عند الوصول لسرعة 100 يوجد رجه فى الطاره وتستمر حتى 120 تقريبا
مع العلم ان المشكله مش فى الترصيص ولا الزوايا لان اتكشف عليهم وبقوا تمام
يبقى ايه تانى ممكن يكون السبب فى الرجه دى ؟
مع العلم ان الرجه كانت جامده جدا فى الاول
وبعد الترصيص والزوايا راحت شويه بس مازالت موجوده
ومشكورين مقدما
الاسكاترا ( علبة الدركسيون )
اقولك علي حاجة انا حصلي زيك كدة بالضبط كانت رجة خفيفة و تستمر لغاية 120 بس راحت لما غيرت الطنابير و بالصدفة لان التيل بوظها فغيرتها و العربية رجعت زي الاول بالضبط طبعا كلو هيقولي الطنابير بترج الطارة مع الفرامله و ملهاش دعوة بالمشي الطوالي و السرعة بس هقولك صدقني اكشف علي الطنابير
كاوتش
MMamdouh
متشكر على ردك وهاشوف الموضوع دهاقتباس:
المشاركة الأصلية كتبت بواسطة x100
متشكر على نصيحتك وهاكشف عليهماقتباس:
المشاركة الأصلية كتبت بواسطة نينو
متشكر على ردك بس الكاوتش جديد عامل 10 الاف بساقتباس:
المشاركة الأصلية كتبت بواسطة MMamdouh
فى انتظار بقية الاراء
هوا لاما كاوتش زى ماستاذ محمد بيقول لاما طنابير غير مكان الكوتشات
متشكر على ردكاقتباس:
المشاركة الأصلية كتبت بواسطة KIA_SEPHIA_2001_K
انا كدا كدا ناوى اجيب كاوتش جديد عشان هجنط
بس لو المشكله استمرت برضه
يبقى كدا هنستبعد الكاوتش
يبقى لحد دلوقتى يا اما الطنابير يا علبة الدركسيون
ياترى فى حاجه تانيه ممكن تبقى هى السبب ؟
أنا عندى تقريبا نفس المشكلة وضبط العجل زوايا وترصيص والمشكلة ماتحلتش وسألت العفشجى قلى كبالن وجلب أو كاوتشات المقصات وتربيط عفشة لانى كنت مغير علبة الدريكسيون من قريب ومشيت بيها شوية وسألت الميكانيكى قلى كبالن وعفشة وسبتة ومشيت وإن شاء الله هكشف عليها عند واحد عفشجى تانى وهعرف بالضبط أية وفين المشكلة وهعملها بأذن الله بكرة وغالبا كبالن وعفشة ودة اللى بيأثر على العلبة الدريكسيون .
ممكن يكون تيش الدركسيون
بجد مش عارف المشكلة من اية
ممكن الطنابير يا باشا
انا كدا هاكشف على حاجات كتير اوى
بس ايه هو تيش الدركسيون ده
سيبك من موضوع علبة الدركسيون و التيش و البارات شوية
انت رصصت تمام غير الكاوتش الي ورا مع الي قدام و جرب لو مكان الرجة و قوتها اختلف يبقي انت المشكلة في الكاوتش
لو زي ما هيا يبقي تعدي على واحد بتاع فرامل او الميكانيكي يبص على التيل و الطنابير
لو كويسة يبقي المشكلة من الاسكترا يبقي تشد على حد بتاع زوايا يشوفهالك عاوزة ربط بس و لا عاوزة حشو او تغير
مشكلتنا فى مصر هو التشخيص الغلط
ودايما لما يكون فى مشكله عمرها مابتتحل الا لما نعرف سبب المشكله
وعموما انت بدأت صح فى موضوع الترصيص
ودايما نبداء بالحاجه الاقل تكلفه علشان نحل المشكله باقل التكاليف
وعن تجربه
سيادتك تروح لاقرب واحد بيبيع جنوط وتشترى رينجات جنوط
ودى عباره عن حلقه مدوره مصنوعه من البلاستيك بتتركب بين الجنط والطانبوره لمنع اى اهتزاز بالجانط
وسعر الواحده 5 جنيه
ولو مالقتهاش ممكن تعملها عند الخراط
وانا متابع معاك وان شاء الله هاترجع تقول المشكله اتحلت لان ده اكبر احتمال ومحدش من الاعضاء ذكره
بص يا سيدى خلى باللك كويس ممكن تكون اترزعت كام مطب محترم خلى عندك الجنوط متنية فك الجنوط بتاعتك وبص عليها كويس ولو لقيت فيها حتت متنية كدا يبقى العيب منها وطبعا لازم تعملها استعدال او انك تغيرها بقى وتريح دماغك
أحييك طبعا دا كلام سليم بلأضافه أن ممكن يكون الى رصص مرصص كويس وممكن يكون فى عيب فى الكاوتش أو علبه الدركسيون الحشو الداخلى بتاعها الله يرحمهاقتباس:
المشاركة الأصلية كتبت بواسطة نينو
مش شرط... ممكن حصل تلف للكاوتش... خصوصا لو صلحت فردة من الفرد باستخدام خابوراقتباس:
المشاركة الأصلية كتبت بواسطة Hosam_Optrawy
على الاقل جيب الفرد اللى قدام ورا و جرب
MMamdouh
متشكر اوى ياجماعه على اهتمامكم وكل نصايحكم
وربنا يعمل اللى فيه الخير
الله ينور انا بتهيقلي برضه كاتش عاشن الموضوع دا برضه كان معايا في الكاوتشاقتباس:
المشاركة الأصلية كتبت بواسطة MMamdouh
يا جماعه الحمد لله المشكله اتحلت النهارده
رحت التوكيل وقلتلهم على المشكله دى عملولى ترصيص واتزان
ودفعت 45 جنيه
بعد ما طلعت باجربها وعلى غير المتوقع لقيت الرجه راحت
انا الصراحه كنت حاسس ان كل اللى باعمله على الفاضى والرجه مش هتروح
لانى رصصت قبل كدا وضبط زوايا فى بريدجستون وده مكان محترم اوى
بس الظاهر التوكيل ايده فيها الشفا
وانا باشكر اوى كل اللى حاول يساعدنى بجد متشكر جدا