الموضوع: استفسار عن الرينو اخوكم مزنوق يا جماعة

بص يا باشا 200 الف كيلو من 2004 كتير جدا. بس الجميل إن عداد العربية مش ملعوب فيه. ادخل على منتدى رينو هاتلاقي كل إللي عايزة، وفي وحش اسمه عمرو عمارة راجل خبير في الكليو ومخلص في نصائحة زي كل الوحوش. وعموما انا عملت إحالة لموضوعك في منتدى رينو الفرعي

المشاركة الأصلية كتبت بواسطة mikao

حد ممكن يفيدنى فى عربية رينو كليو 2004 عاملة 200 الف كم مانيول جميع الكماليات ب 42 الف جنيه متهيأ لى سعرها حلو بس الكل بيخوفنى من الرينو ان صيانتها غالية شوية يا ريت حد يفيدنى وجزاكم الله خيرا اصلى جديد فى موضوع العربيات دى

42 ألف على كليو ماشية 200,000 كم مش لقطة خالص....إيه إلي يخليك تدفع المبلغ ده في كليو عاملة 200 ألف؟؟؟؟!!!!

45 ألف ممكن يجبولك كليو Full Option وعاملة كمان كيلومتر قليل ومش شرط تجيب 2004 .....ممكن 2003 عادي على حسب الحالة وممكن تلاقي 2005 برضه حالتها كويسة وسعرها 45ألف.......أصل سوق الكليو في الطالع والنازل.....ممكن تلاقي واحد عارض عربية فابريكة بـ45 ألف فقط وممكن تلاقي واحد عارض حالة جيدة بـ38 ألف وعايزلها بتاع 3-4 الاف جنيه توضيب

لو العربية عاجباك ودخلة دمغاك أصبر ودور شوية وهاتلاقي حالات نضيفة إن شاء الله

قطع الغيار مش غالية أوي زي الألماني ولا رخيصة أوي زي الكوري

أكثر من الإستخارة وفقق الله