المرض المروري الرابع: عبور الطريق الانتحاري والضحايا بالمئات

**ahmed1981** · 06-04-2009 11:35 PM

المرض المروري الرابع: عبور الطريق الانتحاري

مرض مروري يصيب الكثير من المشاة
ويعتبر من أخطر الأمراض.

أعراض المرض:
تظهر أعراض المرض في عدة صور:
1 - يقوم شخص بعبور الطريق بشكل مائل مما يزيد من فترة تواجده على قارعة الطريق فتقرعه السيارات
فالطبيعي أن يعبر الإنسان السليم الطبيعي الطريق عمودياً على الطريق من نقطتين متقابلتين على حافتي الطريق
لكن عندما يصاب الشخص بهذا المرض تجده يعبر الطريق ولتوفير المسافة فإنه يتحرك وترياً بشكل مائل في قارعة الطريق ليصل لنقطة أبعد في اتجاه مشواره ليوفر بعض السعرات الحرارية والدهون مخاطراً بحياته
وبينما يعبر وترياً فهو يعطي السيارات أحياناً قفاه لتكون المصيبة مصيبتين

2 - يقوم شخص بعبور الطريق المزدحم بالسيارات مسرعاً وعندما يتأكد أن سائقي السيارات رأوه بأعينهم يقوم بتهدئة سرعة عبوره للطريق ليتحول من حال الجري لحال التسكع
ويشيح بوجهه للجهة الأخرى كأنه لا يراهم
وكأنه يقول لهم بلسان حاله: (إنتم كده شايفيني وأنا مش شايفكم لو دهستوني فأنتم الغلطانين ومش هسيبكم في العالم الآخر)
ونسي المسكين أن 80 % من السائقين الذين يظن أنهم رأوه هم في الحقيقة سرحانين ومتنحين وهيدوسوه هيدوسوه

3 – بعض الطرق الرئيسية السريعة مثل الدائري وصلاح سالم من الصعب جداً عبورها
ومن يحاول العبور يحتاج للانتظار كثيراً
فتجد من يعبر ومعه سيدة كبيرة عبور انتحاري
وتجده يمد يده ليشير للسيارات بالوقوف وهو في منتصف الطريق
فيقف من يقف ويصطدم به من خلفه
أو تكون الأخرى السيئة وهي أن يكون السائق ينظر في جهة أخرى وتقع الكارثة

4 – ولا أنسى هذا الرجل المهم الذي يعبر الطريق وهو يضع الهاتف على أذنه ويتحدث وينسى النظر للتأكد من خلو الطريق

الحقيقة أن مظاهر هذا المرض أكثر من أن أحصيها

ويقال أن ظهور هذه الأعراض على الأطفال حتى سن عشر سنوات هو أمر طبيعي لذلك لا بد أن يرعاهم أهاليهم لتأمين عبورهم للطريق
وقد تزيد الأعراض لدى الأطفال فتجد من يقفز منهم أما السيارات ليضحك زملاءه في الحضانة أو في الإبتدائية
أما لو استمرت هذه الأعراض بعد سن عشر سنوات فتعتبر مرضية ولا بد من البحث لها عن علاج

العلاج وهو غالباً علاج نفسي ولا يوجد في الأسواق حتى الآن أي حبوب علاجية لهذا المرض
ولكن هناك بعض الخطوات التي تساعد على الشفاء:
1 - نفسك غالية وممنوع عليك رميها في المهالك وتوقع خطأ الآخرين فلن يفيدك أي تعويض بعد تحطمك أو موتك
2 - قبل عبور الطريق أنظر يميناً وشمالاً
3 – إذا لم تستطع العبور الآمن اطلب من تاكسي أن يعبر بك الطريق (اشتري سلامتك بمالك)
4 – ثق تماماً وأيقن أن 30 % من قادة السيارات لا يشاهدونك و 30 % نائمون و30 % لا يملكون فرامل
5 – عبور أبنائك الصغار للطريق هي مسئوليتك فلا تتساهل
6 - إذا كنت تعبر من إشارة فانتظر حتى تقف السيارات ثم اعبر الطريق

أما السادة قائدي السيارات فعليهم أن يعلموا أنه كما تدين تدان
فارحم عابري الطريق فقد تكون أنت أو أحد أبنائك بينهم في يوم من الأيام
ولا تغفل عينك عن المشاة إذا عبروا الطريق أمامك
فالمسئولية مشتركة
وعند وقوع حادثة لا قدر الله يتم توزيع نسبة الخطأ بين قائد السيارة وبين عابر الطريق الذي صدمته السيارة
لكن مهما حدث بعد ذلك فلن يحيي ميتاً أو يشفي مصاباً أو يصلح نفسية قائد السيارة المتورط بسبب غفلته أو إنتحارية عابر الطريق
والوقاية خير من العلاج

حفظنا الله وإياكم من كل سوء

**Qamar** · 08-04-2009 01:50 PM

مشكور. أنا متورط حاليا في قضية بسبب أحد الانتحاريين. الكارثة انه كان بيعدي من نهاية منزل كوبري فيه ملف!!!! فجأة وقف بين الحارتين و فجأة قرر الانتحار بأخذ خطوة أمام سيارتي المتحركة بسرعة 90 كم/س.
أنا كنت شايفه و هديت لكنه قرر .............و أدعولي

