اولا الف مبروك علي العربيه:
الفيليشيا او السكودا عموما تقنيه فولكس فاجن و تقفيل تشيكي كله ما اتقفلش منها اي عربيه بره التشيك نهائي.
بالنسبه للميه اللي بتنقص جرب زود العربيه و هيا دايره و كل ما تزود اضغط بنزين لان السكودا زيها زي كل الالماني لازم تاخد الهوا بتاعها من دوره المياه لو برضه الميه بتنقص يبقي شوف لون الزيت ايه لو لونه طحيني يبقي جوان وش السلندر ضرب و ساعتها لازم تغير الجوان و تغير الزيت و تتابعها تاني.
بالنسبه للسخونه ما اعتقدش ان كده العربيه سخنه و درجه 90 هيا الدرجه المناسبه للعربيه.
بالنسبه للعادم اللي بتشمه دا احتمال كبير يكون جوان الفرن بايظ و عاوز يتغير حاجه بسيطه يعني.
وديها لواحد بتاع شكمانات و خليه يكشف علي الشكمان و بعدين حتعرف ممكن يكون الشكمان مخروم و لعلم حضرتك لو الشكمان مخروم ممكن فعلا يسخن العربيه بس مش للدرجه الفظيعه .
المفضلات