الموضوع: الى اى مدى تتوقعوا انتشار النيو سيراتو ؟؟

ده حصل قدامي فعلا يا جماعة... حوالي 5 او 6 حجزو قدامي في أول يوم نزلت فيه في نص ساعة...!!! و والله العظيم كنت داخل امبارح محل موبايلات كبير قوي عندنا في الهرم لاقيتهم مسكين البورشور بتاع النيوسيراتو و 4 عامليين عليها كونسولتو و معجبيين جداا بيها و في 2 عايزين يبيعو عربياتهم و يجيبوها.. هو صاحبي و اعرفه من زمان فسألني و قولتله كل اللي هو عايز يعرفه... كان والله طاير بيها و هو اصلا معاه لانسر بومة...

انا متوقع انتشار كويس قوي بس مش خرافي زي البومة مثلا.. ممكن زي انتشار الشارك.. والله أعلم

انا هختلف مع اى شخص يقول على ان النيو سيراتو عربية عربية مش قوية بالعكس انا شايف انها عربية مناسبة جداوانا واحد من الناس ما بحبش الكورى اساسا ولا بقتنع بية بس لما شفت العربية وعرفت نظام العربية اقتنعت بيها جدا وعلى سعرها والفئات الى فيها كويسة جدا وفى نفس الوقت عربية هتنتشر لانها مطلوبة جدا فى السوق ودا لانها اتغيرت كليا من جوة ومن برة بس الوكيل عاوز يعملها اسم وكيا وهيونداى عربيتين كورى متقاربتين بس بصراحة انا مادفعش فى هيوانداى جنية احمر لانها بصراحة عربية شايفها زى الزفت ووكيل مش هقول وحش بس ممل ورخم بسبب الانتشار الواسع بتاع عربيتة وان العربيات نازلة هنا فى مصر معيوبة بس النقطة الى هتنجح النيو سيراتو اولا العربية جاية من كوريا يعنى المسمار نفسة متقفل هناك عكس عمو غبور وعربياتة الجميلة ثانيا ضمان العربية 5 سنين او 100000 كم ايهما اقرب واونكل غبور ضمانة 60000 كم بس فا هناك اختلاف فى العربية وعلى فكرة لو العربية انتشرت دا مش حاجة وحشة زى ما الناس فاكرة بالعكس قطع الغيار هتتوفر وهيكون اسعارها مناسبة بس انا الى قلقان منة لتكون قطع الغيار غالية بس مش مشكلة هى النقطة كمان ان التوكيل لما سئلتهم قالولى ان صيانة العربية ساعة ونص فا دى حاجة هتكون كويسة ولما عرفت كل حاجة عن العربية انا اقتنعت بيها وحجزت الهاى لاين الكاملة لان انا شايف انها عربية مناسبة فى بلد زى بلدنا وبالنسبة للامان والكلام دا كلة الحافظ هو الله وغير كدا ان الصينى ماشى فى البلد دى فا طبيعى ان عربية زى دى تنجح لان شركة كيا مش قليلة والوكيل الجديد كويس فا يا جماعة كل عربية ليها مميزاتها وليها مساوئها وان شاء الله لما استلم العربية واجربها واعرف مميزاتها ومساوئها اكتر هقولكم عليها بس مبدئيا هى عربية ممتازة لانها تختلف عن السيراتو القديمة كليا وعربية واسعة جدا وكبيرة انا ركبتها وشفت وسعها حلوة جدا مريحة جدا وستايل جدا وغير دا كلة دى اذواق ولولا اختلاف الاذواق لبارت السلع واسف انى طولت عليكم