**blazer** · 08-04-2009 02:05 PM

موضوع ممتاز واشكرك جدااااااا عليه
يارب الحمكومه تحاول تنفذ المقترحات ديه وهى غير مكلفه تماما
وانا صغير فى المملكه العربيه السعوديه لما كان عندى 5 سنين كنت بشوف فى التلفزيون السعدودى اعلانات عن المرور يعنى مثلا
ولد قاعد فى البيت و والده يرجع و يسيب مفاتيح السياره و يدخل ينام
فالولد ياخد المفاتيح و يسوق العربيه و يعمل حادثه و يجيبوه وهو غرقان دم !
الموضوع اثر فى جامد لدرجه انى فاكر الاعلان دلوقتى كانى شايفه امبارح مع انى بقالى 16 سنه مشفتوش!
والمقرر لو اتعمل فى المدارس هيبقى اصعب شويه بلذات فى المدارس الحكوميه لانهم اساسا مش بيدرسوا المواد الاساسيه و هيبقى فى استهتار من جانب معظم المدرسين للمقرر الا ما رحم ربى

انا حصلى موقف قبل كدا كنت ماشى بلعربيه فى ملف و كنت على سرعه 60 كم
فجأه الاقى واحد قرر يعدى الشارع و هو عمال بيتكلم واحد على الناحيه اللى هو بيعدى منها من غير اما يبص على العربيات اللى جايه والمسافه بينى و بينه متتعداش ال 20 متر
لاول ستر ربنا انى لحقت افرمل العربيه الاكصدام بتاعها تقريبا كان هيلمس رجله
ربنا يستر طريقنا كلنا
وانصح اى حد عاوز يعدى شارع كبير زى صلاح سالم او الدائرى او حتى( شارع الهرم بليل )
انه يبقى واثق 1000000% ان مفيش اى عربيات عشان فيه عربيات بتبقى ماشيه فى الشوارع دى 160 و 180 بليل

**M.Osman** · 19-04-2009 12:02 AM

– ولا أنسى هذا الرجل المهم الذي يعبر الطريق وهو يضع الهاتف على أذنه ويتحدث وينسى النظر للتأكد من خلو الطريق

افتكرت موقف لا يمكن انساه ابداً.......

ماشي بالعربية جوة البلد ( كان معايا صحابي ) و الاقي واحد ظريف بيتكلم في الموبيل و بيعدي قدامي بكل برود و مديلي قفاه ... لأ و كمان راح و اقف فجأة و رجع سنة عشان ينادي على واحد في الضفة التانية!!!

الموقف صعب يتحكى ... بس لا يمكن انسى كمية الشتايم اللي خدها الظريف دا مني انا و صحابي!!!

**Samah AbdAllah** · 23-04-2009 06:02 PM

انا مع مبدا ابدأ بنفسك
اذا اردت التغيير فكن انت التغيير الذى تصبو اليه

**elwad_crazy** · 23-06-2009 03:17 PM

انا خبط واحد قبل كده بسبب الاهمال ده
انا بجري ولقيت واحد معدي من قدام ميكروباص وبيبص للناحيه التانيه مش بيبص للعربيات فطبعا من غير انظار ولا اى شئ
كنت شايله من على الارض
بس الحمدلله كام كسر كده على الخفيف على كام غرزه والازاز بتاع العربيه اتكسر والحمدلله

ده اكبر اهمال يا جماعه

وتانى حاجه اللى تشبه للمشكله دي

الناس اللى تركن ومره واحده تفتح الباب من غير متشوف فى عربيات جايه ولا لاء
دي مصيبه ممكن الواحد من الموقف ده يخبطله كام عربيه وهوه ماشى

**M.Osman** · 24-06-2009 01:59 AM

الناس اللى تركن ومره واحده تفتح الباب من غير متشوف فى عربيات جايه ولا لاء
دي مصيبه ممكن الواحد من الموقف ده يخبطله كام عربيه وهوه ماشى

دا المرض المروري الخامس

**TaoTao** · 24-06-2009 07:59 PM

المشاركة الأصلية كتبت بواسطة qamar

مشكور. أنا متورط حاليا في قضية بسبب أحد الانتحاريين. الكارثة انه كان بيعدي من نهاية منزل كوبري فيه ملف!!!! فجأة وقف بين الحارتين و فجأة قرر الانتحار بأخذ خطوة أمام سيارتي المتحركة بسرعة 90 كم/س.
أنا كنت شايفه و هديت لكنه قرر .............و أدعولي

ربنا معاك وإن شاء الله براءة طالما العبور تم في مكان غير مخصص لعبور المشاة.. ياريت تطمئنا على الموقف دلوقت

**Ashraf_Ashraf** · 24-06-2009 08:07 PM

ياعم الناس لسه فاكره وهى بتعدى ان اى واحد بيسوق ممكن يدوس فرامل فى اى لحظه تقف العربيه مطرحها ( غباء شديد)
وطبعا ليهم الحق يعدوا فجاه وينطوا فجاه قدام العربيه ويشرب بقى اللى بيسوق

-

مشاهدة نتائج الإستطلاع: ما هو أفضل إجراء لنشر الثقافة المرورية السليمة في مصر؟

الموضوع: المرض المروري الرابع: عبور الطريق الانتحاري والضحايا بالمئات

LinkBack

أدوات الموضوع

عرض

المرض المروري الرابع: عبور الطريق الانتحاري والضحايا بالمئات - انشر الموضوع فى :

-

-

-

-

المواضيع المتشابهه

تحدى عبور مصر

مقطم ولا عبور

المرض المروري الثاني:ما يسمى بالغرز أو التخييط أو التحويص

كيفية عبور الملفات

المرض المروري الثالث: الإنحراف الطولي المستعرض الأعور للطريق (مرض يصيب الطريق)

الكلمات الدلالية لهذا الموضوع

المفضلات

المفضلات

ضوابط المشاركة