معتقدتش ابدا ان دى ثقافة المصريين فى السيارا بل العكس تماما بس الناحية الاقتصادية وارتفاع اسعار السيارات بيأثر فى اختيارت الناس
عرض للطباعة
ياجماعه العربيه تحفه بمعني انها من العربيات القليله اللي التوكيل نزلها زي بره ....بالعكس فيها حاجات زياده علي الخليجي لاول مره بمصرنا العزيزه..........
بلاضافه انها من شركه سمعتها كويسه ان عربياتها مشاكلها تقريبا قليله
توكيلها كويس وعايز يثبت وجوده .........
ومفيش داعي تاخدو المسميات علي علتها .........العربيه تحفه وجميله في عين اللي حاببها مش علي المطلق ( يعني هي حتبقي تحفه .امال ال bmw تبقي ايه)
اما الاخ بتاع ان ثقافه الميكانيكي ..............مفيش ميكانيكي حتسالو عليها الا يقولك ياعم سيراتو ايه دي كوري وقطع غيارها غاليه احسنلك تجيب تويوتا ياريس ولا لانسر ولاالا اقولك احسن هات نيسان صني.........(هي دي بقي ثقافه اليكانيكي في مصر)
سوق السيارات الحقيقى مقاس نجاحه الخليج حيث قوة الشراء اكبر والمستهلك الواعى لجودة السيارات . فالخليج ال ناجح فى اليابانى التويوتا واللكزس وفى الكورى الهيونداى فقط ومكتسح بكل فئاته من اكسنت الى الازيرا والاروبى المرسيدس وال بى ام والامريكى مجموعات ال جى ام سى وفورد واما الباقى لاتجد لهم وزن ولا اسم فى الطرق
اسمحولى اعبر عن رأيى بعد كل المناقشات دى:
1)العربية فعلا حلوة جدا بس غالية و دة ميمنعش ان الواحد يدفع فيها فلوس طالما فى ضمان 5سنيين انتوا عارفين يا جماعة يعنى اية 5سنيين ضمان او 100الف كيلو دة كتيير جدا انا عربيتى فيرنا ضمانها 2سنة بس او 50الف هيهيهيهييهي يعنى ولا حاجة يعنى اللى حيجيب السيراتو حيشترى دماغة 5سنييييييين يابشر بفرق ال10تلاف جنية اللى محيراكو كلكم!!!
2) الكيا عربية نضييييفة جدا جدا و بمستوى الهيونداى او اعلى كمان واللى ركب الأتنين حيعرف قصدى
3)مين قال ان الكورى دلوقتى وحش!!! الكورى حاليا بالمواتيير الجديدة ذى الالنترا و السيراتو كفء جدا جدا وبمستوى اليابانى كمان
4)حييجى واحد يقولك سيب الكيا 5سنيين وسييب تويوتا 5 سنيين و شوف الفرق بينهم بعدين لأ حرد علية واقول الأستعمال يفرق كتيير و بص حواليك فى يابانى كتير موديل السنة طالع عينة و كورى لسة بشكتة!!!
5)اللى يقول خد الصنى ب 90الف اوتوماتيك مع فائق احترامى للصنى (اليابانى) المصرى مش قد كدة وتوكيلة ضايع يقولك على عربية شكل 2005 دى 2009!!! وتقفيلها فى مشاكل ..لأ خد الكورى الكورىولا اليابانى المصرى
6)انا عربيتى برضة تقفيل مصرى وفيها عيوب تقفيل لحد يفتكر انى راكب المانى!!
