ياباشا اتفضل واعتبرها عربيتك . رأئيك يهمني أوي بجد

الـسلام عليكم ورحمه الله وبركاتة
أنا يا جماعه عاوز رأئيكم وبصراحة
وكأنـ العربية دي ليك وبجد والله متغلاش
علي أحسن وأجمل وأشيك أعضاء نايل
دلوئتـ أنا محتار بينـ النترا 2009
و الـ i30 أنهي أحسنـ يا جماعه
وياتري تفضلولي أشتري دلوئت ولا
أستني شوية يمكنـ تنزلـ الاسعار تاني
وياتري في اخبار عن نزول سعر العربيات
ولا خلاص كدا سبتت بئا وربنا هيهدهم
انا أملي فـ ربنا وفيكم بجد . كل واحد لية نظرة
فـ العربية يقولـ والموضوع ها يكون مفيد للجميع
اقصد عيوبـ النترا أية والـ i30 حلوة ولا ولا واية
نظام سبتها وانهي سبات احسن واستهلاك البنزين وجدا
جزاكم الله كل خير بأنتظاركم

انا حاسس انى شفت اسم الموضوع ده من يومين ..:)

اقتباس:

---

المشاركة الأصلية كتبت بواسطة Terrible_DaRsH

انا حاسس انى شفت اسم الموضوع ده من يومين ..:)

---

يومين معتقدش او يمكن يكون طلب عضو تاني
ع العموم اسعدني مرورك بس زعلان لانك ما افدتني

اقتباس:

---

المشاركة الأصلية كتبت بواسطة of40

يومين معتقدش او يمكن يكون طلب عضو تاني
ع العموم اسعدني مرورك بس زعلان لانك ما افدتني

---

و لا تزعل يا سيدى ولو ان انا متاكد :)

لو انت شاب هات ال I 30 بدون تفكيررر ..

لو مش هيفرق معاك الشكل و مساحة الشنطة يبقي النترا ..

على العموم ال I30 جديدة ومش منتشرة زى الالنترا وعربية كويسة و الكل بيشكر فيها ..

بص يا سيدى
الi30 حلوة و مقدرش اتكلم عليها الصراحه عربيه لووز
بس للأسف مغالى جججججججدا فى سعرها
يعنى انا معايا ألنترا و ركبت الI30
و مش شايف اى حاجه اوفر او زياده عشان يبقى تمنها أغلى كده عن الألنترا

اولا بصراحه و دى ازواق تابلوه الألنترا شكله احلى
الألنترا اوسع
و بشنطه

الI30 مفيهاش الكلام ده
طب ليه غاليه اوى كده ؟ انا مش لا تفسير

فين الشباب

Either someone’s slipped something into my drink, or this is a Korean car you actually might want to buy

ده تعليق توب جير علي الاي 30

اعتقد انك لو موافق انك تضحي بالشنطة و اعادة البيع

فالاي 30 اشيك و اقيم

اقتباس:

---

المشاركة الأصلية كتبت بواسطة MegaDeth

بص يا سيدى
الi30 حلوة و مقدرش اتكلم عليها الصراحه عربيه لووز
بس للأسف مغالى جججججججدا فى سعرها
يعنى انا معايا ألنترا و ركبت الI30
و مش شايف اى حاجه اوفر او زياده عشان يبقى تمنها أغلى كده عن الألنترا

اولا بصراحه و دى ازواق تابلوه الألنترا شكله احلى
الألنترا اوسع
و بشنطه

الI30 مفيهاش الكلام ده
طب ليه غاليه اوى كده ؟ انا مش لا تفسير

---

تسلم حبيبي لمرور واسعدني ردك
يعني حضرتك ترشحلي النترا

اقتباس:

---

المشاركة الأصلية كتبت بواسطة Terrible_DaRsH

انا حاسس انى شفت اسم الموضوع ده من يومين ..:)

---

اة فعلا مش دة اللى معاة ميتسوبيشى جالنت وعايز يظبطها؟؟
:ma(30)::ma(30):

اقتباس:

---

المشاركة الأصلية كتبت بواسطة Ahmed20_08nubira

اة فعلا مش دة اللى معاة ميتسوبيشى جالنت وعايز يظبطها؟؟
:ma(30)::ma(30):

---

يا باشا والله ما انا
لو أنا ها أقولك مش عيب يعني
تسلم لمرورك يا جميل
بس فين ارائيك يا باشا
معقول ازعل تاني

فينكم حبايب

ال اى 30 دى فئة الهاتشباك من الالنترا
فالعربيتين زى بعض تمام بس ال اى 30 هاتشباك والالنترا سيدان
بالنسبة للشنطة الالنترا تكسب
بالنسبة للسعر الالنترا تكسب
بانسبة لاعادة البيع الالنترا تكسب
بالنسبة لك انت بتحب الهاتشباك ولا السيدان
انا برشح لك الالنترا

اقتباس:

---

المشاركة الأصلية كتبت بواسطة topfield

ال اى 30 دى فئة الهاتشباك من الالنترا
فالعربيتين زى بعض تمام بس ال اى 30 هاتشباك والالنترا سيدان
بالنسبة للشنطة الالنترا تكسب
بالنسبة للسعر الالنترا تكسب
بانسبة لاعادة البيع الالنترا تكسب
بالنسبة لك انت بتحب الهاتشباك ولا السيدان
انا برشح لك الالنترا

---

يا باشا تسلم جزاك الله كل خير

انتووو فين يا اخولنا

بص
انا عن تجربه i30
جميله بس فيها مشكله واحده واطيه جدا ومش ملائمه للطرق اللي فيها مطبات
شوف انت طريقك شكله ايه

طيب ماتجيب النيو سيراتوا جامده جدا

إلنترا ...
إعادة البيع مش هتخسر فلوس

انا بقى حيران اجيب انهى واحده بأنهى كماليات, يا ريت تعدى على الصفحه إلى انا عاملها للتصويت على إلإمكانيات فى إلإلنترا

بالنسبه للسعر انا رأيي السعر مش نازل لإنه لو نازل كان نزل من زمان من بداية الأزمه لكن دلوقتى الأزمه العالميه بدأت تنفرج خلاص
ولا رأيك إيه

لو انت شاب و عايز حاجة روشة تقعد معاك فترة الترويش= I30
لو داخل على جواز اذن احتياجاتك هترمى على عائلية= النترا
لو عايز شكل جديد وبرضه حاجه تقعد معاك شوية= نيو سيراتو

يا سيد of40
انت ايه المهم ليك انت ف العربيه؟؟؟؟؟
ممكن مصر كلها تقولك حاجه وانت تكون عايز غيرها
خد وقتك ف التفكير والتجربه ولو مفيش تست درايف متاح ليهم ممكن تأجر كل واحده يوم
ودا هيديك انطباع كافي عن الاتنين
وبالتوفيق

يا سعادة الباشا... ال I30 و الالنترا وجهان لعملة واحدة و الفرق ان دي هاتش باك و دي سيدان مع فرق سعر كمان...

انت بتحب السيدان ولا الهاتش باك؟؟؟

لو هاتش باك, ممكن تتحمل فرق السعر عن السيدان؟؟؟
بس هو كده كده طبيعي ان الهاتش بيكون اغلى من السيدان...

انت بعد الاجابة على السؤالين دول تبقى قررت و اشتريت خلاص ان شاء الله... :k4:

ربنا يوفقك للي فيه الخير ليك ان شاء الله و نباركلك على الزيرو يا باشا... :verygood:

اتكل على الله وهاتلك تيدااا بلا النتر بلا غبور بلا كورى

خليك فى المضمون