ميجان 2006 أو 2007 ؟

**ahmed_salah** · 13-09-2007 03:03 PM

ميجان 2006 أو 2007؟
السلام عليكم
أريد شراء ميجان زيرو و لم أجد 2007 ولا 2008...مفيش غير 2006. فهل ال 2006 أفضل أم ال 2007؟
وشكرا

**Sharky** · 14-09-2007 02:26 AM

أنا رأى الشخصى تجيب 2006 لإن مافيش تغيير عن 2007 و تستفيد بفرق السعر لإنه رينو كانت عامل Sale رعلى موديلات 2006

**د.محمود صلاح** · 14-09-2007 02:27 AM

2006 فيه منه شكل قديم وجديد تعرفه من نور التابلوه القديم لون النور برتقالى والجديد لون التابلوه ابيض والشكل القديم ارخص بكتير من الشكل الجديد ومفيش فرق جوهرى بين الشكلين فقط لون نور العدادات فى التابلوه وشكل الشبكة الامامية اما 2007 فمثل شكل 2006 الجديد ولاحظ وجود 8 مستويات من التجهيزات فى السيارة اختار ما يناسبك وما يناسب ميزانية الشراء والله الموفق

**Sharky** · 15-09-2007 11:35 PM

يا فندم العربية لا يوجد بها مشاكل كما يقال أنا معايا موديل 2005 من 4/2005 و لحد دلوقتى العربية ما حصلش فيها الحمد لله مشكلة واحد و دا مش أنا لوحدى دا كل الناس اللى أعرفهم كده و كل اللى معاهم فى ميجان فى المنتدى بيأيدوا كلامى
كل ما يقال عن هذه العربية مجرد إشاعات و لو حضرتك عايز تتأكد ممكن تسأل الناس فقط اللى معاهم العربية مش واحد سمع من حد .

يا ريت اللى قالك فيها مشاكل يقولك إيه هى دى المشاكل أصلا

كل اللى ظهر فى العربية بعض العربيات بيكون فيه نتشه فى الفتيس الأتوماتيك و يتم حلها فى التوكيل عن طريق تنزيل السوفت وير الجديد ببلاش فى التوكيل و على فكره ضمان الفتيس 100.000 كم و فيه بعض الععربيات القليلة غيروا علبة دريكسون على حساب الضمان غير كده صدقنى لا توجد مشاكل فى العربية