حد يعرف عنوان ووصفة دكتور جريش ألى فى العاشر من رمضان
علشان كنت عايز أغير البربريز بتاع البيكانتو وهل فى أنواع ولا هو نوع واحد ؟؟
حد يعرف عنوان ووصفة دكتور جريش ألى فى العاشر من رمضان
علشان كنت عايز أغير البربريز بتاع البيكانتو وهل فى أنواع ولا هو نوع واحد ؟؟
لو رحت العاشر وسألت سواق تاكسي هايدلك على طول
أخونا كريم منير يقدر يفيدك لأنه غير هناك زجاج عربيته قبل كده
حضرتك تاخد طريق الاسماعيليه
و بعد المستشفي الدولي ب 20 كم حتلاقي العاشر من رمضان
بعد الكوبري الاول اللي تحتيه كنتاكي ادخل يمين من جنب الكوبري التاني
حتلاقي العلامه بتاعت مصنع د جريش
انا اتصلت بيهم و قالوا لي ان بربريز البيكانتو 2008 ب 300 جنيه
دي ارقامهم
Tel: (20)(15) 410003-4-5
ده اللينك
http://www.drgreiche.com/
ألف شكر يا هانى باشا
حضرتك ها تمسك طريق القاهرة الاسماعيلية(امتداد جسر السويس) عل طول ها تعدي علي سوق العبور و الهايكستب و بعدين اكوا بارك و بعدين مدخل مدينة الشروق و بعدين المركز الطبي العالمي و أول ما تلاقي كوبري يبقي انتا وصلت العاشر بالسلامة.
ها تطلع الكوبري ده (الكوبري الاولاني) ها تلاقي سيراميكا كليوباترا علي يمينك و بعدين تكمل تاني علي طول لحد (الكوبري التاني)ده بقا ما تطلعوش تنزل من جنبه هاتلاقي مطب و صينية و ممكن تشوف يافطة د جريش علي يمينك قدام و بعد ما تعدي المطب تدخل يمين علي طول ( ملكش دعوة بالصينية) مسافي 100 متر ها تلاقي صينية تانية صغيرة تلف معاها شمال هاتبقا قدام د جريش بس بصراحة مش عارف باب المصنع من علي الشارع ولا من الضهر و اسف علي الاطالة
حضرتك بعد ما تعدى اول كوبرى تدخل من اول فتحه يمين
هتلاقى طريق موازى لطريق اسماعيليه بس رايح جى وهتلاقى اليافطه بتاعه جريش قدامك
بس مدخل الساحه اللى بيغيروا فيها الزجاج للعربيات من ورا .
بتدخل وتعمل امر شغل وتدفع المبلغ اللى بيحددوه حسب النوع والمقاسات وبيبقى جاهز عندهم معظم المقاسات والانواع وبتستنى دورك وتلاقى العمال جايبين الزجاج وداخليين عليك وبيغيرهولك بمنتهى الحرفيه ومش هايفرف عن الاول خالص وبمنتهى السرعه والاتقان !
انا غيرت زجاج امامى للانوس هناك ب 270 جنيه وطبعا بتراضى العمال على الرغم انهم معلقين يافطه بانه ممنوع البقشيش!
طبعا الزجاج ده هو اللى بيركبوه فى التوكيل وقالوللى انه تمنه 385 جنيه غير الضريبه و75 مصنعيه تغيير ولازم تشيل معاه كاوتش زجاج جديد لانهم مبيركبوش القديم!!!!
حسبى الله ونعم الوكيل!
هل لما ركبيت الكوتش القديم كان فى مشكلة ؟؟
فى التوكيل عندى
الزجاج كورى ب1250 ومش موجود بعد شهر
+200 جوان + 300 سليكون وتركيب
المجموع 1750