انا باذن الله حستلم الافيو الكورى مانيوال سودا بعد يومين....عايز اعرف ايه اللى اشيك عليه وانا بستلمها وايه اللى اخلى بالى منه ....وهل لو فى مشكله فى ال rpm ممكن افقسها وانا بدور العربيه ؟؟! ارجو الافاده علما بانى لسه جديد فى السواقه......ولكم جزيل الشكر
1000 مبروك اولا
تانيا : خلى بالك صاج العربية مش جامد فواحدة واحدة
تالتا : اول 1000 كيلو بالراحة و بلاش تكييف و حاول متعديش ال100 رغم انى معملتش كده
حكاية الrpm هتلاقيها موجوده في العربية ولو عايز تتأكد إستنى لما العربيه تسخن وحط غار ومشي سنه وبعد كده مور لو الrpm نزل بسرعة منتظمه يبقى سليم لاكن لو علق بين ال ١ و ال ٢ أو فضل يلعب بين ال ٧٥٠ و ال١ يبقى هيعلق معاك قريب وجرب تشغل التكيف لو الrpm علي عن ١ يبقي فيه مشكلة ال rpm
الف مبروك وربنا يديك خيرها ويكفيك شرها
اولا الف الف مبروك
تانى حاجه وانت بتستلم بص على العربيه كويس واتأكد انها تمام وجرب كل حاجه فيها
وبالسبه للاستعمال بلاش فى الاول تحرق او تمشى بسرعات عاليه وبلاش التكييف
وربنا يديك خيرها ويبعد عنك شرها
اتأكد من عمل جميع الوظائف (العدادات - جميع الأنوار - المساحات - راجع على الصاج الخارجي كويس لأنهم أحياناً بيبقوا عاملين فيه مرمات - وطبعاً الكوريك والعدة - والزجاج الأمامي والخلفي - وحركة زجاج الأبواب صعودا وهبوطاً - ونظرة على فرش الكراسي والأبواب )
الف الف مبروك
والصاج ده اراجع عليه ازاى؟
الصاج تراحعه بالعين طبعا وتشوف لو فى بقع او ترقيع فى اللون وتشوف لو الصاج مموج او البويه كمان لو مموجه وعمتا وعمتا ريح دماغك عشان هيا بتتفحص كتير قبل ما تطلع للمستهلك من جهات حكوميه على ما اعتقد او جهاز الحمايه بس انت تحاول تبص على الفروق والتقفيل كويس جدا وتتاكد ان العدادات كلها شغاله فى التبلوه وتبص على السقف لتكون فيه بقع اونقر او ترقيع لون بس كده وبرضو اطمن مش بتطلع غير 100 100 لومستلمها من الوكيل مش من معرض وربنا يديكخيرها ويكفيك شرها والف مبروك وبراحه عليها دى هتبقى عروسه جديده:verygood::36_1_34[1]:
مشكله ال Rpm مش فى كل العربيات
انا والحمد لله تمام ( اوتوماتيك 2009 )
السلام عليكم يا جماعة انا شغال في منصور
ممكن تشغل التكييف عادي مفيش مشاكل والمحظور الوحيد في أول 5 الاف كم اللي هما بعدهم أوصل صيانة ان ال Rpm ميعديش الـ 3 الاف دورة/دقيقة وبس
وألف مبروك عربية محترمة خاصة الكوري وانا فعلا بفكر فيها لنفسي