هل فى موبايلات بشريحتين غير الصينى

**Dr.SherifMansy** · 07-04-2009 02:49 AM

المشاركة الأصلية كتبت بواسطة abdalla45

ممكن تريح دماغك من دا كله وتجيب شريحه ذكيه

المشاركة الأصلية كتبت بواسطة Dr Ahmed

الشريحة الذكية تسمح بتشغيل خط واحد فقط وتسمح بالتحويل بينهما عن طريق برنامج ، يعنى الخطين مش استقبال وارسال طول الوقت + بتستهلك البطارية جدا ، لو أساسا البطارية بتقعد يومين بيها هتشحن كل يوم ، كانت عندى + أعطالها مش قليلة ولو جيت تشيل منها شريحة وتحط واحدة جديدة مش هتتقبل

دى لا ذكية ولا حاجة ، دى اكبر مقلب ن كانت كل شوية تفصل واحد من الخطين ، و قالوا لى لازم ابدل بينهم كل شوية ، و عملت كده لكن فضلت تفصل واحد كل شوية او احيانا تهنج الجهاز كله
و كان يوم فرح لما اتخلصت منها و اديت الخط التانى لبناتى (كان غرضى يبقى خط عام و بخاصة علشان المرضى و خط شخصى لى انا)
بس لسه ماحدش جاوب على السؤال المهم بالنسبة لل General ، هل بيقبل برامج سيمبيان او جافا ولا لأ ؟؟

**Ahmed Sharaf** · 08-04-2009 12:57 PM

المشاركة الأصلية كتبت بواسطة Dr Ahmed

أنا جبت مؤخرا d880
وكان عندى N73

الفروقات الجوهرية:
سامسونج لا يدعم 3g
الكاميرا أقل جودة رغم انها 3 ميجابكسل زى النوكيل 73 ولا يوجد معها فلاش
لا يمكن الوصول للميمورى كارد الا بعد رفع البطارية ولا يمكن فتح ملفاتها الا بعد فتح الجهاز (سلايد)
لا يوجد بصمة صوت
الجهاز لا يمكنه نطق اسم المتصل
البرامج والثيمات على النت أقل جدا (ممكن حضرتك تقولى انزل ثيمات إزاى انا معايا D880 )
الكوفرس وقطع الغيار اقل

المميزات:
أسرع وأصغر من النوكيا (جافا مش سيمبيان)
به برامج خدمية مدمجة مثل: مسجل للمكالمات بردة ممكن تقولى ازاى اسجل المكالمات )، منع ارقام من الاتصال بك ، فتح ملفات وورد وبى دى اف ، منبه متعدد كامل المواصفات
لعب ظريف جدا بالصور الملتقطة

دى 980 أغلى ب الف جنيه تقريبا والفرق فى الكاميرا (5 ميجا بفلاش ) + الشاشة توتش + قلم+ بصمة للصوت ، انما الذاكرة الداخلية 64 ميجابايت فقط وجافا برضه مش ويندوز موبايل

وجود شريحتين فى نفس التليفون عالم تانى وميزة فوق الوصف ويمكن استقبال مكالمات على الشريحتين فى نفس الوقت ( دى بالزات قوللى ازاى لانة لو معاك مكالمة غلى خط وحد اتصل على الخط التانى بيدية مشغول )، بل الادهى ممكن استقبال مكالمتين لكل شريحة يعنى تكلم 4 فى نفس الوقت!!!

الصينى إشعاعه مضر جدا فضلا عن نقص قيمته وعمره الافتراضى

ياريت لو تقولى الحاجات دى اشغلها ازاى لانى معايا الموبايل دة من سنة واول مرة اعرف الكلام دة.
شاكر جدأً

**Dr Ahmed** · 12-04-2009 10:05 AM

(ممكن حضرتك تقولى انزل ثيمات إزاى انا معايا D880 )

لحد دلوقت مش لاقى ليه أى ثيم لكن فيه برامج قليلة وألعاب

بردة ممكن تقولى ازاى اسجل المكالمات

أثناء المكالمة دوس زرار أوبشنز هتلاقى تحت خالص conv. record هو ده

( دى بالزات قوللى ازاى لانة لو معاك مكالمة غلى خط وحد اتصل على الخط التانى بيدية مشغول

مش بيدى مشغول عندى اللى بيتصل بيسمع جرس وحضرتك بتسمع تنبيه وممكن ترد عليه وتحول بين الشريحة دى ودى أثناء المكالمتين بالزرار الصغير اللى على الجنب الشمال فوق زرار تعلية الصوت

**Ahmed Sharaf** · 12-04-2009 12:36 PM

مش بيدى مشغول عندى اللى بيتصل بيسمع جرس وحضرتك بتسمع تنبيه وممكن ترد عليه وتحول بين الشريحة دى ودى أثناء المكالمتين بالزرار الصغير اللى على الجنب الشمال فوق زرار تعلية الصوت[/quote]

أشكر اهتمامك , لكن جربت وبيدى مشغول , على العموم شكرا انا هروح سامسونج واسألهم.

