ارجو المساعده فى شراء سياره عليها اقساط للبنك

الاخوه الاعزاء السلام عليكم ورحمه الله
عندى سؤال وياريت لو حد عنده خبره فى الموضوع ده ياريت يقول رايه.
النهادره اخويا واحد عرض عليه سياره بسعر كويس جدا بس
فيه مشكله ان السياره عليها اقساط للبنك والبائع عاوز المبلغ المطلوب
كاش عشان يخلص البنك طبعا اكيد السياره عليها حظر بيع واخويا
خايف لان مفيش ضمانات طبعا لان السياره لا يجوز بيعها والبائع مصر
على قبض الثمن بالكامل...........طعبا لا توجد لدينا اى علاقه بالبائع
عشان نثق فيه ........وبصرحه انا دايما احب انى ادفع الفلوس واستلم العربيه والرخص وسجلها يعنى نظام حقى وحقك...........
وانا معنديش فكره عن الموضوع ده وازاى اضمن حق اخويا وبقوله سيبك منها بس هو عين فى الجنه وعين فى النار
ياريت لو حد عنده راى او معلومه يرد عليا عشان ناخد قرار النهارده

وشكرا مقدما

طيب ممكن يمضيلك على إيصال امانة بالمبلغ لحين الانتهاء من موضوع البنك

اقتباس:

---

المشاركة الأصلية كتبت بواسطة M_Nabil

طيب ممكن يمضيلك على إيصال امانة بالمبلغ لحين الانتهاء من موضوع البنك

---

شكرا يا باشا على اهتمام حضرتك بس من وجه نظرى هذا لا يكفى مازال هناك نسبه مخاطره والمبلغ مش سهل

انا كنت هعمل زيك
بس ايصال الامانة مش ضمانة ولا الشيكات
لانه لو خدهم واختفى وحتى لو العربية معاك مِش هتعرف تستفيد بيها ولا تنقل ملكية
ممكن يقولك ان العربية معاك على ما يدفع الفلوس للبنك
برده مش ضامن حقك
الاضمن
هوة يدفع الفلوس ويفك الحظر وانت تشتريها عادى
بس اتاكد من انه عمل كدة فعلا لان فيه تجار بتعمل رخصة بدل فاقد وتتفق مع موظف المرور انه ما يكتبش الحظر فى الرخصة وتتباع عادى

ممكن تدخل على الرابط ده فيه تفاصيل اكتر
http://www.nilemotors.net/Nile/showthread.php?t=62215

انا معنديش خبرة في المواقف دي

لكن اعتقد انك ممكن تروح مع صاحب العربية البنك لان كده كده العربية ملك البنك مش ملكه هو وتاخد شهادة من البنك بنقل الملكية ليك وهو ياخد فلوسه وانت تحاسب البنك علي الاقساط الباقية سواء فوري او قسط زي ما تحب

بص ياسيدى
انا عندى خبره اوى فى الموضوع ده ولو البائع ماوافقش على الكلام ده اعرف ان نيته مش سليمه

هات الراجل واقعد معاه انت واخوك واتفقوا ع الاتى
طبعا هو معهوش المبلغ اللى بيه يخلص العربيه من البنك وبعد كده انت تشترى
علشان كده هو بيبيع العربيه بسعر كويس لان هدفه انه ياخد الشيكات اللى عليه من البنك
اولا انت تديله المبلغ المطلوب وتبقى مبلغ صغير كأنك بتشترى سياره بظروف بيع وشراء طبيعيه
بس تديله الفلوس بعد ما يعملك توكيل بيع رسمى للسياره
حضرتك طبعا فتحت عنيك وعاوز تقولى العربيه عليها خظر ومش من حقه يبيع
ارد انا واقولك هو مش هايعمل توكيل ببيع العربيه دى



مثال
هانفترض ان العربيه دى ميتسوبيشى لانسر موديل 2008



البائع هايجيبلك توكيل بيع رسمى عام سيارات (ده عنوان التوكيل وموجود بالنص)



مكتوب فى التوكيل يحق للموكل بيع وشراء سيارات ميتسوبيشى لانسر 2008

وده مش بيحتاج رخصه لعمل التوكيل


معنى التوكيل ده انه يحق ليك او للمشترى عموما انه يبيع ويشترى اى سياره يمتلكها البائع نوعها ميتسوبيشى موديل 2008 ولا يجوز الغاءه الا فى وجود الطرفين


يارب تكون فهمت المقصود منها


تانى حاجه تعملها


وانت بتسلمه المبلغ
حضرتك تستلم منه السياره وتكون فى حوزتك
وتستلم منه التوكيل وفى نفس اليوم تروح معاه البنك وتسلمه المبلغ
البنك هايقول ان المخالصه هاتستلمها خلال من اسبوع الى 10 ايام

وطبعا خلال الفتره دى حضرتك معاك العربيه والرخصه والتوكيل وبعد المده البائع هايستلم المخالصه وساعتها يكون الاجراء الطبيعى بينك وبينه وبين المرور


