اخيرا يا جماعة تم الموافقة على نظام Navigation المعتمد على الجى بى اس فى السيارات وهواتف المحمول واخير حتنزل العربيات بالشاشة الكاملة بتاعتها .
عرض للطباعة
اخيرا يا جماعة تم الموافقة على نظام Navigation المعتمد على الجى بى اس فى السيارات وهواتف المحمول واخير حتنزل العربيات بالشاشة الكاملة بتاعتها .
بس اكيد دي هتبقي فرصة للتوكيلات انه عشان ينزل النظام ده ف العربية.. يغلي تمنها كتير عن اللي مش فيها..
بس الاجمل. انه الواحد ممكن يشتري النظام ده لوحده و يركبه..
طيب انا موبايلى Nokia N81 2gb و المفروض ان فيه جى بى اس صح؟؟
بس قالولى انه مش هيشتغل عندى علشان انا شاريه بالضمان ...
يا ترى ينفع اشغله ؟؟
ولا اغير الموبيل ولا ايه ؟؟
بص يا خالد لو الجى بى اس مقفول سوفت وير فطبعا ممكن فتحه بسهوله ولكن لو هارد وير فدا بيحتاج تدخل اعلى شويه عموما اسال فى الوكيل وقريب الموبيلات كلها حتنزل بجى بى اس عادى و ممكن ساعتها تغير
يعنى الاى فون حينزل بجى بى اس مفتوح قريب
مممممممماقتباس:
المشاركة الأصلية كتبت بواسطة asd7778
اعتقد ان هو هارد وير ...
عموما انا هستنى لما ينزل بالضمان وفيه جى بى اس و اجيبه !!!
و متشكرين على الخبر السعيد ده الى بيحسسنى اننا عايشين فى دوله بجد
خلي بالك ابو حميد دا مش اي واحد بيركبه دي عايزه محترف بجد:36_1_34[1]:اقتباس:
المشاركة الأصلية كتبت بواسطة Ahmad Allawy
ممكن نسأل حد ف الموضوع ده..
انا سمعت من واحد صاحبي النهاردة.. انه مش محتاج شغل كتير لسبب..
انه بياخد باور بس من العربية.. زي الكاسيت مثلا.. و ليه انتنة (زي اريال كده) بيتحط علي الزجاج الامامي باين.. و بس علي كده.. مفيهوش لعب كتير..
هو قرا الكلام ده علي النت.. (انا مقريتش بنفسي و مش عارف- انا سمعت المعلومة كده)
خالد باشا الn81 مفيهوش gps فيه maps مش gpsاقتباس:
المشاركة الأصلية كتبت بواسطة KHALED AYMAN
علشان تتأكد بص فى اللينك ده اضغط هنا
شكرا يا باشا على المعلومه ...اقتباس:
المشاركة الأصلية كتبت بواسطة theking2690
اصل انا علاقتى بالموبيل انى اتصل و ارد و اصور عربيات و بس ....
و اشتريته علشان اصحابى قالولى حلو ...:shyy:
ال maps دى بتنزل على الموبيل صح؟
الخبر ده قريته وحبيت أنقله علشان تفرحوا معايا
السماح للسيارات المجهزة بأنظمة تحديد المواقع "GBS" بدخول مصر
أقر مجلس إدارة الجهاز القومي لتنظيم الاتصالات في اجتماعه الأخير عدة قرارات خاصة باستخدام أجهزة تحديد المواقع (GPS) في مصر.
وصرح الدكتور عمرو بدوي الرئيس التنفيذي للجهاز القومي لتنظيم الاتصالات بأن هذه القرارات تتضمن السماح بدخول السيارات المجهزة بأنظمة تحديد المواقع "GBS" وبرمجيات الملاحة الأرضية "NAVIGATION" والتي توجه سائقي السيارات للأماكن التي يرغبون في التوجه إليها من خلال الشاشات المتوفرة داخل سياراتهم المجهزة ، حيث قام الجهاز القومي لتنظيم الاتصالات بإخطار مصلحة الجمارك بذلك للتنفيذ الفوري.
