السلام عليكم
اولا انا لسه دلوقتى حالا موصل خدمة الانترنت بعد طول عناء
المشكلة بدئت بأنقطاع خط التليفون الرئيسى اللى بيغذى المنطقه اللى انا ساكن فيها كلها
وكان الموضوع هنا
http://www.nilemotors.net/Nile/showthread.php?t=66327
المهم فكرت اغير رقم تليفون البيت بسبب المعاكسات
فتوجهت اللى فرع شركة t e data
اللى فى شارع مكرم عبيد
وسئلت هناك
هل لو انا غيرت رقم التليفون ( الرقم فقط ) هيتم قطع خدمة الانترنت عنى؟
رد عليا مندوب شركة الانترنت لأ
وقالى كل اللى هتعمله انك هتتيجى للشركة بعد تغيير الرقم فى السنترال وتعمل تعديل لبياناتك فقط
ورحت كمان سئلت نفس السؤال فى السنترال قالو مش هيحصل اى مشكله وان عمليه تغيير الرقم بتتعمل وانا واقف نظير مبلغ 20 جنيه ولو عايز الرقم الجديد يكون سرى يبقى كله 31 جنيه
وان الرقم الجديد هيشتغل بعد 24 ساعة
المهم غيرت الرقم وحصلت المشكله الكبيره
اتصلت بشركة t e data وقلتلهم انى غيرت رقم تليفونى الرقم بس والخط هو هو والعنوان هو هو
قالولى لازم تعمل كانسل للرقم القديم وتدخل الخدمة من جديد على الرقم الجديد وتستنى اسبوعين
قلتلهم ياجماعه الخط هو هو قالولى لا ماينفعش قلتلهم ياجماعه انا جيت سئلت الاول قبل مااعمل حاجه قالو طيب تعالى للفرع
رحت للفرع قالو هات خطاب من السنترال يثبت ان البيانات الفنيه الخاصه بتليفونك هى هى القديمه
رحت السنترال ووصلت لموظف المعلومات فى السنترال وحكيتله اللى حصل ادانى جواب مكتوب فيه ان الرقم فقط هو اللى اتغير وان البورتات والبوكس وكل حاجه هى هى القديمه واخذت ختم السنترال على الجواب
وديت الجواب لشركة الانترنت قالو لازم نسئل الاداره
رحت عملت شكوى فى الجهاز القومى لتنظيم الاتصالات
وعدى كذا يوم دون جدوى
المهم اتوصلت لرقم تليفون الخاص بأدارة شركة tedata
وعرضت عليهم المشكله الحمد لله حلوها اخيرا والانترنت اشتغل
ليه بقى الروتين اللى بيعقدنا فى كل حاجه ده
