الموضوع: تقييم ومقارنة بين البيرسونا Vs الواجا 2009

المشاركة الأصلية كتبت بواسطة saidbakr

ليه

لأن أسعار العربيات لازم تنزل، و لازم نحاول جميعا قدر المستطاع الضغط على الوكلاء لإيقاف الاستنزاف الممارس من قبلهم تجاهنا.[/QUOTE]

للأسف ده اعتقاد كل الناس و أنا مش بصادر على رأى حد حتى كنت قريب ببيع عربيتى القديمة فروحت لظابط صديق لوالدى فى المرور قاله خليه يستنى لشهر 6 لأن أكيد العربيات هتنزل أنا كان بيجيلى مش أقل من 120 إفراج جمركى فى الشهر دلوقتى ما بيجليش 3 إفراجات على بعض.
قد يكون كلام منطقى و معقول بس تحديد شهر 6 ده بناءا على إيه
و بعدين لو متابعين حركة أسعار العربيات التانية زى الأوبترا مثلا أو الياريس الأولى زادت 6000 و بعدين دلوقتى نزلت 5000 فتبقى المحصلة إنها زادت 1000 و أمام الناس نزلت 5000 أما الياريس فزادت 10000 و كذلك زيادات ملحوظة فى مختلف أنواع الانسر و اللى نزل بجد بس حاجات بعيدة أوى زى الأوبل فيكترا نزلت من 175000 وصلت 155000 و كمان الBMW نزلت 350000 وصلت 3000000 و الجاجوار X-type من 650000 إلى 520000 دول اللى نزلوا بجد.
و أخيرا بالنسبة للبروتون أنا سمعت إن رخصها بالنسبة لإمكانياتها ده مش ضربة حظ و إن الحكومة الماليزية مدعمة العربية للحكومة المصرية بس لأنى سمعت الكلام من رجل مبيعات فى عز العرب ما خدتش فى بالى و اعتقدت إنه مجرد كلام بيع بس لما عرفت سعر العربية فى السعودية مثلا و مقارنة بسعرها فى مصر و مقارنة برضه بفرق الأسعار فى ماركات مختلفة + سعرها فى ماليزيا تقريبا بعد الأخد بفرق العملة تساوى حوالى 70000 خدت بالك من الفرق ضئيل أد إيه و اللى اشترى العربية هناك زميلة سابقة لى والدها حاليا دبلوماسى فى ماليزيا و أكدها صحة أخبار دعم الحكومة الماليزية للحكومة المصرية فى تمن السيارة فلو صح الكلام ده يبقى البروتون مش هتنزل حتى لو كل العربيات نزلت و بعدين أنا نتأكد إن حتى فى حالة نزول أسعار العربيات مش هتنزل جامد مش اللى هيخلى الواحد يندم إنه اشترى بدرى شوية

المشاركة الأصلية كتبت بواسطة rafysamy

استاذ /MohabSaeed
بالنسبة للبروتون انا مقتنع بيها جداً جداً من زمان ومتابع اخبارها واخبار الموديلات كلها بس مكنش في امكانية ولا استعجال للشراء..!!
بس دلوقتي الوقت جية ولازم اشتري عربية وبما اني مش مقتنع اني اشتري عربية مستعملة لأني بعتر اني حشتري " مشاكل الاخريين " ودي حاجة ملهاش لازمة
يبقى لازم اجيب جديد وبعد دراسة السوق كويس ومتابعة مختلف الموديلات لاقيت ان البروتون هي اعلى قيمة في مختلف الماركات بمعنى انك بتدفع فلوش بتاخد قصدها امكانيات.
وبما اننا متفقين ان كل التوكيلات فيهم مشاكل بدون استثناء. (كلهم زفت ).. يبقى التوكيل وخدمة ما بعد البيع خارج المقارنة.
ولعلم خضرتك انا كنت بفكر في الاوبترا بس صرفت نظر عنها علشان مفهاش كل الكمليات اللي بدور عليها.

على العموم ربنا يقدم ما فيه الخير..
ولكم جميعا جزيل الشكر على مشاركتكم واهتمامكم بالموضوع.

كلام حضرتك مظبوط .
ربنا يوفقك لما فيه الخير ان شاء الله .

برده حاول تحط بدائل لاى سبب , يعنى مثلا بص على السيراتو الجديده , هى اغلى فى السعر طبعا بس شكلها عربيه محترمه و موتورها ممتاز .
و سيبك من الاوبترا " مبالغ فى تمنها جدا " .

جبت ايه في الآخر :)