الموضوع الجديد فكرنى بالقديم نصيحة للاعضاء والزوار لاتترك سيارتك فى ورشة

الموضوع الجديد اللى حصل معايا بتاع عنوان الميكانيكى حكيم واخوه اللى شفته على الموقع ونصب عليا وغرمنى وبوظ عفشة العربية فكرنى بموضوع قديم حصل معى عام1990 وكان معى ايامها سيارة فيات 132 ورحت لميكانيكى فى الجيزة كان ورشته خلف مدرسة الجيزة الثانوية للبنات وكان اسمه متولى وكان معه ولداه شغالين معاه فى الورشة واحد منهم الكبير كان اسمه ياسر
رحت اصلح فى حاجة كانت بعد القتيس وقبل الكردان اسمها الفلنشة ودى كنت سمعت من اللى معاهم 132 انها بتتغير لانها بتتشقق وتبدا تعمل صوت
ووصفلى واحد برده هذا الميكانيكى ورحت ليه كان الوقت قرب المغرب وقلت له عايز اغير الفلنشة
الراجل بمنتهى السرعة كان عنده صنايعى اسمه جمعة امره انه ينزل تحت العربية ويفكها وبعد فكها وجدتها مشققة فعلا
وذهبت لشراء واحدة جديدةواحضرتها له وبعدين قال خلى العربية والصبح تيجى تلاقيها جاهزة فقلت ليه دى مش هتاخد نصف الساعة قال انا عندى شغل ومطلوب اخلصه
المهم وافقت ومشيت
وفى اليوم التالى وانا رايح على الشغل فى التاسعة صباحا قلت اعدى يمكن يكون خلصها بعد مامشيت
ورحت الورشة لقيت صبى صغير فاتح الورشة فسالته العربية خلصت قال لسة
ولقيت العربية مرفوعة على حمالة فرحت ابص عليها
لاحظت ان مساعد فى ناحية يمين السائق غير موجود ففتحت الكبود لقيت المساعد مفكوك وسالت الصبى انتو بتفكو المساعد ليه (وكنت لسه عامل عفشة جديدة والمساعدين جايبهم جداد عند واحد فى ساقية مكى مشهور )
قالى اصل الحكاية جه واحد فى وقت متاخر وكان من اسكندرية والمحلات قافلة والمساعد عنده كان ضارب فالاسطى قال نفك المساعد ونبقى نجيب ليك واحد بداله
ساعتها الدنيا اسودت فى وشى ومارحت الشغل وانتظرت الميكانيكى
ولما وصل بالسلامة قولت له ليه كده انا شغلى وراء الفتيس وشغل ميكانيكى
ايه اللى دخل العفشة فى الموضوع
حكى نفس قصة الصبى قلت له خلاص خليها عندك تنفع قطع غيار فى الزنقة
واسعتها اجبرته انه يفك التانى ويشترى جوز جداد
ويركبهم
وهذه هى ميكانيكية مصر الاباء والابناء منتهى الامانة وراثة فى التصرفات يعنى لو مارحتش بدرى الورشة كان هيركب واحد خردة مكانة وعند اى فرملة قوية البس فى اللى جنبى
لنا الله

تم نقل الموضوع للقسم العام لتعميم الفائدة

مشرف القسم

شكرا على النصيحة

شكرا جزيلا بس اعتقد انها حالة فردية فية ناس عندهم امانة بردة وبيخافو من ربنا

الف شكر على النصيحة

الف شكر على النصيحة

شكرا عل النصيحه انا لما بسيب العربيه تبات عند الميكانيكي بكون واخد رقم العداد وهو بصراحه انا بثق فيه جامد بس برده الامر مايسلمش

مرة اتسرقت منى ساعة يد كنت تاركها فى التابلوه والميكانيكى انكر وفوضت امرى لله

انا سبت العربيه ورجعت لاقيته غير تيل الفرامل من غير ما ياخد رايي ..ماشى!!
ببص على البنزين لاقيته ناقص قوى ببص على العداد لاقيته عمل بيها 180 كيلو يعنى اقعد يلف بيها يقضى كل مشاويره ومن ضمنهم جاب موتور لزبون غلبان معاه تاكسى وراح يجيب الموتور استيراد من الوكاله بعربيتى عشان آل يجربها!!!!!!!!!!!!!!!!!!!!!!!!!!!!!!!!!!!
حسبى الله ونعم الوكيل !!

الف شكر على نصيحتك بس معلش انت غلطان انك توافق تسيبلة العربية علشان حاجة خلع وتركيب يا اخى خدها جر خلية يركب القديمة وخدها وابقى تعالله بكرة او قوللة حزرفك قرشين زيادة لو خلصتنى انما تسيب العربية من غير سبب مقنع فدة معلش غلط منك لانها عربيتك ودة ميكانيكى حرامى ..

