بانسى نفسى وانا سايق فى الصحراوى
وانا عارف انة دة غلط
عرض للطباعة
بانسى نفسى وانا سايق فى الصحراوى
وانا عارف انة دة غلط
يا بوب
لما تتجوز ويبقى عندك عيال ... لازم ح تخاف عليهم وتبطل سرعة
اهم من السرعة طريقة السواقة
فيه ناس سواقتهم مش بسرعة لكن خطيرة جدا ....
وناس بتسوق بسرعة لكن سواقتهم متزنة نوعا ما
....
السرعة بتفرق دايما عند حدوث خطأ من الغير ... او ظروف قهرية مثل انفجار الإطار ...
ربنا يستر طريقك
ربنا يهدينا ويهديك...ويسترها.
شوف الرابط ده.
http://www.nilemotors.net/Nile/showthread.php?t=66901
اطبع صورة حادثة من الحوادث والزقها على التابلوة
فعلا
انت مش هاتبطل الا لو عملت حادثة
أنا كنت كده
و كنت ما بانزلش عن 150 أبدا و معاك وانت طالع للآخر العداد
و كان عندي هاجس اني مادام مركز وواخد بالي يبقى خلاص ....كله تمام
و مش أي حد يجري يعني و الكلام ده
لحد ما عملت حادثة و أنا ماشي فوق ال 160 ...
و ربنا ستر ألف ستر
الحمد لله ألف مرة
العربية شالت عنى الحادثة (كانت بي ام e21 ) بس باظت طبعا و أنا اصبت حاجات بسيطة ....
الحادثة كانت ثواني
حسيت فيهم ان نفسي ايد تتمد وتوقف العربية ....
نفسي حاجة تقلل السرعة بتاعة الشيء اللي أنا جواه ده ....
وبعد الحادثة اتعلمت ان أنا الغبى اللي كان بيجري بالشيء ده
أنا الغبى اللي كان واصل للسرعة دي بإيده
و خبطة ورا خبطة في الحادثة أحس انها موته ورا موته والله (كل ده في تلات أربع ثواني).
خفت على نفسي
و اللي معايا
و خفت على أهلي و اللي ها يجرالهم لو حصلي حاجة
و بعد الحادثة .....جريت عربيتي حبيبتي بإيدي و اترمت تحت البيت سنة كاملة
و عرفت قيمتها و انا متمرمط تاكسيات و مشي
و بعدين قهدت أصلحها
و زعلان على كل حتة أنا كنت عاملها و أنا شايفها معجونة
وأنا اللي عملت كل ده
الله يخليك ..... بلاش تتعلم الدرس بانك تاخده زي ما أنا أخدته
خاف ....اللي ما بيخافش ....يبقى ما بيحسش
افتكر الناس اللى بتحبهم و بيحبوك، واللى لو حصللك حاجة لا قدر الله، اد ايه هيزعلوا عليك، اعتقد ده رادع ايجابى كويس.
ممممممممممممممممممممممممم مممممممممممممممممم
ونا نفسي اقول الجملة دي بقياقتباس:
انا نفسي ابطل سرعة
بص يا سيدى انا يمكن اخر سرعتى 120 فى الطرق العاديه وبعتبرهاسرعه جنونيه وانا ماشى باليل فى طريق عادى فجاه ومخدتش بالى ان فيه اشاره لان نظرى ضعيف باليل او مبشوفش باليل اوى الاشاره وقفت وانى الحق اوقف العربيه ابداااااااااااااااااااااا ااااااااااااااااااااااااا ااااااااااا خت ى العربيه القدامى العربيه القدامى محصلش فيها حاجا لكن عربيتى وشها اطبق وعملتها ورديته بس اعصابى من ساعتها باظت بجد انهارت وعرضت العربيه للبيع وكرهت السواقه
بتهرجوا
والله بتهرجوا
لاطبعا بخاف مالسرعة
النهاردة عالدائري واحد عدي من جنبي تقريبا تقريبا تقريبا كان مقفل العداد
انا دوخت ونا بس شيفاه
ههههههههههههههههههههههههه ههههههههههه
طب بس بقي متخلونيش اتغرررررررررررر في نفسي:shyy::shyy:
احم احم
طب ليه بس الاحراج دا
عادة بمشي يعني 70 او 80
ممكن عالدائري فقط 100
ومرتين كانوا 120 بس كنت مستعجلة شوية وببندم عليهم لحد دلوقتي
بس اساسا اللي يشوف العربية يقول كويس انها بتوصل لاخر الشارع
يعني لو عربية افضل اكيد هتجرأ واتعود عالسرعة اكتر من كدا
خلي السر دا بقي في زير
عشان البرستيج بس
هو فعلا عمر مالواحد حيؤمن بخطر السرعه الا لما يوجه موقف بيعينه ودا حصل معايا مكنتش سايق بسرعه اوى بس كنت داخل ملف حاد شويه وكانت سرعتى مثلا 60 تقريبا كنت المفروض اقللها بس طنشت (السرعه دى كانت عاليه بالنسبة للملف) وفجأه لقيت تريلا ضخمه هى كمان واخده الملف بسرعه فكانت واكله من الحاره بتاعتى شويه فحدفت الدركسيون سنة يمين لقيت العربيه سحبت منى جامد ناحية اليمين وكان جاى ناحيتى من اليمين موتوسيكل كان هو راخر ماشى بسرعه
الموتوسيكل لما شافنى جاى ناحيته جامد ضرب فرامل جامده وكمل الباقى على الارض واللى سايقه جاله كسر مضاعف (نقلته طبعا ووديته المستشفى) والتريلا مشى عادى ولا كان فيه حاجه حصلت ادامه ونولع بجاز
بالرغم حتى وانا كنت ماشى بسرعه الخطأ جه من غيرى
وبالرغم من ان نا مش غلطان حتى سواق الموتوسيكل كان عارف ان انا مجيتش عليه الا بسبب التريلا دى
بس الواحد فضل يلوم نفسه لان السرعه العاليه بتقلل فرص الاختيار وهو دا اللى آمنت بيه بعد الموقف دا
اعرفوا فعلا ياجماعه ان كل متزودا فى سرعتكوا بتكون اول حاجه بتضيعوها هى اسهل فرصه للنجاه وبتبقى اخياراتكوا بعد كده فى الاقل ضررا
زى اللى حصل معايا مكانش ادامى سوى اختيارين يا اما افادى الموتوسيكل والبس فى التريلا او افادى التريلا والبس فى الموتوسيكل بالرغم انه لوكانت سرعتى قليله كان زمان الموضوع عدى بسلام ومكانش حصل اى حاجه
والبشر 3 اصناف منهم من يتعلم من تجارب غيره
ومنهم من لا يتعلم الا من تجربته
ومنهم من لا يتعلم على الاطلاق
واتمنى ان تكونوا من الصنف الاول