ولو اى استفسار ممكن تكلمنى
0125447733

اوعي تشتري العربيه دي
انا والدي اشتري عربيه عليها حظر بيع
وبقالو 7 سنين كل ما ييجي يرخص يوقفولو الترخيص
ويروح يجيب موافقه من البنك وحواااااااااااااااااااااا ااااااااااااااااااااااااا ااار مابعديه حوار
سيبك من العربيه دي خالص
حتي لو كانت لقطه
انا والدي طالع عينه في الموضوع ده وكل سنه بيلف نفس القصه المنيله دي
رغم ان والدي معاه عقد مسجل وحقه مضمون مليون الميه وكمان ناقل العربيه بأسمه وكان مرور اسكندريه وناقلها القاهره
وكل حاجه تمام
بس البنك مش سايبه في حاله

بصرحه انا مش عارف اشكركم على المشاركه و المعلومات القيمه بس
للاسف صاحب العربيه طلع معندوش ضمير؟؟؟؟؟؟؟؟؟ ازاى

اولا العربيه كانت لانوس 2006 كامله منوال واخويا صورها امبارح وبعتها لى على الميل قبل ما اكتب الموضوع ده .......... من الاخر العربيه كانت فى الصوره أسد واقف على الارض( أسد بمعنى كلمه أسد)

السؤال المهم>>>>>>>>>>
صاحب العربيه كان طالب كم؟؟؟؟؟؟
تخيلوا 45 الف وبعد التفاوض 42

عشان كده انا امبارح ماكانتش مرتح ليها بنسبه 99.99% واخويا
ماشاء الله بطيخه كان مصر عليها جدا جدا جدا
وكان السبب الرئيسى انى مش مطمن هو ان السعر غير طبيعى من وجه نظرى. وانا قلت ل اخويا كده ...بس هو اعتقد ان الرجل مستعجل وده كده السعر لقطه.........المهم انا طلبت منه ان يصلى استخاره .....طبعا انا كمان
صليت عشان اخويا ممكن يطنش........وجاءت نيتجه الاستخاره اليوم
الساعه 12 ظهرا.........
الصبح اتصلت بواحد سمكرى و طلبت منه ان يجيب معه ميكانيكى(هما معرفه من زمان ناس ثقه يعنى) ............المهم طبعا اخويا كان زعلان
وقالى انا غاوى اضيع وقت وفلوس انا كشفت عليها فى البنزينه وهما قال تمام.......
فى الموعد المحدد حضر البائع راجل شيك جدا ولبس بدوله وتكلمت معه شويه وعرفت انه شغال دكتور,,,,,

وفى نفسى قولت انا كده ظلمت الراجل وكانت زعلان جدا بجد

وكانت المفاجاه بدا الناس يفحصوا العربيه لاحظت انا وشه جاب ميت لون ولما خلصوا السمكرى قالى ان للاسف العربيه مقلوبه وكان الخبر
مثل الصاعقه طبعا انا دمى اتحرق وقامت داخل فى الدكتور شمال .....
وكان الرد انت عاوز عربيه بسعر ده تكون ايه........قولته طيب ليه
قالت انها سلميه حسبى الله ونعم الوكيل ........ضيعت يوم اجازه اونطه
:_Alshmokh11: وطبعا اخويا كان عاوز يضربوا لان الدكتور المحترم كان مستعجل
واخويا كان فكر انها لقطه فا راح البنك النهارده الصبح قبل الموعد وكسر الوديعه :k32:

اقتباس:

---

المشاركة الأصلية كتبت بواسطة asaadte

انا كنت هعمل زيك
بس ايصال الامانة مش ضمانة ولا الشيكات
لانه لو خدهم واختفى وحتى لو العربية معاك مِش هتعرف تستفيد بيها ولا تنقل ملكية
ممكن يقولك ان العربية معاك على ما يدفع الفلوس للبنك
برده مش ضامن حقك
الاضمن
هوة يدفع الفلوس ويفك الحظر وانت تشتريها عادى
بس اتاكد من انه عمل كدة فعلا لان فيه تجار بتعمل رخصة بدل فاقد وتتفق مع موظف المرور انه ما يكتبش الحظر فى الرخصة وتتباع عادى

ممكن تدخل على الرابط ده فيه تفاصيل اكتر
http://www.nilemotors.net/Nile/showthread.php?t=62215

---

الف شكر يا باشا الموضوع على الاهتمام

اقتباس:

---

المشاركة الأصلية كتبت بواسطة mo7a_mo7a

انا معنديش خبرة في المواقف دي

لكن اعتقد انك ممكن تروح مع صاحب العربية البنك لان كده كده العربية ملك البنك مش ملكه هو وتاخد شهادة من البنك بنقل الملكية ليك وهو ياخد فلوسه وانت تحاسب البنك علي الاقساط الباقية سواء فوري او قسط زي ما تحب

---

شكرا يا موحا على الاهتمام ...

