اشتريت كورسا سيدان و مش مطمن لحالة الموتور
طمنوني يا جماعة....
اشتريت عربية كورسا سيدان 2003 ماشية 67000 و دلوقت عاملة 76000 ....
امبارح كنت بغير زيت في البنزينة فلما الراجل فتح غطاء زيت المحرك لاحظت بخار خارج منها هو مش كثيف لكن موجود.... روحت البيت و سيبتها و ماجاليش نوم و صحيت الصبح و دورت العربية لحد ما المكنة هديت طفيتها و فتحت غطاء الزيت تاني لقيت نفس البخار ده و في بخار كمان من مقياس الزيت ... اللي اعرفه ان كدة بداية نهاية عمر المحرك... بصراحة اتقفلت اوي وحسيت اني انضحك علي...
بس العربية مش بتاكل زيت و انا مراقبه و سحبها ممتاز و لما حطيت منديل ورق على الشكمان المنديل مش عليه اي لون حتى ريحته كانت نظيفة... كأنة جديدة من علبته...
مش عارف والله يا جماعة الموضوع ده طبيعي ولا ايه ...انا مش عارف احكم على الحالة... طمنوني الله يطمنكم ...