7)وزن العربية عالى يعنى مش خفيفة يعنى ثابتة ولسة محدش قفل بيها عداد عشان يقول مش ثابتة صح ولا اية؟؟؟
8)يعنى عربية شيك كاملة شكلها من جوة جميييل جدا ومستوردة بالكامل ضمان 5سنين و100الف كيلو كماليات خيالية كفاية نزلة بجنوط17 !! يعنى اللى حيجبها مش حبزود فيها مليم احمر !! متنتشرش ليية ؟!! حتنتشر و تنجح وبأذن الله ناوى اشتريها انا كمان وربنا يستر وميطلعش كلامنا كلة فشنك:confused:
كلام في الجووووون :vctry::36_7_7[1]:
وأنا مع حضرتك في كل اللي قلتلة لكن للأسف كلام حضرتك لا يسمن ولا يغني من جوع مع هذا الشعب ... لأن اللي بيفكر ان ده ياباني وده كوري وده ماليزي صعب انه تفكيره يتغير لأن الياباني حاليا جاي في المنزلة اللي بعد الألماني والفرنسي وصعب ان حضرتك تييجي من وجهة نظرهم وتفضل الكوري عن الياباني مع ان كوريا حاليا بتصنع سيارات تناطح في مواصفاتها الألمانية مش اليابانية ,,,
علشان ما أطولش انتشار السيارة يعتمد على سعرها وانا ارجح ان الانتشار هيكون في الفئات المتوسطة يعني اللي ما تزيدش عن 110000
لكن الفئات العالية جدا صعب ان واحد يقتنع انه يدفع أعلى من كدة في عربية كوري طالما بديله الياباني موجووووود
وانا من وجهة نظري ناوي بإذن الله على النييو سيراتو الهاي لاين بس ادعولي
أسف على الاطالة :Ob_mak1[1]::Ob_mak1[1]:
مين قال انها مش بتنباع ... اذا كان الخليجي منها ما شاء الله كان مالي السوق ..وفي ليلة وضحاها كله اتباع ...حتى الموزعين كان عندهم خليجي واتباع ...وعلى فكرة الخليجي بيتباع بنفس السعر مع ان كماليات أقل ...ده غير الضمان اللي لوحدة بيرجح الكفة ...
عموما لولا اختلاف الأراء لبارت السلع ..وأتمنى من الله عز وجل ان تكون تلك السيارة محل ثقتنا ولا تخيب أمالنا وربنا ييسر لما فيه الخير
انا بصراحة مع ايناس فى الموضوع كل واحد بيختار العربية على حسب احتياجاتة وعلى حسب راحتة ليها وانا مقتنع انى بدام حابب الشيئ دا هيكون على قلبى زى العسل حتى لو عيوبة كتيراقتباس:
ياجماعه كل واحد ليه وجهه نظر مش من حقه يفرضها علي التاني اللي بيركب الكوري يقول علي اللي راكب صيني مابيفهمش حاجه والياباني علي الكوري ........والاوروبي علي الياباني والالماني علي الاوروبي.................تفتكروا لو الواحد معاه يجيب احسن عربيه في العالم مش حيجيبها ....
لكن كل واحد ليه متطلبات معينه ومعاه فلوس معينه وبيستريح حتي لشكل معين.......
لكن ماقولش اجيب ب 100000 عربيه ياباني ومجيبش كوري .....طيب لا ليه.......اذا كان ب 100000 دول حجيب عربيه فول اوبشن كوري لكن في الياباني حجيب اول فئه
يعني مش من نفسي اركب عربيه فيها شويه رفاهيه ولو بسيطه
وبلاش كلام والنبي علي الثبات فوق ال160كم والكلام اللي مالوش لازمه بلدك شوراعها كلها بمحاورها مينفعش تمشي علي 90كم مش سرعات خرافيه...وده موثق بحوادث الدائري اليوميه
...كل واحد حر في اختياراته لانه ادري باحتياجاته
وكل عربيه وليها مميزاتها وعيوبها..........
واللي عايز يتكلم في ثبات وسرعات يبقي ميشتريشكوري و يشتري اوروبي والماني
وربي يهدي الجميع
لو على الميكانيكى هو عاوز يشتغل وخلاص وانا ركبت الصنى موديل 2006 عربية زى الزفت مش وحشة العربية ضيقة جدا وخفيفة جدا ودى كفاية اوى انها ما تنتشرش لان انا واحد من الناس الثبات عندى من اهم المقومات فى العربيةاقتباس:
ومفيش داعي تاخدو المسميات علي علتها .........العربيه تحفه وجميله في عين اللي حاببها مش علي المطلق ( يعني هي حتبقي تحفه .امال ال bmw تبقي ايه)
اما الاخ بتاع ان ثقافه الميكانيكي ..............مفيش ميكانيكي حتسالو عليها الا يقولك ياعم سيراتو ايه دي كوري وقطع غيارها غاليه احسنلك تجيب تويوتا ياريس ولا لانسر ولاالا اقولك احسن هات نيسان صني.........(هي دي بقي ثقافه اليكانيكي في مصر)
وادعولى انى استلم الهاى لاين ان شاء الله باقى من الزمن شهر و 10 ايام يارب يعدو على خير واستلم على خير وتكون وش الخير يارب