اقتباس:

---

المشاركة الأصلية كتبت بواسطة mohamedezat

بص ياسيدى

انا عندى خبره اوى فى الموضوع ده ولو البائع ماوافقش على الكلام ده اعرف ان نيته مش سليمه

هات الراجل واقعد معاه انت واخوك واتفقوا ع الاتى
طبعا هو معهوش المبلغ اللى بيه يخلص العربيه من البنك وبعد كده انت تشترى
علشان كده هو بيبيع العربيه بسعر كويس لان هدفه انه ياخد الشيكات اللى عليه من البنك
اولا انت تديله المبلغ المطلوب وتبقى مبلغ صغير كأنك بتشترى سياره بظروف بيع وشراء طبيعيه
بس تديله الفلوس بعد ما يعملك توكيل بيع رسمى للسياره
حضرتك طبعا فتحت عنيك وعاوز تقولى العربيه عليها خظر ومش من حقه يبيع
ارد انا واقولك هو مش هايعمل توكيل ببيع العربيه دى

مثال
هانفترض ان العربيه دى ميتسوبيشى لانسر موديل 2008

البائع هايجيبلك توكيل بيع رسمى عام سيارات (ده عنوان التوكيل وموجود بالنص)

مكتوب فى التوكيل يحق للموكل بيع وشراء سيارات ميتسوبيشى لانسر 2008

وده مش بيحتاج رخصه لعمل التوكيل

معنى التوكيل ده انه يحق ليك او للمشترى عموما انه يبيع ويشترى اى سياره يمتلكها البائع نوعها ميتسوبيشى موديل 2008 ولا يجوز الغاءه الا فى وجود الطرفين

يارب تكون فهمت المقصود منها

تانى حاجه تعملها

وانت بتسلمه المبلغ
حضرتك تستلم منه السياره وتكون فى حوزتك
وتستلم منه التوكيل وفى نفس اليوم تروح معاه البنك وتسلمه المبلغ
البنك هايقول ان المخالصه هاتستلمها خلال من اسبوع الى 10 ايام

وطبعا خلال الفتره دى حضرتك معاك العربيه والرخصه والتوكيل وبعد المده البائع هايستلم المخالصه وساعتها يكون الاجراء الطبيعى بينك وبينه وبين المرور

ولو اى استفسار ممكن تكلمنى

0125447733

---

الف شكر على الا هتمام وعلى هذه المعلومات القيمه

معلهش خيرها فى غيرها

[quote=mohamedezat;769957]

بص ياسيدى

انا عندى خبره اوى فى الموضوع ده ولو البائع ماوافقش على الكلام ده اعرف ان نيته مش سليمه

هات الراجل واقعد معاه انت واخوك واتفقوا ع الاتى
طبعا هو معهوش المبلغ اللى بيه يخلص العربيه من البنك وبعد كده انت تشترى
علشان كده هو بيبيع العربيه بسعر كويس لان هدفه انه ياخد الشيكات اللى عليه من البنك
اولا انت تديله المبلغ المطلوب وتبقى مبلغ صغير كأنك بتشترى سياره بظروف بيع وشراء طبيعيه
بس تديله الفلوس بعد ما يعملك توكيل بيع رسمى للسياره
حضرتك طبعا فتحت عنيك وعاوز تقولى العربيه عليها خظر ومش من حقه يبيع
ارد انا واقولك هو مش هايعمل توكيل ببيع العربيه دى

مثال
هانفترض ان العربيه دى ميتسوبيشى لانسر موديل 2008

البائع هايجيبلك توكيل بيع رسمى عام سيارات (ده عنوان التوكيل وموجود بالنص)

مكتوب فى التوكيل يحق للموكل بيع وشراء سيارات ميتسوبيشى لانسر 2008

وده مش بيحتاج رخصه لعمل التوكيل

معنى التوكيل ده انه يحق ليك او للمشترى عموما انه يبيع ويشترى اى سياره يمتلكها البائع نوعها ميتسوبيشى موديل 2008 ولا يجوز الغاءه الا فى وجود الطرفين

يارب تكون فهمت المقصود منها

تانى حاجه تعملها

وانت بتسلمه المبلغ
حضرتك تستلم منه السياره وتكون فى حوزتك
وتستلم منه التوكيل وفى نفس اليوم تروح معاه البنك وتسلمه المبلغ
البنك هايقول ان المخالصه هاتستلمها خلال من اسبوع الى 10 ايام

وطبعا خلال الفتره دى حضرتك معاك العربيه والرخصه والتوكيل وبعد المده البائع هايستلم المخالصه وساعتها يكون الاجراء الطبيعى بينك وبينه وبين المرور

كلام سليم 100 100

خد بالك ان فترة بين سداد التمن فى البنك وانك تاخد المخالصة بتاع عشر ايام لان الورق بيروح البنك المركزى