في بداية الغيار لما أبتدي أدوس بنزين أحس أن الموتور اتخنق شوية وبعدين تسحب عادي.(العربية لانوس)
حد عنده فكره عن سبب ذلك
جزاكم الله كل خير
عرض للطباعة
في بداية الغيار لما أبتدي أدوس بنزين أحس أن الموتور اتخنق شوية وبعدين تسحب عادي.(العربية لانوس)
حد عنده فكره عن سبب ذلك
جزاكم الله كل خير
هل إنت بتكبس بنزين والعربية لسه باردة؟
اخبار البوجيهات و سلوكها و الرشاشات ايه؟
فلاتر البنزين و الهوا؟ اخر مرة نضفت المنافول امتى؟
MMamdouh
البوجيهات NGKمغيرها منذ شهر ونصف. والرشاشات مغيرها مع البوجيهات ببتاعة هيونداي وشغالة زي الفل ونضفت المنافول باسبراي منظف الكاربينير فلتر البنزين مغيره برده قريب.والكلام ده بيحصل والعربية سخنة
يعنى فلتر الهواء قديم و المنافول وسخ؟ هى العربية عاملة كام الف و غيرت الكاتينة اخر مرة امتى؟
MMamdouh
المنافول نضفته باسبراي منظف الكاربتير والعربية عاملة 68ألف وغير سير الكاتينة فقط من 4 شهور وفلتر الهواء هو الوحيد إلي ما غيرتوش بس انا بنظفه بالهواء
غير الفلتر احسن... العيب دة ظهر بعد الكاتينة ما اتغيرت؟
MMamdouh
ياراجل!!اقتباس:
المشاركة الأصلية كتبت بواسطة memoo305
فى بلدنا دى ومغيرتوش بعد 68 الف! ده كفايه العاصفه بتاعت يوم الثلاثاء من 3 اسابيع
اجرى قوم غيره.
okهاغير فلتر الهواء بالرغم من أن شكاة مش متوسخ أوي. وفعلاً الحركه دي بدأت بعد تغير سير الكاتينة بشوية
ممكن التقسيمة مش مضبوطة... راجع التقسيمة
MMamdouh
بالنسبة لموضوع التقسيمة
هل العربية بتسقف معاك؟
لا العربية مابتسقفش
فى حاجة كمان عايز أسأل عنها
إنت بتقول إن فى بداية الغيار العربية بتبقى مخنوقة شوية وبعدين تسحب عادى
هل إنت متأكد إن السحب عادى فعلا
ممكن يكون فى مشكلة فى إسطوانة الدبرياج؟؟؟ تفتكر كده يا MMamdouh ؟؟؟
يا ريت تجيب قراية السرعة وعدد لفات الموتور عند كل نقلة
مثلا الأول على 3000 لفة كانت السرعة 25 كيلو
والثانى على 3000 لفة مثلا كانت 40
و أعتقد إن MMamdouh حيقدر يفيدنا فى النسب دى
هي الأسطونة ممكن تكون ضعيفة شوية لآن العربية بتطلع من الثبات لما بأقعطع مشوار كبير بصعوبة شوية.بالنسبة للقراية بتاعة السرعة الى انا فاكره دلوقت الخامس على 3000بيقى 105أو106
المشكلة دلوقت اتعقدت قدامي الموضوع فلتر ولا بوجيهات ولا اسطوانة؟؟؟
النسبة بين لفات الموتور و السرعة شكلها طبيعى... انا ببقى ماشى 100 و اللفال تحت ال3000 بحاجة بسيطة و لو عايز تتاكد بجد خلى العربية واقفة و فرامل اليد مرفوعة و حط رابع و حاول تطلع اكنك حاطت اولانى... العربية لازم تبطل فورا
الفلتر مش قضية... كلة ب 20 او 25 على الاكتر
البوجيهات سهل تختبرها لو فكيتها و شوفت شكل الرواسب اللى سايبها حرق الموتور عليها و راجعت فتحة البوجيه اذا كانت مضبوطة ولا لا... لو عايز تختبر سلوك البوجيهات.. ضور العربية فى حتة ضلمة كحل و اغتح الكبوت... لو السلوك وحشة حتلافى شرر بيطير من حوالين السلوك و بيضرب فى البلوك او الوش
MMamdouh
طب ولو مبطاطش تبئة السطوانة فيها مشكلة ؟
فعلا
لو مبطلتش يبقى الإسطوانة محتاجة تتغير
بركو ليا يا جماعة انا جربت و العربية بطلت :D