الموضوع: اللى بيعمل صيانة لانوس فى التوكيبل يساعدنى :)

طيب العربيه جديده .....ولا موديل كام .....وبياناتها (علشان نعرف موقفك من الضمان .......دا لو كان عندهم ضمان .......لأنهم أهم شىء يخدوا اللى فى جيب الواحد .........وياريت برضه توضح أيه الصيانه اللى عاوز تعملها

العربية 2008 لسة فى الضمان مكملتش 15000 هتوصل 15000 كمان يومين على ماروح اعمل صيانة :)
العربية أصلا مش من القاهرة دية بتاعت ناس قراينى :) فقولت فرصة هيا هنا اظبطها على الأخر ومخليش فيها الهوا لآن فرع الصيانة اللى بتتعمل فيه مبقلش غير كلمة واحدة كدا تمام وده الطبيعى وزى الفل هههههههه وانتة عارفين العربية لسة جديدة وصاحبها مش متعود على النظام بتاعهم :) الحاجات اللى فى العربية واللى بتلكك عليها الصراحة يعنى وغيظانى قوى زى الحاجات ديه :)
( 1. رعشة خفيفة على السلانسية :) تزيد مع التكيف و تزيد لو مثلا فتحت النور وانتة واقف اول متفتحة بتحس ان فيه حاجة غلط
2. رعشة خفيفة على سرعة 100 لما ادوس فرامل ( الطنابير يعنى ) طبعا على 100 بيكون كلام فاضى بس بالنسبالى لما ببقى 170 ولا 160 بيبقى فيلم رعب ) طبعا توكيل فرعهم الى هناك مين هيطلع يجرب على 160 محدش واللى عليهم كالعادة لا ياباشا ده كده تمام متقلقش
3. صوت لما بتدوس فرامل وانتة واقف فى منزل مثلا واول متسيب رجلك تلاقى حاجة تكت
4. الشكمان فيه صوت مش طبيعى ناحية العلبة اللى ورا تسمعة لو نزلت من العربية وفى مكان هادى
5. الإزاز اللى جنب السواق بيدب فى الطالع والنازل
6. صوت فى الدبرياج لما تدوس وتسيب صوت تكة كدة زى متكون البلية بايظة :)
7. تعويمة فوق ال 100 ( ظبط زوايا يعنى + تربيط عفشة
8. أكتر حاجة مكرهانى بقى فى عشتى الأر بى ام :) عليه عفريت فى العربية ديه الطبيعى جدا انك لما تزد مثلا ل 2 و نص ار بى ام وتيجى تنقل الار بى ام ينزل ل 0.8 اول حاجة هوة بينزل ببطء زيادة غير كدة عادتا بيعلق على 1.3 او 1.2 او 1.1 فبالتالى بيبقى فى نتشة فى اول الغيار اللى بعدة ولو حارق ومورت تحس انك بتفضل على عدد اللفات اللى عليه مثلا 4 او 5 لمدة ثانيتين اول متشيل رجلك ويبتدى ينزل وبيكون ببظء وده اللى فاكرة دلوقتى لو افتكرن حاجة تانى هقللكم فكنت عايز اعرف مين اكبر مدير للصيانى عشان لو روحتلهم هناك وقالى ده طبيعى ياباشا :) هعرفة يعنى إيه طبيعى انا بقى :) والف شكر مقدما :) )

السلام عليكم و رحمة الله و بركاتة ,

بالنسبو لأبو الفتوح عندة مركزين للصيانة واحد فى أبو رواش و التانى فى العباسية

بالنسبة لأبو غالى عندة مركز فى جسر السويس و مركز فى المعادى

و فى الاتنين يفضل الحجز بالتليفون قبل الذهاب علشان تدخل بسرعة

بالتوفيق ان شاء الله

المشاركة الأصلية كتبت بواسطة swimmer25

في ابو الفتوح مفيش حجز بالتليفون ولا في فرع ابورواش ولا العباسية

هما المفروض بيبداوا شغل الساعة 8 صباحا والدخول باسبقية الوصول

للاسف معرفش حد هناك وبردو نفسي اعرف لان عربيتي عندها اعراض مشابهة لعربيتك

في ابوغالي فيه حجز وبيحددلك ميعاد ممكن يكون بعد اما تكلمهم بفترة بس بردو ممكن تروح من غير حجز
انا رحت ابوغالي بس مستريحتش وده راي الشخصي جدااااااا
ربنا يوفقك واذا رحت التوكيل ابقي احكيلنا ايه اللي حصل

معلش هوة انا من حقى يعنى انى اروح اعمل فى ابو الفتوح او ابو غالى ولا على حسب الضمان مكتوب فى إيه !!! وياريت ارقامهم والف شكر وطبعا هحكيلكوا على اللى حصل بعد مروح على فكرة نقدر نزود على الليستة اللى فوق ( عضة فى المارشدير والرابع احيانا مع وجود حوالى 2 سم فى اول الدبرياج فاضين + اليد بتمسك بعد حوالى 12 تكة عايزة تترجلش ههههه انا فاضيلهم هتطلعلهم القطط الفاطسة فى العربية :) )