بجد أنتوا أملى الوحيد ياريت لو حد عارف أى معلومة عن التقسيط المرييييييييييح ما يبخلش عليا :b4_611:
عرض للطباعة
بجد أنتوا أملى الوحيد ياريت لو حد عارف أى معلومة عن التقسيط المرييييييييييح ما يبخلش عليا :b4_611:
طب انتى طالبة عربية ايه و لا نوعها ايه الاول علشان اللى يجيب لك القسط يكون عارف ..
أنا عايزاها ماروتى
بما ان انتي مستنية ردود جامدة انا هقولك اجمد رد...
معرفش حاجة خالص
:_Alshmokh11:
يا جماعة أنا عايزة عربية ماروتى مقدم 7000 وقسط 250 هى حاجة صعبة بس فعلاأنا محتاجة عربية ولو حد عارف أى معلومة ما يبخلش
بالنسبة للمقدم اللى حضرتك حتدفعيه حيكون قسطك الشهرى فى حدود 700 جنيه على 60 شهر .
بالتوفيق
الحل جمعية بال250 جنيه لمدة سنة مثلا ( لو اكتر يكون ممتاز)... أو سلف من حد (مش من بنك) لو متاح والسداد على أقساط.
لما تقبضي تزوديهم على ال7000 و تجيبي 127 او 128 كبداية.
انا عملت كده( بدأت بسيات133) و خطوة خطوة بكرم ربنا هتجيبي عربية أحسن و أحسن
السلام عليكم
شوفي
حضرتك المبلغ اللي معاكي و القسط ده هايبقي الموضوع صعب جدا
حتي لو هاتقسطي مستعمل
مش هاينفع
عموما للافادة
ارخص البنوك في الفايدة بنك ناصر
و ده تعاملاته نسيبا معقدة
اقتراحي
انك تزودي المقدم شوية
15 مثلا
و هايبقي القسط تقريبا 500 في الشهر
و عايز اقول لحضرتك علي حاجه كمان
العربية الجديدة مصاريفها مش كتيير
يعني ممكن يبقي معاكي 127 بتصرفي بنزين اكتر من الماروتي بالاضافة الي تكاليف الصاينة
غير اني مش باحبذ السيارة المستعملة للسيدات والانسات علشان اعطالها الكتير
تحياتي
و يا رب ما اكونش احبطتك واكون فدتك قدر المستطاع
من كتر ما بحط ردود جامدة بحس ان المنتدى حيقع
عشان كدة بطلت احط ردود جامدة
انزلى اى معرض
حتلاقى عروض كتير قوى علىالماروتى
و العربية فل الفل
بقولك ايه انتي شحططي المنتدي كله انا هجبلك من الاخر :colsmil:
هاتي عربية فيات 126 مستعملة موديل 96 او اعلي
علي قد فلوسك وعربية مش بطالة وحنينة وتتعلمي فيها السواقة براحتك
وبعد سنة ولا اتنين تكوني حوشتي قرشين تجيبة عربية كويسة
انصحك بدل القسط ووجع الدماغ عربيه 127 او 126 تاخد وقتها و تكوني حوشتي المبلغ افضل بكتير
كان الله في العون
على فكرة
على فكرة انت ما احبطنيش خالص بالعكس أنا باشكرك لزوقك
وأنا زى ما قلت الحمد لله لقيت كام عرض كويسيين لسه بشوف أنسب حاجة فيهم وما يكونش مطلوب ضمانات كتير عشان أنا مش بشتغل
وعلى فكر أنا مصممة اجيبها زيرو عشان زى ما حضرتك قلت أعطالها كتير وأنا عايزة أركب عربية أكون مرتاحة معاها
وبعدين يا جماعة فى حاجة مهمة أنا بسوق بقالى سنتين وزهقت وتعبت من المستعمل وحرمت أركبه
ربنا يرزقك بعربية ان شاء الله تريحك وتبقي زي الفل
كلا من الالتو او الماروتي جمال جدا جدا
كل واحدة ليها مميزات عن التانية
و لو حضرتك استقريتي علي واحده فيهم ان شاء الله هايبقي خيار موفق
تحياتي
بصى نظام التقسيط بمصر فى الجديد لو قسط صخير يبقى مقدم كبير ولو مقدم صغير يبقى قسط كبير ولو قسط صغير ومقدم صغير يبقى عدد سنوات التقسيط تزيد وده معناه الفايد تزيد وتدفعى تمن العربيه مرتين
عمما الكل بيحسب 7.5 او 8% على المبلغ الباقى بعد المقدم والرقم اللى يطلع تضربيه فى عدد السنوات والناتج تجمعيه علىالمبغ المتبقتى وتقسيمى الرقم النهائى دهى على عددالشهور يطلع لك القسط واحسن نصيحه لو مش مستعده لعربيه حاليا اصبرى لان لها مصاريف تانيه بعد الشراء والقسط
علشان تلاقى قسط بمبلغ قريب من ده حلك الوحيد انك تجيبيها عن طريق موظف حكومة يحول لك قيمة القسط وتجيبيها من بنك ناصر، غير كدة لا توجد حلول قريبة من الأرقام اللى انتى مقدارها