**ahmed1981** · 12-04-2009 01:55 PM

المشاركة الأصلية كتبت بواسطة Sindbad7000

أشكر اهتمامك , لكن جربت وبيدى مشغول , على العموم شكرا انا هروح سامسونج واسألهم.

وأنا معايا برضه
ولو معاك مكالمة على خط وجاتلك مكالمة على الخط التاني بيدي مشغول أو فشل في الإتصال

**semsem67** · 15-04-2009 02:44 PM

أنا معايا سامسونج880 وكل اللي قاله د/ أحمد صحيح والتليفون ممتاز ولكن لا أنصح حد بشرائه لأن وكيله زفت وغالي جدا في الصياتة ومفيش قطع غيار برة التوكيل والتوكيل استغلالي بشكل بشع ومعاملتة للعملاء أقل ما يقال عنها أنها مهينة حتى أنني كتبت شكوى لم يهتموا حتى بالرد عليها

**Dr_Ahmed_Abdelghany** · 15-04-2009 11:32 PM

المشاركة الأصلية كتبت بواسطة semsem67

أنا معايا سامسونج880 وكل اللي قاله د/ أحمد صحيح والتليفون ممتاز ولكن لا أنصح حد بشرائه لأن وكيله زفت وغالي جدا في الصياتة ومفيش قطع غيار برة التوكيل والتوكيل استغلالي بشكل بشع ومعاملتة للعملاء أقل ما يقال عنها أنها مهينة حتى أنني كتبت شكوى لم يهتموا حتى بالرد عليها

اللى بيجيبه للأسف بيجيبه علشان ميزة الشريحتين فقط وإلا النوكيا تتفوق بمراحل ، وكل التوكيلات كده يا أخى وكل التليفونات "قرف" بكسر القاف يعنى بختك يابو بخيت وربنا يسترها ومنحتجش منهم حاجة

**amir** · 30-05-2009 06:21 PM

كويس ان الموضوع مفتوح للكلام عن السامسونج
انا كنت بفاضل بين ال ال جي lg kf750 و السامسونج f480
المهم كنت ميال قوي ناحيه السامسونج f480
قلت انزل عبد العزيز اشيك علي الاسعار و كانت الصدمه
لقيته ب 450 جنيه
افتكرت الراجل غلط و بشاورله علي العلبه لاقيته بيقولي ايوه ده صيني!!!
يا جماعه العلبه و اللوجو و كل حاجه سامسونج
للدرجه دي الصيني بقي مرطرط ده لولا انه قالي مكنتش هاعرف!!!
المهم لاقيت السامسونج d980 محطوط بسئله بكام لأني عارف انه ب 2400 في المحلات و المولات لاقيته بيقولي 2150 بالضمان!!!!
انا شايف انه كويس بس الشاشه مش touch capacitive زي ال f480 دي touch resistive
ياتري حد جربه و هل يستاهل ولا خليني في السامسونج f480
هو فرق السعر بينهم بسيط قوي ال f480 ب 1850 بدون ضمان و بالضمان 2200
بس انا شايف ان ال 980 بمقام موبيلين و انا فعلا محتاج خط تاني علشان الشغل
عايز نصايح بس بسرعه علشان شويه و هانزل اشتري
و شكرا

**Dr_Ahmed_Abdelghany** · 31-05-2009 01:14 AM

فروق ال سامسونج 980 عن ال 880 خلاصتها فى الكاميرا (5 ميجا بفلاش فىال 980) ( 3 ميجا من غير فلاش فى ال880)
و التتش سكريين فقط
باقى المواصفات هى هى ، ولا يستخدم ويندوز موبايل بل يستخدم جافا
الفرق بين الموديل ده وموديلات ال f كبير وأهمه وجود الشريحتين

فرق السعر بين ال 980 وال 880 كبير ويعتمد على احتياجك لكاميرا فائقة الجودة أو كاميرة جيدة جدا