كما تقضي القواعد الجديدة السماح باستيراد أجهزة تحديد المواقع "GPS" في تليفونات المحمول والحاسبات وغيرها بما تحوي من بعض التطبيقات المدنية على أن يقوم جهاز تنظيم الاتصالات بإجراءات اعتماد النوع لهذه الأجهزة طبقا للإجراءات الخاصة به وقد تم بالفعل إخطار مصلحة الجمارك بذلك.
أما بالنسبة لخدمات التتبع الآلي والمعروفة باسم "AVL online" فلن يتم السماح بها إلا بعد الحصول على التصاريح والتراخيص اللازمة من الجهاز القومي لتنظيم الاتصالات وفق ضوابط محددة وذلك بالتنسيق مع الأجهزة الأمنية والمعنية، الجدير بالذكر أن خدمة التتبع الآلي يتم تجربتها حاليا في قطارات السكة الحديد والإسعاف.
أنا كان نفسى من زمان يبقى ال GPS متاح فى العربيات علشان الواحد يسافر براحته وميتهش
بس السؤال المهم يترى الوكلاء هبينزلوا العربيات بالخاصيه دى ولا هيشيلوها كالعاده ؟
_____________________________
تم نقل المشاركة الي الموضوع المفتوح مسبقا
مشرف القسم
يا جماعة الجي بي اس شغال معايا بقالة اكثر من سنتين على تليفوني ايميت جام ان و وحدة جي بي اس خارجي و كمان شغال على اللاب توب
هو غالبا كان شغال من زمان فعلا.. بس مكانش الاجهزة اللي بتشغله نازلة هنا رسمي فهمي نظمي.. :)
لكن دلوقتي بقي رسمي.. و الاجهزة هتتباع عادي بطمانها و فيها الاوبشن ده شغال..
(ده اللي انا فاهمه..)
اقتباس:
المشاركة الأصلية كتبت بواسطة KHALED AYMAN
اه الmaps بتنزل على الموبيل عن طريق برنامج نوكيا ماب لودر تقدر تحمله من اللينك ده اضغط هنا
المهم انها هتشتغل فى العربيات عشان الناس اللى لسة متعلمين سواقة حديثا مش بيعرفوا الطرق بيبقوا مركزين فى السواقة وعاوزين حد يوصفلهم اهو ده يساعدهم
كمان من غير سفر جوه اليكس او كايرو مش كلنا نعرف كل الطرق وده هياعد كتير
رحمنا من الفتاوى بتاعت الناس الى فى الشارع
الايفون نازل مقفول جى بى اس بالسوفت ويراقتباس:
المشاركة الأصلية كتبت بواسطة asd7778
وفتحناه من زمان
اقتباس:
المشاركة الأصلية كتبت بواسطة Ahmad Allawy
نظام ال GPS مفيش دوله تقدر تشغله او تقفلهاقتباس:
المشاركة الأصلية كتبت بواسطة Ahmad Allawy
اى مكان فى العالم ممكن يستقبل ال GPS signals لو فى gps receiver
مصر بس كانت مانعه اى جهاز فيه gps receiver مش اكتر
ودى مشاركه كنت كاتبها فى موضوع اخر عن ال gps فكره لمنع سرقة السيارة
اقتباس:
المشاركة الأصلية كتبت بواسطة M.Mokhtar
المشكله انهم ممكن وهم مركزين فى شاشة الملاحة يلبسوا فى اى حاجة قدامهم :shyy:اقتباس:
المشاركة الأصلية كتبت بواسطة BASKOTA
دى اكبر خدمه بيقدمها ال gps فعلا :k32:اقتباس:
المشاركة الأصلية كتبت بواسطة lancerevolution
قبل الموضوع دا كان شغال زى الفل و من ساعت القرار دا ولا راضى يشتغل