ليلة سقوط الأخلاق (اختيار الحضانة والمدرسة)
السلام عليكم ورحمة الله وبركاته
الموضوع اللى جاى وطالب مساعدتكم فيه بالفعل أصبح خطير فى ظل هذه الأيام .
اختيار الحضانة والمدرسة لطفلك ؟؟؟؟
أنا عندى بنت والحمد لله ربنا يبارك لى فيها ويحفظها من شياطين الانس والجن ،
اللهم احفظ ابناء وبنات المسلمين من كل شيطان رجيم .
بسمع و بقرأ كل يوم عن مصائب تحدث لأطفالنا حتى اصبحت اتمنى ان اترك هذا البلد واغادر الى دولة أخرى اكون فيها مطمئناً على أبنائى ،
ولكن هيهات ، اعلم ان هذا فرار من قضاء الله الى قضاء الله ، وأى دولة تانيه مش أمان أكيد زى ما أنا فاكر .. وكل دولة فيها من المصائب والشياطين ما فيها .
دلوقتى الواحد علشان يختار حضانى لابنته أو ابنه يعمل ايه ؟
وعندما يأتى موعد دخول المدرسة يعمل ايه ؟ يكون الاختيار على اى أساس ؟
ممكن تشاركونى وتقول لى ايه الحضانه اللى ممكن الواحد يطمئن فيها على أبناؤه ؟
انا من سكان القاهرة بالتحديد فى أغاخان . ومشكلتى انى أساسا من المنصورة ومستقر حاليا فى القاهرة من حوالى 3 سنوات فمعلوماتى مهما كانت ضئيله بالنسبه للأماكن التعليمية الموجودة فى القاهرة .
بجد حيران جدا جدا جدا جدا .
وخايف جدا جدا جدا
انا ان شاء الله مش ناوى اسيب أبنائى لغيرى يربيهم ، انا هحاول بإذن الله أعمل اللى عليه من الرقابة والترشيد ، وان شاء الله لازم يكون ليهم وقت كبييييييييييييييير أجلس معاهم واتكلم معاهم واعرف مشاكلهم واعلمهم واتعلم منهم .
بس بجد انا بقيت عامل زى حسن حسنى :stink[1]: فى فيلم ليلة سقوط بغداد مع الفارق ، انا خايف من بلدى من ناسها من أحوالها اللى اصبحت أغرب من الخيال .
فهل ممكن نتواصل ونتعاون من أجل مستقبل أفضل لأبنائنا ؟
اللى عنده معلومه عن مكان كويس وصالح يقول لباقى الاعضاء ، واللى رأى شيىء مش كويس فى مكان يقولنا عليه .
والسلام خير ختام
اللهم احفظ ابنائنا من شياطين الانس والجن