الى ملاك البيتلز ارجوا الافادة

**Ahmed Mubarak** · 06-04-2009 04:53 PM

السلام عليكم ورحمة الله وبركاته
اخوانى الاعزاء ملاك البيتلز
بكرة ان شاء الله انا هخلص فى عربية بيتلز المانى 1300 /1300 سي سي موديل 1972 يا ترى ايه المفروض انى انا اعمله اول ما استلم العربية لان دى اول مرة انا باشترى فيها وخبرتى فى العربيات على قدها
انا معايا زميل غاوى بيتلز وبيفهم فيها كويس وهو الى فحصها بس احب اعرف لو فى حاجة تانية لازم اعملها اول ما استلم العربية (تغير زيت -..........)
ارجوا الافادة
وشكرا

**El.Hossieny** · 06-04-2009 05:09 PM

الف مبروك طبعا في الاول ..

و انا انصحك بالتالي

انك تغير زيت ( ينصح استخدام شل X100 ) نظرا للمناقشات الكتيرة في المنتدي ..كلنا اجمعنا ان الزيت ده يعتبر من افضل الزيوت للبيتل

تغير طقم سرفيس ( بوجيهات و ابلتين و كوندسر )

تشحم العفشة من تحت و تغسل العربية بالجاز في البنزينة

تكشف علي زيت الفتيس و لو ناقص زودو ب زيت 140 مش 90

ده اللي انا فكرو حاليا ... و ان شاء الله باقي عشاق البيتل ممكن يفيدوك

و ربنا يباركلك فيها ان شاء الله ... و متنساش تبقي ترفعلنا صور للعربية

**Ahmed Mubarak** · 06-04-2009 05:40 PM

الله يبارك فيك

وشكرا لسرعة الرد وننتظر المزيد من باقى الاخوة

انشاء الله هارفع الصورة قريبا
ادعوا لى بالتوفيق

**Karim_Monir** · 06-04-2009 05:57 PM

تظبط الهواء على 18 ورا و22 قدام
ده المقاس الاستندارد للبيتلز لو راكب فيها 150 -165 -65

واكشف على الرقبة الله يكرمك عشان في كفتجية يقولولك سليمة وتطلع ملحومة ومقطوعة 100 مرة قبل كدة
طبعا قبل ما تشتري

**ahit** · 07-04-2009 11:15 AM

السلام عليكم و رحمة الله و بركاته

كلام كل الأعضاء طبعاً سليم 100% و جزاهم الله خيراً
بس عاوز أصحح معلومة

تظبط الهواء على 18 ورا و22 قدام

العكس هو الصحيح يا كريم باشا

**ihab** · 07-04-2009 11:19 AM

المشاركة الأصلية كتبت بواسطة ahit

السلام عليكم و رحمة الله و بركاته

كلام كل الأعضاء طبعاً سليم 100% و جزاهم الله خيراً
بس عاوز أصحح معلومة

العكس هو الصحيح يا كريم باشا

صح كلامك يا احمد
+ ان مقاس كاوتش البيتلز الاستنادرد 15/165/80

**Ahmed Mubarak** · 07-04-2009 12:25 PM

بارك الله فيكم جميعا وجزاكم كل خير
:k32::k32::k32::k32::k32:

**Ahmed Mubarak** · 08-04-2009 04:41 PM

الحمد لله استلمت العربية ورحت الشهر العقارى فى الحى العاشر واخذت عقد مسجل
وفضلت انظف فى العربية اكتر من 3 ساعات من برة ومن جوة لان صاحبها كان ركنها حوالى شهر - شهرين وفى الاخر خليتها عروسه
وذى ماالاخوة الاعضاء تكرموا وقدموا النصائح تم تنفيذ الاتى
غيرت الزيت بزيت شل X100
تنظيف الموتور وغسله
غسل العفشه وتربيطها وتشحيمها
وباقى انم شاء الله تظبيط الانوار والكهرباءو حبة سمكرة ودوكو
وبعد كدة ان شاء الله هاروح عند الاسطى محمد على ومش عارف هل هو دا اللى تقصدوه ولا واحد تانى يا ريت لو حد يقدر يقولى على العنوان والتليفون ان امكن لان الموتور عالى شوية وعايز يتظبط وكمان الصوت الخارج منة ميش ذى العربيات التانية (صوت صفارة) معرفش دا شكمان ولا موتور اكيد هو هيقدر يظبطه وكمان حاسس ان العربية بتاكل بنزين جامد ان كنت واخد العربية مفولة من صاحبها عند الحى العاشر ورحت الحى السادس وبعد كدة عين شمس ودى حوالى 17 كم وبعد كدة رحت الشغل فى الحى السادس ودى حوالى 13 كم -الاجمالى 30 كم والمؤشر فى النص ماعرفش دا كدة كويس ولا لأ ولا هى كدة بتاكل بنزين .

شكرا لكم جميعا وجزاكم الله خيرا

**Karim_Monir** · 08-04-2009 05:19 PM

المشاركة الأصلية كتبت بواسطة ahit

السلام عليكم و رحمة الله و بركاته

كلام كل الأعضاء طبعاً سليم 100% و جزاهم الله خيراً
بس عاوز أصحح معلومة

العكس هو الصحيح يا كريم باشا

يااه
طب كويس انى لسه فاكر من 5 سنين
ده انا بعاني من زهايمر اساسا

-

الموضوع: الى ملاك البيتلز ارجوا الافادة

LinkBack

أدوات الموضوع

عرض

الى ملاك البيتلز ارجوا الافادة - انشر الموضوع فى :

-

-

-

-

-

-

-

المواضيع المتشابهه

عشاق و ملاك البيتلز بالمنتدى

ارجوا الافادة

ملاك واصدقاء البيتلز ارجو الدخول للاهميه

ارجوا الافادة

الى أخوانى وأحبائى فى الله ملاك البيتلز وبلأخص الأستاذ هاشم

الكلمات الدلالية لهذا الموضوع

المفضلات

المفضلات

ضوابط المشاركة