دخان أسود في الدوارة صباحا

**wmostafa** · 08-04-2009 07:03 PM

بص أنا هجرب أنظف البيك ده عند الميكانيكي وأشوف الصبح ايه النظام.

وهقولك

**samirayad** · 08-04-2009 07:04 PM

المشاركة الأصلية كتبت بواسطة wmostafa

بص أنا هجرب أنظف البيك ده عند الميكانيكي وأشوف الصبح ايه النظام.

وهقولك

توكل على الله.......وطمنا برضه

**wmostafa** · 08-04-2009 11:21 PM

مساء الخير.
للأسف الميكانيكي كان زحمه فمشيت عشان عندي ميعاد

, واكتشفت ان بيك السلانسيه مستخبي في قلب الكاربيراتير فلازم الميكانيني.

بس جربت أزود بنزين والعربية سخنه (امبليهات). ولاحظت خروج دخان أسود برضه وي أنا بزود .... هوا مش كتير أوي بس في نسبة دخان أسود بسيطة بتخرج مع التزويد جامد (امبليهات).

ايه رأيك ... ألخص وأحل الكاربيراتير وأنظفه ... ولا نمشي خطوه خطوه

**samirayad** · 09-04-2009 02:24 PM

ايه رأيك ... ألخص وأحل الكاربيراتير وأنظفه ...

مفيش مشاكل ....دا ده أجراء وقائى ........وبالمره أكشف على كل البيكات.......وجرب وشوف

**SAMEH_FOUAD** · 09-04-2009 07:26 PM

خلى بس الميكانيكى يعملك تنضيف عن طريق فتح كهربا الاسبراتير على الاخر ومعها بيزود بنزين العربية بتضرب مدافع وبتخرج كل البلاوى اللى فى الكربراتير وهتلاقى ان شاء الله عربية تانية من غير ماتغير حاجة وبيج السلانسية تمنة حوالى 10 جنية او اقل كمان

**wmostafa** · 12-04-2009 12:37 AM

اليوم مساءا نظفت الكاربيراتير.
لسه مستني صباحا لما تبرد العربية خالص.

لكن عندي ملاجظة وعايز تعليق :
قبل التنظيف كانت دواسة البنزين ثقيلة شوية . بس كنت لما أكبس بنزين ولو شوية صغيرة كانت العربية بتجري (أو تتسارع) بسرعة من أول كبسة .

بعد التنظيف: أصبحت الدواسة خفيفة وسلسة. ولكن كبسة البنزين ما بقتشي قوية زي الأول . ولازم لو أنا عاوز تسارع (او تجري بسرعة) ادوس على الدواسة للآخر !!!

هوه ده كدا طبيعي . واللا الميكانيكي شكلو وطى البنزين من الكاربيراتير ؟

**samirayad** · 12-04-2009 01:00 AM

ولكن كبسة البنزين ما بقتشي قوية زي الأول . ولازم لو أنا عاوز تسارع (او تجري بسرعة) ادوس على الدواسة للآخر !!!

أحتمال ده مجرد أحساس (علشان الباب أكيد بقى مش تقيل زى الأول )

**dr_timo** · 12-04-2009 01:11 AM

الموضوع كله هوة في تظبيط الكاربيراتيرررررررررر ياريت تظبطة عند حد متخصص يعرفلك فيه اية بدل التخمين والموضوع مش مكلف اوي ولا حاجة

**ahit** · 12-04-2009 01:16 AM

المشاركة الأصلية كتبت بواسطة wmostafa

اليوم مساءا نظفت الكاربيراتير.
لسه مستني صباحا لما تبرد العربية خالص.

لكن عندي ملاجظة وعايز تعليق :
قبل التنظيف كانت دواسة البنزين ثقيلة شوية . بس كنت لما أكبس بنزين ولو شوية صغيرة كانت العربية بتجري (أو تتسارع) بسرعة من أول كبسة .

بعد التنظيف: أصبحت الدواسة خفيفة وسلسة. ولكن كبسة البنزين ما بقتشي قوية زي الأول . ولازم لو أنا عاوز تسارع (او تجري بسرعة) ادوس على الدواسة للآخر !!!

هوه ده كدا طبيعي . واللا الميكانيكي شكلو وطى البنزين من الكاربيراتير ؟

تقصد إن السحب قل عن الأول و لا التسارع هو اللى قل؟
لو السحب قل و العربية مخنوقة شوية يبقى بيك الهوا مع البنزين عاوز يتظبط , و لو السحب قل يبقى أكيد الكهربا واطية شوية على ما أعتقد.