ارجو الافادة من كل عشاق التريوس

انا يا جماعة معروض عليا عربية تريوس 98 حالتها ممتازة بس انا معرفش حاجة خالص عن التريوس ولا الديهاتسوا بصفة عامة ومش عارف اشتري ولا بلاش فا اذا كان حد ممكن يفدني بجد وبامانة عن العربية دي من حيث قطع الغيار والصيانة وعن العربية عموما من حيث الاستخدام مع جزيل الشكر للجميع

السلام عليكم ورحمة الله و بركاته
اخي العزيز بخصوص ماركة دايهاتسو بشكل عام فهي من الماركات اليابانيه العريقه في مجال السيارات الصغيره و تسمي هناك سيارة الشعب الاولي و طبعا هي منذ فتره ليست بالقليله تتبع شركة تويوتا و جزء اصيل و مهم منها يعني ماركه كويسه في نطاق تخصصها و هو السيارات الصغيره و المدمجه.

اما بالنسبه للسياره التيريوس اللي حضرتك بتقول عليها و اللي هنسميها تيريوس الشكل القديم فهي مختلفه كليا عن التيريوس الان من حيث الشكل و المضمون و بفارق كبير جدا و قد سمعت كثير من الناس يتحدثون عن التيريوس القديمه و سأقول لك رايي فيها بشكل عام من خلال مجموعة نقاط و طبعا انا كونت الراي ده من خلال شكلها الخارجي و من خلال ركوبها مع بعض الاصدقاء و من خلال اراء ناس كتير:
1- السياره موتورها 1300 سي سي و طبعا ده مناسب لحجمها الصغير جدا.
2- شكلها الخارجي معقول و قابل لاضافة بعض الكماليات التي تحسنه ولكن بحساب حتي لا تتحول لميكروباص.
3- اكثر العيوب شيوعا و التي يتحدث عنها الناس هي انها سياره قلابه يعني سهلة الانقلاب و للاسف حدثت بسببها حوادث كثيره و لكن هذا بسبب عدم اتباع الناس لارشادات السياره و السرعه المقرره لها في المنحنيات.
4- بشكل عام العديد ممن امتلكو السياره توقعو منها اكثر مما تستطيع بكثير علي اساس انها دفع رباعي و عاليه عن الارض و لكن ذلك خطئ كبير و يجب معرفة القدرات الحقيقه لها و مقارنتها بسعرها المنخفض ايضا.
5- السياره تندرج تحت سيارات الدفع الرباعي المدمجه الصغيره للمهمات البسيطه و ارجو ان تفهم ذلك جيدا.
وفي النهايه قرارك يجب ان يتوقف علي عدة عوامل و هي المبلغ المتاح معك و سعر السياره و متطلباتك في السياره يعني عايز تشتريها عشان تستخدمها في ايه.

اتمني ان اكون افدتك بقدر المستطاع و في النهايه التوفيق و النصيب و القدر من عند الله.

اولا انا شاكر ليك جدا اهتمامك وردك الجميل
والله انا مش بفكر في نوع معين انا كان معايا تويوتا 93 بعتها من شوية علشان تعبتني شوية وبعد مابعتها بدور علي حاجة مناسبة في حدود 40000 الف وتكون كاملة تكييف وباور فابلصدفة واحد جاري قالي ان فية واحد بييبيع تريوس وهيا كويسة فادا الا خلاني اسئل عليها علشان بجد انا مركبتهاش حتي قبل كدا فنا مش بفكر في سيارة دفع رباعي انا بس فكرت فيها علشان ممكن تكون عربية قوية ممكن تتحمل شوارعنا ومطبتها وكمان هيا حالتها كويسة ومش محتاجة مصاريف بس علي فكرة هوا صاحبها بيقول انها 1600 دا من غير مشوف رخصتها

السلام عليكم
مفيش يا باشا حاجه اسمها تيريوس قديم 1600 كلها 1300 لان اصلا الجديده بعد التطوير و التعديل و زيادة القوه بقت 1500 و ياريت لو حد عنده معلومه جيده بخصوص الموضوع يفيدنا بيها.
او صاحبها عامل فيها تعديل مع انها صعبه شويه و مش عارف ممكن تتم ازاي.
عموما ربنا يوفق لما فيه الخير.

نصيحه اخيره لو صاحبها طلع بيكذب في موضوع ال 1600 ده يبقي حرص كويس في كل حاجه و افحصها في اكتر من مكان لان اللي يكذب في حاجه ممكن يكذب في اي حاجه.
(ان الرجل ليكذب حتي يكتب عند الله كذابا)صدق رسول الله صلي الله عليه و سلم.

--------------------------------------------------------------------------------

Daihatsu Terios
The Daihatsu Terios is a mini SUV, first released in 1997 by the Japanese car manufacturer Daihatsu. The engine was a modified Daihatsu Charade 1.3 litre engine or 660cc kei car engine, with constant four wheel drive or two wheel drive. It comes in 5-speed manual transmission or 4-speed automatic transmission. The width of the first generation Terios is lesser than 1500mm to fulfill the kei car regulation. The kei car's Terios is shorter without rear pillar-window to fulfil the kei car's length regulation. The second generation of Terios is co-developed by Daihatsu and Toyota.

First generation
Overview
The first generation of its history was available as 4-door wagon, and the smaller model( Kei car ) called Terios Kid, which was only released in Japan.

In 2000, Daihatsu gave the Terios a mild facelift both in the exterior and interior of the vehicle. A new chrome grille replaced the plastic black grille. The high-grade model had an addition of electric front windows, central locking, rear seat head restraints, alloy wheels, roof rails and a roof-mounted rear spoiler. Mechanically, the 1.3 litre SOHC four cylinder engine fitted to the previous model had been replaced by the new 1.3 litre DOHC four cylinder engine. Power was also increased by 3kW (4hp). A sport version of K3-VET engine were produced on Japan in several period.

ده جزء من موضوع بيتكلم عن التيريوس القديم و مواصفاته

السلام عليكم
انا شاكر ليك اهتمامك علي فكرة معلومات مفيدة يا باشا انا اتفرجت عليها امبارح وهيا الحالة العامة ليها كويسة يمكن الصالون هوا الا متبهدل بس اساسيات كويسة وعلي فكرة الموتور طلع 1600 انا مش عارف ازاي وانا سالت صاحبها وشوفت رخصتها بس انا خلاص صرفت نظر عنها علشان انا شاكك انوا ممكن يكون مغير الموتور ولا حاجة كمان دورت في اعلانات التريوس القديم مالقتش 1600 خالص وكمان ضيقة في القعدة بتاعتها يعني هيا شبابية اكتر منها سيارة عائلية فانا ان شاء الله هشوف حاجة تانية واذا كان عندك معلومة عن فيرنا 2005 اوتوماتك ياريت تفدني بيها وربنا يوفق الجميع للخير

ممكن الأخ يكون مغير الموتور بتاعها ومركب عليها موتور دايهاتسو أبلوز أو دايهاتسو فيروزا والموترين يركبوا على التريوس بدون مشاكل