-
انا جبت لانوس يا شباب
السلام عليكم يا شباب
انا جبت لانوس 2001 فول اوبشن
وانا خبرتى لسه مع العربيات
المهم عداد الار بى ام واقف على 1 ده صح ولا ايه
وثانيا عايز اعرف اعمل ايه فى العربيه انا لما كشفت فى البنزينه قالى الموتور 70% معقول متقلقلش والعفشه كويسه والفتيس تمام
بس مش عارف اعمل ايه وانا شغلى حوالى 100 كيلو رايح راجع يعنى مسافه وخايف تعملها منى تنصحونى با ايه
-
وعلى فكره العربيه عامله 140000 كم بس بصراحه حالتها العامه ميه ميه
-
مبروك ياباشا وان شاء الله تكون عضو دائم معانا .
المفروض تعمل صيانة عامة للعربية وهى تغير سير الكاتينة عشان تعرف عمرة عشان دة مفهوش تهريج وتغير فلتر بنزين وتغير زيت وفلتر هو صاحب العربية قالك كان بيستخدم زيت نوعة اية ولو عايز تغير نوع الزيت غيرة بس استعمل فلاش اويل الاول .
وتغير فلتر هواء لو الميكانيكى قال غيرة وتربط عافشة وتكشف على داورة التبريد ولو صاحب العربية الاول كان بيستخدم مياة من الحنفية غير وهات مياة خضراء تكون نوع كويس .
بالنسبة لعداد الار بى ام على واحد والعربية دايرة ولا مش دايرة ولما بتمشى الار بى ام مبيعلاش معاك ياريت ترد عليا عشان نقدر نفيدك
-
عامتا لازم تغير سير الكاتينه والزيت وتظبط فرد واطمن علي الكوريك والاستبن اكشف علي العفشه وزيت الفرامل والبور والفتيس والمياه والسلاح وياريت لو في حد يفيد اكتر مني
-
-
الف مبروك على العربية ( ممكن يكون السلاح ده غلطة مطبعية)
-
-
مبروووووووووووووووكه عليك
ربنا يديك خيرها ويكفيك شرها
-
الف مبروك .بس حضرتك جبتها بكام.عشان بدور
-
اهم حاجة سير الكاتينة و الشداد بتاعها... ناس كتير بتنسى الشداد و بعد كدة بتحصل مشاكل كبيرة بسببة
و انت بتغير السير بص على الطلمبة بتاعت المية و شوفها بتسرب ولا لا او فيها خشانة ولا لا
الفلاتر و البوجيهات و مراجعة التيل الخ الخ من الحاجات اللى حتخلى العربية تفوق معاك
MMamdouh
-
شكرا ياشباب على الردود وربنا يخليكوا للمنتدى انا واخدها من واحد صاحبى هيا بتاع باباه وكان قايلى انه لسه مغير السيور قريب والعربيه انا جبتها ب41000 بس انا مدقتش فى الفلوس علشان العربيه نظيفه وده اعتقد سعرها ولا حد عنده راى تانىوعداد الا بى ام عادى بيتحرك معايا عادى بس انا عايز اعرف بس هو عادى انه لما ادور يكون على الواحد مش الصفر
-
لازم يبقي العداد علي واحد
لان الموتور شغال يعني بيلف
واحد يعني 1000 لفة في الدقيقة وده الطبيعي
Content Relevant URLs by
vBSEO 3.6.0 PL2