اقتباس:

---

الموضوع الجديد اللى حصل معايا بتاع عنوان الميكانيكى حكيم واخوه اللى شفته على الموقع ونصب عليا وغرمنى وبوظ عفشة العربية فكرنى بموضوع قديم حصل معى عام1990 وكان معى ايامها سيارة فيات 132 ورحت لميكانيكى فى الجيزة كان ورشته خلف مدرسة الجيزة الثانوية للبنات وكان اسمه متولى وكان معه ولداه شغالين معاه فى الورشة واحد منهم الكبير كان اسمه ياسر
رحت اصلح فى حاجة كانت بعد القتيس وقبل الكردان اسمها الفلنشة ودى كنت سمعت من اللى معاهم 132 انها بتتغير لانها بتتشقق وتبدا تعمل صوت
ووصفلى واحد برده هذا الميكانيكى ورحت ليه كان الوقت قرب المغرب وقلت له عايز اغير الفلنشة
الراجل بمنتهى السرعة كان عنده صنايعى اسمه جمعة امره انه ينزل تحت العربية ويفكها وبعد فكها وجدتها مشققة فعلا
وذهبت لشراء واحدة جديدةواحضرتها له وبعدين قال خلى العربية والصبح تيجى تلاقيها جاهزة فقلت ليه دى مش هتاخد نصف الساعة قال انا عندى شغل ومطلوب اخلصه
المهم وافقت ومشيت
وفى اليوم التالى وانا رايح على الشغل فى التاسعة صباحا قلت اعدى يمكن يكون خلصها بعد مامشيت
ورحت الورشة لقيت صبى صغير فاتح الورشة فسالته العربية خلصت قال لسة
ولقيت العربية مرفوعة على حمالة فرحت ابص عليها
لاحظت ان مساعد فى ناحية يمين السائق غير موجود ففتحت الكبود لقيت المساعد مفكوك وسالت الصبى انتو بتفكو المساعد ليه (وكنت لسه عامل عفشة جديدة والمساعدين جايبهم جداد عند واحد فى ساقية مكى مشهور )
قالى اصل الحكاية جه واحد فى وقت متاخر وكان من اسكندرية والمحلات قافلة والمساعد عنده كان ضارب فالاسطى قال نفك المساعد ونبقى نجيب ليك واحد بداله
ساعتها الدنيا اسودت فى وشى ومارحت الشغل وانتظرت الميكانيكى
ولما وصل بالسلامة قولت له ليه كده انا شغلى وراء الفتيس وشغل ميكانيكى
ايه اللى دخل العفشة فى الموضوع
حكى نفس قصة الصبى قلت له خلاص خليها عندك تنفع قطع غيار فى الزنقة
واسعتها اجبرته انه يفك التانى ويشترى جوز جداد
ويركبهم
وهذه هى ميكانيكية مصر الاباء والابناء منتهى الامانة وراثة فى التصرفات يعنى لو مارحتش بدرى الورشة كان هيركب واحد خردة مكانة وعند اى فرملة قوية البس فى اللى جنبى
لنا الله

---

أكبر غلطه ممكن ترتكبها انك تسيب العربيه للميكانيكي...

انا و الميكانيكى بتاعى صحاب من الطفولة يعنى بسيب العربية و انا مطمن بالرغم انه حرامى و انا عارف بس معايا مش بيعمل حاجة بس ممكن مرة يعشم فى حتة عدة او شريط فانا اول ما اوديله العربية اكون مفيضيها تماما و هو لما بياخد حاجة برجع اخدها و يقللى معلش دة الواد و يضحك المهم انى عارف انه حرامى و هو عارف انى عارف بس أعمل ايه صاحبى:POINTI~2[2]::khd:

معظمهم كده فعلا بس مش كلهم
فى منهم بيفك حاجات من العربيه ويركب مكانها قديم ويبيع الحاجه المفكوكه على انها استيراد !!!!!!!!!!
مرة زميلى ساب العريه128 للميكانيكى رجع لاقاه فاكك الاربع مساعدين اتارى حب يروح بيها مشوار وخد مطب محترم خلى المساعدين كلها تضرب !!!!!!!!!!!!!!
وواحد كهربائى معندوش ضمير فك ميكانيكا عداد السرعه من عربيه 125 وركبها فى عربيه تانيه !!!!!!!!!!!!

العربية ما تتسايش عند حد مهما كان

اقتباس:

---

المشاركة الأصلية كتبت بواسطة toshipa

(وكنت لسه عامل عفشة جديدة والمساعدين جايبهم جداد عند واحد فى ساقية مكى مشهور )

---

شكرا على النصيحة

هو انت غيرت العفشة عند سيد الخطيب؟؟؟

يعني انت متعرفووووووووش وتسيب العربية عندة !!!!!!!!1

يالا الحمد الله انها جت علي قد كدة