الموضوع: اللى بيعمل صيانة لانوس فى التوكيبل يساعدنى :)

المشاركة الأصلية كتبت بواسطة abouzaid555

ربنا معاك ياباشا و يوفقك كل ده و هى موديل 2008 الله يكون فى عون عربيتى 99 تشكر لحد كدة

دية تلاكيك بزيادة قوى متقلقش :) :)

المشاركة الأصلية كتبت بواسطة bishoy02010

العربية 2008 لسة فى الضمان مكملتش 15000 هتوصل 15000 كمان يومين على ماروح اعمل صيانة :)
العربية أصلا مش من القاهرة دية بتاعت ناس قراينى :) فقولت فرصة هيا هنا اظبطها على الأخر ومخليش فيها الهوا لآن فرع الصيانة اللى بتتعمل فيه مبقلش غير كلمة واحدة كدا تمام وده الطبيعى وزى الفل هههههههه وانتة عارفين العربية لسة جديدة وصاحبها مش متعود على النظام بتاعهم :) الحاجات اللى فى العربية واللى بتلكك عليها الصراحة يعنى وغيظانى قوى زى الحاجات ديه :)
( 1. رعشة خفيفة على السلانسية :) تزيد مع التكيف و تزيد لو مثلا فتحت النور وانتة واقف اول متفتحة بتحس ان فيه حاجة غلط
2. رعشة خفيفة على سرعة 100 لما ادوس فرامل ( الطنابير يعنى ) طبعا على 100 بيكون كلام فاضى بس بالنسبالى لما ببقى 170 ولا 160 بيبقى فيلم رعب ) طبعا توكيل فرعهم الى هناك مين هيطلع يجرب على 160 محدش واللى عليهم كالعادة لا ياباشا ده كده تمام متقلقش
3. صوت لما بتدوس فرامل وانتة واقف فى منزل مثلا واول متسيب رجلك تلاقى حاجة تكت
4. الشكمان فيه صوت مش طبيعى ناحية العلبة اللى ورا تسمعة لو نزلت من العربية وفى مكان هادى
5. الإزاز اللى جنب السواق بيدب فى الطالع والنازل
6. صوت فى الدبرياج لما تدوس وتسيب صوت تكة كدة زى متكون البلية بايظة :)
7. تعويمة فوق ال 100 ( ظبط زوايا يعنى + تربيط عفشة
8. أكتر حاجة مكرهانى بقى فى عشتى الأر بى ام :) عليه عفريت فى العربية ديه الطبيعى جدا انك لما تزد مثلا ل 2 و نص ار بى ام وتيجى تنقل الار بى ام ينزل ل 0.8 اول حاجة هوة بينزل ببطء زيادة غير كدة عادتا بيعلق على 1.3 او 1.2 او 1.1 فبالتالى بيبقى فى نتشة فى اول الغيار اللى بعدة ولو حارق ومورت تحس انك بتفضل على عدد اللفات اللى عليه مثلا 4 او 5 لمدة ثانيتين اول متشيل رجلك ويبتدى ينزل وبيكون ببظء وده اللى فاكرة دلوقتى لو افتكرن حاجة تانى هقللكم فكنت عايز اعرف مين اكبر مدير للصيانى عشان لو روحتلهم هناك وقالى ده طبيعى ياباشا :) هعرفة يعنى إيه طبيعى انا بقى :) والف شكر مقدما :) )

