مشكلة محيراني طالب استشارتكم

**AhMeD EzZ** · 06-04-2009 02:13 AM

الي خلاني اكتب الموضوع دة هنا ان احنا هنا كلنا اخوات في بعض و مش بنتاخر عن مساعدة اي حد
انا مشكلتي ان ليا صديق ليا دة صديق عمري الانتيم بتاعي في علاقة حب مع واحدة و هي الي صرحته بحبها و خدو بالكو من النقطة دي لان ليها نتايج كتير بعد كدة
هو مستمر في العلاقة مع البنت دي بقالو بتاع سنتين بس للاسف هو واخد البنت تسلىة يعني مش بيحبها حب بجد و واهمها انة بيحبها و المشكلة بقي اني وقعت في حب البنت دي بجد و مش قادر ابعد عنها بعد ما كنا مجرد اصدقاء بقيت بتلكك عشان اشوفها في اقرب فرصة و هيا صعبانة عليا من الي بيعملة فيها و الوهم الي هيا عايشة فيه و مش قادر اخد اي خطوة او اصارحها باي حاجة سواء حبي ليها او حقيقة صاحبي معها عشان ميتقلش عليا بوقع بينهم و في نفس الوقت عشان مخصرش صاحبي انا مش عارف اعمل ايه الموضوع مسيطر عليا و باعدني عن دراستي و طول الوقت بفكر فيه ... يا ريت تنصحوني اعمل ايه

**ابو سيف** · 06-04-2009 03:54 AM

انصح صاحبك انه يسيب البنت بأي شكل و انه حرام عليه اللى بيعمله فيها دا (( دة باعتبار انه انت متأكد انه بيتسلى و هوا مأكدلك دة مش كلام بتضحك بيه على نفسك )) و طبعا تعالى على نفسك و ابعد تماما عن البنت دي
و مفيش اسهل من النسيان مع مرور الزمن
و دة لسببين مهمين جدا
اولا اكيد طبعا هيه عارفاك
و عرفه انك صاحب((حبيبها)) الانتيم ... فطبعا صعب تحبك او بمعنى اصح عمرها ماادت لنفسها فرصه التفكير فيك بالطريقه دي !!
الحاجة التانيه و الاكيدة انه هتخسر صاحبك

و بكدة يبقا و لا طولت البنت و خسرت صاحبك

**AhMeD EzZ** · 06-04-2009 04:16 AM

انا فعلا متاكد انة بيلعب بيها و كمان حاجة لسة عارفها منة من شوية البنت دي ليها صاحبتها البيه راح يقول لصاحبتها الانتيم انة بيحبها
يعني مالقاش الا اقرب واحدة ليها و يحبها

**نور القمر** · 06-04-2009 01:33 PM

بجد حرام اللعب بمشاعر الناس بالطريقه والاستهتار
هو صاحبك ده مش عارف ان داين تدان

انا مقدرك مشاعرك وصدقها تجاه البنت دي
انت واجبك تنصحك صاحبك بالحسنى وتفهمه ان اللي بيعمله في البنت هايجي يوم ويحب بجد وهايتعمل فيه نفس الموقف
وانت حاول تنساها وتبعد عنها

**sasatony** · 06-04-2009 01:48 PM

اولا انا متفق مع الناس انك تنصح صاحبك انه يبعد عن البنت دي
بس مش تبعد عنها قرب منها يامان واقف جمبها لانها هتبقي محتاجة حد يقف معاها في التفرة دي وانت في الفترة دي حاول تبينلها حبك(بس انت هتتعب اووي لحج ماهي تنسي صاحبك )ومن الاخر لازم تصارح صاحبك بالموضوع ده ولو هو صاحب عمرك زي مابتقول مش هيزعل وهياخد الحكاية عادي جدا(عن تجربة قديمة)

**AhMeD EzZ** · 06-04-2009 04:23 PM

المشاركة الأصلية كتبت بواسطة sasatony

اولا انا متفق مع الناس انك تنصح صاحبك انه يبعد عن البنت دي
بس مش تبعد عنها قرب منها يامان واقف جمبها لانها هتبقي محتاجة حد يقف معاها في التفرة دي وانت في الفترة دي حاول تبينلها حبك(بس انت هتتعب اووي لحج ماهي تنسي صاحبك )ومن الاخر لازم تصارح صاحبك بالموضوع ده ولو هو صاحب عمرك زي مابتقول مش هيزعل وهياخد الحكاية عادي جدا(عن تجربة قديمة)

هو دة الي فكرت فيه
حسيت انها هتبقي محتاجة حد يبقي جنبها في الفترة دي

**ابو سيف** · 06-04-2009 04:35 PM

المشاركة الأصلية كتبت بواسطة Ezzat-fayek

هو دة الي فكرت فيه
حسيت انها هتبقي محتاجة حد يبقي جنبها في الفترة دي

انت كدة هتصعب على نفسك مهمة النسيان !!!

و كمان مش بعيد تتهمك ان انت اللى خليته يسيبها

**M.Mokhtar** · 06-04-2009 04:52 PM

اولا لازم تقول لصاحبك حقيقه مشاعرك
وقوله مادام انت بتتسلى بيها انا بحبها بجد
ولو انت صحبى بجد لازم تبعد عنها

تمام كده؟
لا مش تمام

انت كمان لازم تبعد عنها
عشان انت لو ارتبط بيها يبقى لازم تبعد عن صاحبك

والموضوع مش هيبقى مضمون
هى ممكن ترتبط بيك لمجرد انها تنسى اللى حصل
او لمجرد انك صاحب واحد بتحبه
وفى الاخر انت اللى هتتعذب وهتعذبها معاك

الاحسن فى الموضوع بعد ما تبعد صاحبك عنها
ابعد عنها انت كمان