كان حلم و معرفتش اعمله
بصو الي يفرخ ديسكس ده كان مغاره علي بابا و انفتحت
هيكسب مكاسب ماشاء الله تحفه
الفرق بين الدكر و الانثي مش هيبان قبل ماييوصل عمرهم سنه علي الاقل و بيبقي من شكل الزعنفه الشرجيه و ان كان فيه بعض الانواع زي ال blue diamond بيطلع للذكره زي نتوء في مقدمه الراس يميزه عن الانثي بعد سنه بس مش كبير اوي زي الفرنتوزا يعني
من الاخر بعد دراساتف يالموضوع ده صعب جدا جدا تفرخه في حوض عادي لازم مزرعه
اما الديسكس كتربيه تحففففففففففففففففففففففه
هو متعب شويه اه
بس من اذكي الاسماك و ممكن تعوده علي اي حاجه
زائد انه فعلا بال منازع ملك جمال اسماك المياه العذبه كما تطلق عليه الموسوعات السمكيه
الديسكس لازم محترف يربية مش يفرخة لان تربيتة صعبة بس فى الاخر انت معاك احلى واغلى الاسماك الغزبة
up
up
up
up