تكييف و باور 128

**eng / AhmeD** · 13-09-2007 11:01 PM

السلام عليكم
انا كنت عايز اسأل ينفع أركب تكييف للعربية 128 ؟؟
و كنت عايز اركبلها باور
ممكن حد يقولي سعر الباور للعربية دي بكام؟؟
و التكيف ينفع اركبه ولا لأ و بكام؟؟
و شكرا

**ahmed1981** · 14-09-2007 02:15 AM

ينفع يركب لها تكييف (منصحكش أبدا) على رأي سبعاوي يا تمشي بالعربية يا تشغل التكييف :mrgreen:
بالنسبة للبور معنديش فكرة
موتور ال 128 لا يتحمل أعباء إضافية زي التكييف والباور
وبصفتي أحد مصاحبيها من زمان أقولك لو عايز تكييف وباور يبقى تسيب ال 128 وتدور على حاجة فيها تكييف وباور زي البرايد مثلا

**Abdallah** · 14-09-2007 04:16 AM

مفيش 128 نزلت بباور , يعنى مينفعش تروح تجيبلها باور استيراد, طبعا هتضطر تعدل وهيبقى فى الاخر عك كلع وهيقرفك جدا, نصيحة لوجه الله متحاولش تعدل فى عربية فى حاجات جوهرية, انا عدلت باور فى عربية كورولا قبل كدة كلفنى حوالى 5 الاف جنيه وندمت بعد كدة انى عملت وكرهت العربية بسببه.

**محمد البحيري** · 14-09-2007 02:08 PM

هو في سؤال صغير يا eng/ahmed
هل حضرتك محتاج للباور في ال 128 ............معتقدش ,انا عن نفسي مسوقتش عربيه اخف في دريكسونها من مثيلاتها الي من غير باور
بالنسبه للتكييف اقل واجب تكون العربيه 1300 بس برضه هيموت الموتور يعني ايه مفيش حل ؟ لا طبعا في
لو بتحب العربيه اقوي ومش عايز تغير تجيب موتور ريجاتا او لانشيا 1500و1600 بس بعد ماتعدل الشاسيه وتعمله رصاص و...... حاجات كتير وهيبقي معاك عربيه حكايه مش تكييف بس
بس السؤال هل عند حضرتك استعداد تلعب في اساسيات العربيه ؟ طبعا دي عربيتك وانت الوحيد الي تقدر تجاوب

**eng / AhmeD** · 14-09-2007 02:49 PM

كلفنى حوالى 5 الاف

يا نهار اسود هي ثمن ال128 نفسها أصلا كام

انا عن نفسي مسوقتش عربيه اخف في دريكسونها من مثيلاتها الي من غير باور

دي حقيقة
بس لو تركيبه هيبقي متعب خلاص
هو اصلا مش مهم اوي
علشان فعلا هي دركسيونها خفيف
عموما شكرا علي الرد

**kimoboy** · 16-09-2007 04:35 AM

Our family has 128 with AC. The only problem it heats but after we changed the radiator everything is fine.

**MMamdouh** · 16-09-2007 12:05 PM

السوال الاهم... لو فرض و لقيت باور ال128... حتسيطر عليها ازاى و هى ماشية 80 كم مثلا؟؟

اللى اعرفة ان ال128 دركسيونها خفيف اصلا و مع باور اعتقد انه حيبقى خفيف زى الريشة و خطر جدا على سرعة

الصينيين عندهم مثل بيقول:don't use cannon to kill mosquito

بلاش حوار الباور دة على عربية خفيفة اوى كدة

MMamdouh

**hazem_khidr** · 22-09-2007 05:56 PM

هو تركيب الباور مش صعب في ال 128
لكن مستحييييييييييييييييييييي ييييييييييييل.
بالنسبه للتكييف ممكن تركب موتور الريجاتا بكمبورسور تكييف لكن يا تري حتلاقي مكان لكويل التكييف في التابلوه ولا لاء؟

**kimoboy** · 22-09-2007 06:08 PM

We have 128 with AC, but we changed the radiator to a bigger one , because it was overheating.

-

الموضوع: تكييف و باور 128

LinkBack

أدوات الموضوع

عرض

-

-

-

-

-

-

-

المواضيع المتشابهه

تكييف 1.5 سبليت باور

النيفا الجديد على الزيرو 1.7 و تكييف و باور - نظامها ايه ؟؟

بيجو 504 أركب تكييف و باور؟؟؟؟؟

هى فعلات اللوجان من غير تكييف و باور؟؟؟

حد عنده معلومة عن تكييف باور الموبايل

الكلمات الدلالية لهذا الموضوع

المفضلات

المفضلات

ضوابط المشاركة