السلام عليكم يا شباب
انا بفكر أشتر عربيه وحتار بين اللانسر 1300 والجين 2 ايه رأيكم؟
عرض للطباعة
السلام عليكم يا شباب
انا بفكر أشتر عربيه وحتار بين اللانسر 1300 والجين 2 ايه رأيكم؟
بيتهيألى مفيش وجه شبه بين الاثنين
ده عربية عائلية و دى عربية سبورت
موتور دى 1300 و الموتور الثانى 1600
دى يابانى و دى ماليزى
ال 1300 تكنولوجيا مش جديدة و الجين 2 معرفش التكنولوجى بتاعها اخباره ايه بس موتور من تصميم لوتس و ده جميل
التسارع فى مصلحة الجين 2 و كذلك اعتقد السرعة القصوى
الثبات اعتقد فى مصلحة الجين 2
شكل الجين 2 جميل طبعا و شكل العدادت برضه
اللانسر فيها شنطة اكبر طبعا من الجين 2
لأ أنا بقارن فى المانيوال وعموامل الأمان الموجوده فى كل عربيه منهم وتكاليف الصيانه أو مصاريف التشغيل يعنى.
التقفيل و الخامات و الاعتماديه و سعر اعادة البيع في صالح الانسر يعيبها ضعف موتورها
لكن الجين 2 موتورها اقوي و ثباتها اعتقد هيكون احسن يعيبها التوكيل و الخامات
نقطة ثانية انا نسيتها سعر اعادة البيع و اعتقد دى فى صالح اللانسر مش فى صالح الجين 2
انا شايف تخليك مع اللانسر لعده اسباب اهمها
اوسع من الداخل
عربيه بقت شعبيه وعيوبها معروفه
اعاده البيع جيده
والاهم بقى انها عربيه اصلى مش تجميع
نسيت اقوللك حاجه
لو عايز الموتور اقوى هات 1600 وفرق السعر مش كبير
لو عايز عربيه اقتصاديه خليك فى 1300
بص انا هختصر ليك الموضوع
ماتور الجين اقوى من ال لانسر 1300
ودا طبيعى حضرتك بتقارن ماتور 1600 بماتور 1300
فيعنى سواء لانسر او مثلا ياريس
الماتور ال1600 يكسب
غير كدا اى حاجة ال لانسر تكسب فيها
لو بتقارن مواتير ببعضها
هات جين 2 عشان 1600 سى سى
لكن الثبات والاعتمادية وقطع الغيار واعادة اليبع والتقفيل والتوكيل يبقى لانسر
نصيحتى لو انت بتحب الجرى هات 1600 سى سى بصرف النظر عن جين 2 وا غيرها
بس رأيي لو بتفكر فى المانيول هات النترا بجد تحفة