يا جماعة روحت التوكيل من كام يوم
وصلت الساعة 8 و نص الصبح دخلت كان رقمة 19 مش عارف 19 عربية جم امتة بس ما علينا الظاهر الناس كانت بايتة هناك هههههههه
قلتلهم على العيوب ديه قالى هتاخد يومين ومش هينفع تخلص النهاردة المهم قلتلة ان العربية هتسافر واعمل اللى تقدر عليه
1. معملش فيها حاجة خالص
2. بيقول غير الطنابير بس فيه رعشة س قليلة كتير عن الأول
3. متهيقلى راح لما ربط العفشة مجرتوش عشان مفيش منزل هههههه
4. معملش فيه حاجة
5. معملش فيه حاجة طلعة بصوت زيادة وبيقولى عشان مركب وحدة رفع وحركات غريبة ومش مقتنع بكلامة نهائى
7. قلك ده طبيعى عشان ترس الفيلام وحركات حافظها مش فاهمها اصلا هوة وبردة مش مقتنع او مش فارق معايا الصوت ده
7. عملتها واتظبطت
8. معملش فيه حاجة غير ان العربية بقت بتسقف مع بنزين 80 و الموضوع اتعك بس قدام كدة العربية بقت طلقة ماشية
9. اليد رجلشها وبقت تمام و الدبرياج شال منة البوش بس بعد موصلت البيت كان رجع زى مكان ومعملش فيه حاجة
المهم انا قلت اتسحب واروح اشوف العربية وسألت فنى العربية خلصت فقالى انهى فشاورتلوا عليها قالى العربية اللى فيها علبة دركسيون وقع بلسانة وبعدين قالى هتأكد ومجاش طبعا انا قلت اكيد غلطان لانى مشتكتش من العلبة لان الزوايا والتعويم مكنوش مخلينى أحس بالعلبة ولا الهوا المهم استلمت العربية الساعة 4 ونص وهما بيقفلوا :)

المهم والمفجأة بعد موصلت البيت بشوف العربية بعد مكانت مظبوطة زوايا الاقيها فجأة بتحدف يمين ساعات قوى او شمال على حسب
مع انى متأكد الزاوايا مظبوطة لنها ساعات بتفضل ماشية مسافة كبيرة من غير ولا سنة شمال ولا سنة يمين وبعدين نزلت لقيت فيها العلبة فيها سنة بوش والعلبة بايظة وعايزة تتغير وطلع الراجل والمهندس اللى جوة كانوا عارفين ونفضوا ومعملوهاش :(:(:( طبعا العربية سافرت النهاردة وهيا زى مقلتلكوا مش من هنا وبتاعت ناس قرايبى بس إن شاء الله فى الصيانة اللى جاية هكلم الحاجات اللى لسة متعملتش :)

تعليقاتى على التوكيل :- توكييييييييييييييييييل قذر بمعنى كلمة قذر ولو متعرفش حد جوة يبقى عوضك على الله :)والمفروض يقلبوه ورشة ميكانيكى أحلى :) والمرة اللى جاية لما العربية ترجع هنا لو مظبطوش كل حاجة انا فاضيلهم وحماية المستهلك موجودة :@

على فكرة ياجماعة انا اتكلمت مع ناس كتير من اللى كانوا بيعملوا صيانة هنااك وقالوا ان ده انضف واحد فيهم كلهم قالوا الباقين ضايعين كلهم فتخيلوا لما ده انضف واحد امال الباقى عامل إزاااااى مفيش مسئول من الناس ديه معانا فى المنتدى هنا مالانسر فيها ناس مهندسين بيتبعوا الناس ومشاكلها هنا والهيونداى ده حتى ال FRV الدايو مفيهاش ياجماعة ولا إيه ؟؟؟

المشاركة الأصلية كتبت بواسطة swimmer25

شكرا يا باشا علي افادتك
ده انت شكلك شفت يوم عصيب في التوكيل

قلقتني منه امال بتاع العباسية يبقي عامل ازاي

سترك يا رب

ياباشا لا شكر على واجب المهم كلنا نستفيد متروحش لبتاع العباسية على كلام الناس اللى جربوة قالوا ان ده احسن :)
اه على فكرة حاول متخرجش برة الإستراحة من جوة عشان متشوفش الفنين وهما بيجربوا العربية بيسوقوها إزاى :) بيلعبوا موست وانتد بيها بجد إيه العك ده يلا ما علينا اه الواحد عمرة مهيفكر يشترى عربية دايو بالطريقة ديه